手搖海鮮第一次食，雖然簡單但個汁真係超好味，所有海鮮沾上了醬汁就會好好食。 餐廳環境唔錯頗有心思，以船艙為主題，顏色鮮艷奪目，置身其中一定遇上驚喜。 二人套餐 $768 包了前菜、海鮮拼盤、意大利麵食和兩杯餐酒。 前菜：路易斯安那爆谷蟹餅 蟹餅成粒乒乓球咁大，用料十足全是蟹肉，香煎面層，絲絲蟹肉啖啖滿足，好食好食。 海鮮拼...盤：翡翠螺、海蜆、海蝦 一個大袋裝滿所揀的三款海鮮，和揀好的 mix and match醬汁。 店員在我地面前，拎起海鮮袋係咁搖，把海鮮均勻沾滿醬汁，一打開蒜蓉味香噴噴的。 海蝦新鮮彈牙，海蜆鮮味十足，翡翠螺大隻多肉無沙，戴上手套拆殼食比較方便。 海鮮熱辣辣的，而且好索汁，個汁好味先至係關鍵，少少辣酸酸地蒜香惹味。 除海鮮以外仲有腸仔、粟米和薯仔配料，二人享用都好滿足。 最後薯仔把所有汁索晒，真係可以食得乾乾淨淨。 麵食：黑松露海蝦忌廉汁寛條麵 黑松露香濃味道突出，忌廉汁好creamy，寬條麵好掛上，麵條煙韌彈牙，彈牙海蝦五隻已去殼，整體水準唔錯。 餐酒：House wine 海鮮配有氣白酒好飲，味道清爽輕巧。更多

2021.12.06 呢間餐廳沿住樓梯上樓，側邊都有好多得意嘅擺設，有好可愛嘅松鼠仔😍門口附近有大蟹同龍蝦嘅大魚缸，我同朋友今次就揀咗食個「二人套餐」 海鮮拼盤可以揀3款海鮮，我哋揀咗小龍蝦🦞、馬尼拉蜆、翡翠螺🐚。小龍蝦幾新鮮，肉質幾實淨，蜆好索汁，螺好厚肉。 配菜仲有綿滑嘅原粒薯仔🥔、肉腸片，同埋粟米段🌽。（另外...可以加錢轉🦀松葉蟹腳、阿拉斯加蟹腳、原隻波士頓龍蝦） 配個好creamy又清新嘅檸檬🍋奶油汁，佢係用網袋及厚身透明膠袋包住啲海鮮同醬汁，然後店員好似調酒師傅咁，喺你面前拎高表演搖勻，都幾過癮，有專人服侍你嘅感覺💁🏻‍♀️ （如果唔揀檸檬奶油汁，可以揀特製辣汁，或者檸檬胡椒汁） 前菜要咗法式煮青口，配龍蝦濃湯，湯汁真係好濃㗎😆而青口係軟綿綿，入面仲有新鮮嘅淡淡海水味，好正下！ 意粉或意大利燴飯，我哋就要咗黑松露海蝦忌廉汁寬條麵🦐🍝黑松露落得好足，寬條麵比較煙韌，蝦嘅肉質實淨嘅🍄菇都有幾種，包括冬菇、蘑菇及雞髀菇～ 套餐本身係配2杯紅酒🍷🍷，我哋就加錢轉咗飲Mocktail🍸🍹，一杯係有青蘋果粒、蘋果粒、橙粒嘅提子汁橙汁梳打”Virgin Sangria”，另一杯係有西柚乾及新鮮西柚，仲有薑啤嘅”Grapefruit Garden”。2杯都甜酸度適中，解膩嘅效果唔錯。 2人餐加埋一都只係每人$400！西式海鮮🦞價錢合理呀！更多

愛吃海鮮的人很有福💫 呢間比起尖沙咀大好多，而且更有特色。係船長擺設，勁鍾意船長風。上樓梯就好似上緊郵輪一樣🛳 叫左個2人餐 $688🍱 Seafood combo （簡3款）🐙🦑🦐🦞🦀 有11款海鮮可以俾你選擇，當中有三款比較貴嘅海鮮就要加錢，如果唔想加錢就可以喺個8款度揀。因為我哋唔係好中意食加錢果啲海鮮，...就冇揀到。 我哋揀咗小龍蝦，海蜆同埋翡翠螺。本身蜆有兩款，我哋問咗店員佢話呢隻比較鮮甜同埋大隻，所以我哋揀咗海蜆。 叫小龍蝦嘅原因因為前排好hit,但自己到而家都未食到，所以要叫一叫黎食，雖然小龍蝦冇乜肉，但係佢好爽口唔會話好鹹，加埋佢嘅汁我覺得好好食。蜆同螺就同平時差唔多就唔介紹啦。 Sauce方面揀咗Lemon dill cream 🍋🥛 因為另外嗰兩款一個係辣嘅，另一個係胡椒味，我對呢兩個味都麻麻地。 我揀嘅呢個係檸檬汁好香，推介👍🏻 除咗海鮮之外入面會有少量嘅香腸，薯仔，粟米 Appetizer 脆炸雞翼（蒜香蜜糖味）🍯🍗 食落比我想像中出色，一咬落去係超級脆，同埋食到個面好香嘅蜜糖味 Pasta or risotto 蟹肉卡邦尼扁意粉🦀🍝 食都有蟹肉而且好香嘅忌廉味 呢個建議快啲食，因為如果卡邦尼凍咗嘅話就會變得杰身。 House Wine🍾 🍸 Champagne & White wine 食海鮮仲好體貼有晒厚嘅手套，濕紙巾同埋防止整污糟嘅圍裙更多

去完玩具街再係附近搵食，比我再次遇到Mr. Crab by The Captain's House 餐廳，即刻入去食我念念不忘的海鮮袋。 餐廳主打新奧爾良式的海鮮袋seafood Combo，除了海鮮袋，亦有二人、四人套餐和單點的美國地道菜式可以選擇。 酥皮蟹肉蠔周打蜆湯（$98） 酥皮蟹肉蠔周打蜆湯，酥皮金香酥脆，飲得出好...足料，啖啖的鮮甜味，湯底Creamy 幼滑，香草包和酥皮吸盡湯汁，非常滋味 路易斯安那蟹餅（$128） 蟹波煎到金黃香脆，入面滿滿的蟹肉，食到一絲絲的蟹肉，鮮香味脆。 Combo A ($398可選擇3種海鮮） 蜆、海蝦、墨魚仔（檸檬刁草忌廉醬汁） 一上枱，見到脹卜卜的海鮮袋，之後侍應會先帶上手套在客人面前幫忙shake shake 。 我個人最喜愛海蝦和蜆，海蝦爽口彈牙，蜆肉大大粒，沒有沙，粒粒飽滿，配上檸檬刁草忌廉醬汁，味道濃郁又不會蓋過海鮮的鮮味，除了海鮮，亦配有粟米、大大粒薯仔和粟米，索晒D醬汁，非常惹味。 Devil Chocolate ($68) 賣相吸引，朱古力上有兩粒大大粒棉花糖，朱古力味道濃郁。 Fairy Lady ($78) 酒味都易入口，都非常適合女士。更多

Mr. Crab by The Captain's House 之前黎過食Lunch ，見到有非常出名的海鮮袋食，今日特登約埋朋友一齊再黎食海鮮袋。 餐廳裝潢以船艙設計，一進門口，見到大大幅用格仔瓷磚拼成的八爪魚壁畫，一路行樓梯上去，令人好像置身於船艙一樣，座位以卡位為主，座位寬敞，坐得舒適。 海鮮袋我地點了Combo B，...可選5種海鮮，我地點了蜆、翡翠螺、墨魚仔、扇貝、海蝦配上檸檬刁草忌廉醬汁。 侍應一上枱，會幫忙搖匀，令到海鮮每件都沾上醬汁。 一打開香氣撲鼻，海鮮大大隻，特別是扇貝、翡翠螺和海蝦，海鮮非常新鮮，鮮味十足，醬汁味道清新，完全停不了口。 黑松露薯條-薯條新鮮熱辣辣炸起，金黃香脆，薯條已經沾上點點黑松露醬，再配上黑松露沙律醬，雙重口味的黑松露，味道更濃郁呢！ Sakura Tin 杯既裝飾好靚，花茶味道清淡，好適合食完濃味野再清清味蕾。更多

放工經過灣仔，見到Mr. Crab by The Captain's House好吸引🤩， 地點位於灣仔莊士敦道， 樓高兩層， 店內以船艙作主題， 更設有一個巨型魚缸， 放滿新鮮海鮮。 兩個人剛剛可以試下二人套餐$688💞～ 海鮮袋可以選三款海鮮， 我們揀小龍蝦、 馬尼拉蜆和小墨魚仔，配檸檬刁草忌廉醬汁、焗意大利腸芝士條、 ...黑松露海蝦忌廉汁寬條麵、 紅酒和白酒。✨✨✨ 💠海鮮袋(小龍蝦、 馬尼拉蜆和 小墨魚仔) 配檸檬刁草忌廉醬汁🦑🦞🦪～ 店員會送上一個藍色膠袋， 裏面有自己揀的海鮮，然後猛力搖勻， 就可以食用。 小龍蝦和馬尼拉蜆味道甜美新鮮， 小墨魚仔爽口好味， 配檸檬刁草忌廉醬汁， 淡淡的檸檬香提升了海鮮的鮮味👍🏻，忌廉醬汁濃郁而不膩。 配菜有粟米、薯仔和腸仔， 滿滿的海鮮袋。😋 💠焗意大利腸芝士條🌭～ 外層酥脆， 裏面有火腿和芝士， 喜歡芝士的香濃味道。 💠黑松露海蝦忌廉汁寬條麵🍝～ 黑松露香噴噴的， 有幾隻爽口海蝦， 忌廉汁creamy口感，松露控必食。 💠紅酒🍷～ 易入口， 不會有苦澀味。 💠白酒🍸～ 味道帶點酸， 食海鮮配白酒，正！ 食物有特色， 店員服務親切， 座位舒適， 推介Shake Shake海鮮袋， 值得推介。💯 Mr. Crab by The Captain's House 地址: 灣仔莊士敦道74-78號一樓及地下C號舖更多

即興到此吃個午餐，沒有訂位，所以沒法安排卡位，其餘位置感覺有點迫夾。點了有海蝦和松葉蟹腳的拼盤，兩者也新鮮，但海蝦稍嫌細隻，性價比低。味道方面，不過不失。最推介原隻鐘拿蟹意大利飯，啖啖蟹肉，蟹蓋亦充滿蟹膏，極鮮味。還點了個蘋果批，二人最後埋單一千港元。抵唔抵？見人見智啦！餐廳裝修有美式餐廳的活潑，侍應主動為客人頻頻倒去蟹殼蝦殼，...不過部分侍應表情呆滯，如果可以多些笑容就好了！更多