今日老闆請食飯,帶咗我黎呢間型格餐廳 入到黎完全見唔到人食野仲以為去錯地方。原來佢係型到好似電視d 有錢人屋企扭一扭個花樽就開另一對門咁,有機關架 要開咗先睇到入面嘅世界。 不過入去之前想講一講個reception 有個人啦⋯⋯我估係香港人黎嘅咁 我入緊去果陣 佢仲用廣東話傾緊電話我一到去 佢就用比較港式英文嘅問我幾位之類...。唔知點解 有少少感覺唔良好,唔知係果個人嘅態度問題定口音問題 定點。可能我會覺得去中環食呢d餐廳 會想人serve得好d! Anyway 入去啦 睇睇入面先 你應該仲未知佢真正係食咩嘅!唔係食西式野啊 飲酒果d啊⋯⋯ 係飲茶啊哈哈! 呢壼係碧螺春,用真茶葉沖架!少少回甘 海膽蝦餃!好靚喎岩哂我打卡食落個海膽好新鮮同埋估唔到都夾嘅!新食法 呢個係cheese burger spring roll 就係我地嘅春卷啦不過佢係用d牛肉同芝士整成醬做個餡都還可以,幾有特色!但個人都係鐘意中式果d多d但其實味道係ok 嘅 胡椒味重咗d d 跟住當然要食翻籠小籠包!好味喎⋯⋯比想像中 個皮仲厚咗少少 可能我地放咗一陣先食 , 但真係可以喎呢個 最後最後一個炒飯就飽哂啦 呢個櫻花蝦海鮮炒飯!正啊全晚最鐘意呢個炒飯 佢好夠鑊氣同埋夠味同埋好多料 海鮮夠哂多 有帶子 同蝦仁果d! 最後埋單先! 走走走!更多