餐廳：塚田農場 (觀塘) 地址：觀塘觀塘道418號創紀之城五期(apm)3樓L3-L13號舖 呢間嚟自日本宮崎嘅連鎖居酒屋——塚田農場 @tsukadanojo_hk 喺全日本有超過150間店舖，而喺香港就開咗4間分店，今次都喺第一次去觀塘呢間開咗接近2年嘅分店食嘢😋 呢間居酒屋喺日本響噹噹，食物理念以健康同新鮮為主，其中...以美人鍋同雞料理為必試菜式🤤，部分食材仲喺由日本直送，作為一個鍾意食日本料理嘅人緊係唔可以錯過 ✝️意式車厘茄多士 $58 餐廳沿用Oisix呢間主要搜羅高品質日本食材嘅網上超市貨源🇯🇵，以佢哋新鮮清爽嘅意式車厘茄粒放上迷你多士，車厘茄香甜爆汁💦，配埋微脆嘅多士仔喺一款清新開胃嘅前菜小食😌 ✝️免治雞肉蛋炒飯 $88 將免治雞肉同雞肉粒堆放喺自家製醬油炒飯上面帶嚟雙重口感 🐓，上枱後店員喺飯嘅周圍倒入蛋漿，當中仲有啲枝豆，蛋漿透過鐵板嘅熱力慢慢凝固變成蛋塊🔥，再撈勻炒飯嚟食，成個炒飯香而不膩，醬油惹味而唔會好濃味，幾啱我口味👍 ✝️疏乎厘鰻魚玉子燒 $88 平時玉子燒就食得多，今次第一次試塚田農場獨家嘅疏乎厘玉子燒，可以揀加入唔同餡料，我就叫咗鰻魚，不過得幾粒鰻魚粒喺入面。玉子燒同餐牌上面嘅樣有少少出入🤏，不過食落又真喺幾有疏乎厘嘅質感，外面微微焦香而內裡非常滑溜，富士山麓蛋嘅蛋香幾濃🗻，唔錯唔錯😎 加$38可以享用自助飲品吧，有超過20款飲品任你揀，包括美人果茶、排毒健美綠茶🍵、粉紅檸檬梳打🍹、西班牙特飲🇪🇸、柑桔美人水🍊、各種果汁、冷熱咖啡☕️、罐裝同紙包飲品🧃，真係可以比你暢飲夠本😆更多