出開銅鑼灣買聖誕禮物，行到累順便在附近揾嘢食。忽然記起利園後面有間FireBird，裝潢風格有別傳統串燒居酒屋，較有現代感。餐廳會搜羅不同日本清酒和及採用日本酒調製Cocktail，讓客人以多欸不同風格的美酒配搭佳餚；體驗以食伴酒之日本飲食文化。另外串燒原料均經過嚴格挑選，加上自家秘製醬汁；再由極具經驗的師傅細心燒製而成。我們對它極具信心，一於提早慶祝聖誕來臨食個豐富晚餐先。
特上牛肉串燒盛合   $188
串燒有五串(四串牛和一串秋葵)全部採用高質食材：有金菇牛肉串、厚切牛肉串，京葱牛肉和日本產霜降A4和牛等。特別係和牛串油脂在口內爆出，口入鬆化。隨碟附上新鮮雞蛋可令肉質更嫩滑。
重量級火焰原隻雞腿   $138
熊熊烈火好震撼，原隻雞腿在火焰下呈現；增加氣氛和打卞一流，亦可令雞腿更香口。隨著服務員細心地幫忙剪開雞肉，肉質嫩滑有點酒香和微辣十分惹味;配上爽口日本椰菜減輕肥腻感。
炸雞軟骨   $48
份量足夠唔算少，炸漿鬆化雞軟骨有咬口；用來佐酒一流。
松葉蟹肉火鍋   $278
這個火鍋冇得輸，單單松葉蟹有四大隻啖啖肉；大蜆蜆肉肥美，墨魚新鮮。還有大量蔬菜可平衡食物金字塔。
Strawberry Yakult Cocktail   $78
士多卑梨新鮮香甜，混入益力多和糖漿shake shake調製而成。食時沙冰增添口感，味道酸酸甜甜；買相吸。

落雨濕濕，快啲搵間餐廳避雨兼晚飯。
記得邊寧頓街有一間西日式餐廳，fusion菜式夠特別。
Berry Kisses
酒蒸成份不多，反而莓味顯著。
Fruit Tea
有各類生果，茶味濃厚。
日本產霜降A4和牛，厚切牛舌燒
和牛油脂係口腔內徘徊，滋味。肉質軟腍，肉味濃厚。
牛舌厚度，質感恰到好處，佐酒一流。
北海道珍寳帆立貝殼燒
帆立貝熟度剛好，嫰滑。
火焰原隻雞腿
熊熊火焰有噱頭。
雞肉非常嫩滑，少少辣度增添味感。
免治雞肉棒
蘸蛋漿惹味又滑溜。

放工約朋友去居酒屋放鬆放鬆下，店內嘅裝修令我覺得去咗日本咁，全店滿座，好彩之前訂咗位，唔係就要係門口等位

睇完餐牌，叫咗呢款 [ 本金槍魚三色刺身 $175.5 ] 店員會先係客人面前磅好咗重量，再由廚師處理，宜家做緊優惠 $1.5/g，呢件係 117g；厚切拖羅，新鮮美味，魚油脂甘香，入口即溶

再嚟個開胃小食 [ 明太子伴玉子燒 $48 ] 玉子燒味道甜甜，配埋明太子及蘿蔔蓉，味道好正

鍾意雞肉就要揀呢份 [ FireBird 雞肉串燒盛合 $138 ] 有雞肉配上大蔥，夾埋大蔥一齊食，油膩感更少，雞肉肉質嫩滑，加埋七味粉落雞肉到就更正 及 秋葵口感爽脆，味道微甜，健康好味，仲有好正嘅雞肉棒，咬落有口感，雞肉棒夠多汁，點埋蛋汁一齊食更好味

夢幻藍色嘅 [ Tiffany Sour $78 ] 內裡有Blue Liqueur、sake、益力多同菠蘿汁，味道特別，帶有果香，酒味又唔濃，清甜好飲；另一杯係香濃野莓味嘅 [ Berry Kisses $68 ] 入口冰涼，消暑飲品

好特別嘅 [ 明太子芝士椰菜燒餅 $68 ] 一邊落咗明太子醬，一邊係芝士，內裡係椰菜，兩款口味都好正，明太子醬真係勁好味 (差啲連隻碟都食埋)

口感豐富，食落有層次嘅 [ 蟹味噌甲羅燒 $78 ] 成個蟹殼都係蟹膏，蟹膏甘香鮮甜，而蟹肉鮮甜好味，將蟹膏放係壽司紫菜飯上面一齊食，令味道更突出

最後再嚟份賣相吸引，外型係火山爆發造型嘅 [ 火山熔岩鮭魚卷 $98 ] 每件三文魚卷外層都加咗薄薄嘅粉漿，咬落夠香脆，包住熟嘅三文魚，味道唔會腥，芝士醬汁夠惹味

飯後甜品有 [ FB自家制草莓大福 $38 ] 外層皮薄薄，包住香甜士多啤梨，細滑紅豆蓉及粒粒紅豆，香滑忌廉，口感清爽，味道清甜好味

FireBird
銅鑼灣邊寧頓街13號隆堡柏寧頓酒店地下

平時成日去利園食野，每次走果時都會見到firebird好多人，每次都好想試！早幾日同老公去試終於試到！

但由於食完之後要打波，所以我地都係食少少算點知，少少都飽到上心口

我地叫左日本產生蠔、軟殼蟹牛油果壽司卷、厚切牛舌串燒（2串）、FireBird雞肉串火克盛合、A4和牛燒100g（牛柳）同埋由於餐廳係無茶/水提供，所以都叫左杯Mix Fruit Tea

生蠔！啖啖肉！好fresh！
牛油果卷好大件…個軟殼蟹好脆卜卜！好好食
最估唔到牛舌係勁勁勁勁勁好食！個厚度好好！唔會話喉到好硬！
而雞肉串成盒，佢有一條係雞軟骨棒！超鐘意食呢個！配上埋生雞蛋漿
真係一路食一路叫好味
另外，和牛燒，我哋只係叫咗100g，但係我哋兩個人食都已經覺得好飽，可能始終係肉。
牛好軟熟，牛味好重，加埋佢個蒜同埋鹽，可以話係頂級

美中不足係無茶水，但overall勁勁勁滿意❤️
下次再試埋其他先‍♀️‍♀️‍♀️

鰻魚玉子
$98
Wagyu steak platter
$728
明太子芝士椰菜燒餅
$68
Fire bird soft shell crab salad
$138
Firebird 雞肉串燒盛合
$138
好味指數：
抵食指數：
環境舒適：
環境衛生：
服務質素：‍♀️‍♀️‍♀️
推介原因：Firebird 有點似居酒屋，提供不同的小食、刺身、壽司、sukiyaki 等。不提供免費水，一定要點飲品。飲品有sake、啤酒，highball, cocktail 等。另有少量非酒精飲品。
明太子芝士椰菜燒餅即類似大阪燒。第一次吃長方形的大阪燒，再配上明太子醬，好特別。Wagyu Steak Platter 有A4和牛肉眼、filet、 西冷。每件都夠腍，有肉汁，牛味香濃。Firebird 雞肉串燒盛合5款串燒中，最喜歡免治雞肉棒，醃過的免治雞肉，沾點雞蛋吃，味道不錯。Fire bird soft shell crab salad的軟殼蟹炸得香脆，不油膩。
個人覺得Firebird 是一間放工後，想飲點酒，吃點東西的一個好地方。但就不適合小朋友或老人家去。