想趁聖誕佳節前，約朋友聚一聚。佢最鍾意食蠔，上網見到好多人介紹The oyster house ，第一次嚟試下。

餐廳有唔少聖誕佈置，幾有氣氛。

來到點可以唔食生蠔，叫咗半打生蠔試下 店員會介紹每種生蠔嘅來源同食既先後次序。❤️

點了南非 rollex，法國 lambert及愛爾蘭 louet feisser。

我同朋友都最愛法國生蠔，味道夠鮮甜。

食完蠔食個沙律，番茄羅勒水牛芝士夠開胃，蕃茄鮮甜，配香滑芝士。

小食：西班牙火腿焗磨菇，火腿碎炒香釀入新鮮嘅蘑菇入面， 味道有層次。

黑松露野菌忌廉湯及鮮蠔濃湯， 配上暖暖嘅餐包。 我鍾意飲野菌忌廉湯， 濃郁鮮味，朋友就鍾意蠔湯，因為比較少飲到。

main：

烤焗牛骨髓配燒汁意大利飯

有咬口嘅意大利飯，配上牛骨髓特別香口濃郁。

西京燒比目魚

比目魚滑溜，西京燒煮法係西餐少見，有驚喜。

甜品Tiramisu做法正宗，入口軟滑， 對呢餐晚餐留下完美印象

之前來吃過一次午飯
結果晚餐更好吃。這次來吃了幾款生蠔 意大利粉都好驚豔
Rollex $55隻 (South Africa)、La Lune $82隻 (France)、Ostra Regal No.2 $65隻 (Ireland)

生蠔叫左3款，價錢由$55至$82，三款生蠔好新鮮夠大隻，性價比幾高。

建議食法次序由南非開始再到法國再到愛爾蘭，海水味會由濃轉淡，層次分明。

食完啲生冷嘢，餐廳好細心後上兩個湯暖吓個胃。

Truffle Mushroom Soup $79

黑松露蘑菇湯好濃稠，黑松露味濃郁！
Oyster Bisque $89

鮮蠔濃湯，一入口已經有好濃郁嘅蠔味，相信係用新鮮蠔煲出泥，食材夠新鮮，值得一讚！

Mushroom with Iberico Ham $109
另一個前菜，就係西班牙火腿焗蘑菇，火腿連蘑菇焗到熱一熱食，蘑菇汁岩岩balance返火腿嘅鹹肉味，個配搭幾唔錯！

Miso Halibut $249

比目魚煎到外脆內軟，肉質順滑細膩。

Lobster Linguine $269

原條龍蝦尾扁意粉真係原條勁大條龍蝦尾，意粉處理得好好，夠乾身，食落咬感好好！

Banoffee Pie $89

香蕉拖肥批個賣相好出色，有糖漿製成嘅牌仔放喺面頭，中間有新鮮香蕉同拖肥，整得好靚之餘又好好食！

今日睇完展覽，順便漫遊灣仔，最後一站當然搵間餐廳好好享受一下，灣仔站附近小街內原來有一間專食蠔的餐廳，差唔多每枱客人都為蠔而來一樣，我當然不會錯過任何美食啦。

餐廳主打生蠔當然一定要試試
日本宮城Tomo - 口感濃厚滑溜, 肉質清爽，海水味濃郁。
Spanish Rock XL - 肥美肉厚，入口充滿濃濃海水鮮甜味，質地軟滑。
愛爾蘭Lout Feisser - 蠔味夠濃，其帶子位極甜，有強烈的回甘，口感細膩。

King Crab Meats Tian
牛油果蓉做底，再放上蟹肉，黑魚子醬做成蟹塔，入口鮮味十足，黑魚子加上蟹肉，鮮味滿分，拌上牛油果蓉一齊食，將整個蟹餅口感豐富起來。

Mushroom Stuffed Iberico Ham
將西班牙伊比利亞黑毛火腿，橄欖油放上蘑菇面一齊烤焗，入口咸香味濃，蘑菇充滿湯汁，菇味濃郁芳香，整體配合得宜。

Mushroom Soup
蘑菇濃湯用上不同的蘑菇打成，入口有濃濃的蘑菇香氣，湯頭濃厚保留少少咬口，味道清新。

自家製麵包
麵包非常特別，口感比較似蛋糕，質地濕潤軟身，沾上黑醋更添滋味。

慶祝朋友生日 佢又係好like食蠔 所以揀咗一間食 好d 咁啱果日去開灣仔行街 朋友選擇咗食西餐 行 徑謝斐道見到有間叫做
The Oyster House 專食蠔 嘅 見到環境 ok見係生日飯咁就入去試吓 我地2個 人入到去環境乾淨 我哋叫咗三款生蠔 三款蠔超級 新鮮 1️⃣南非 Rollex(2隻)France(2隻)Sentinelle no.2 (2隻) ♡海水味重 又大隻又creamy 一啖入口好正 一定要嗌
2️⃣海膽阿根廷紅蝦刺身(2隻)海膽好鮮甜好新 鮮配埋阿根廷紅蝦刺身一流
3️⃣西班牙火腿蘑菇 牛肝菌再加上蘑菇 入口爆汁帶 點咸香 配搭十分之好
4️⃣香炸西班牙帕德籠椒 櫻花蝦 炸得香口 不會太油 膩 類似青椒
5️⃣脆巴馬火腿型意粉一個字 正 呢個口感好特別 勁推介一定要嗌 )
6️⃣香煎比目魚
7️⃣甜品 Tiramisu 今日大滿足 抱住個肚走

週未放假，今天約了朋友行銅鑼灣崇光百貨特價週，之前我們相議今天下午去那兒吃，大家忽然好想吃蠔，就選附近地區，上網見這間環境不錯，午餐去了這間吃，環境同坐位舒服，看了餐牌，叫了
日本生蠔 2隻
淡淡清甜味，特别鮮海水味
法國林柏特生蠔 2隻
比較厚蠔肉，好有海水鮮蠔味
法國水晶生蠔 2隻
爽脆，有口感，重鮮甜鮮蠔味
鮮海膽阿根廷紅蝦刺身
入口特濃鮮海膽，蝦爽口彈牙，好鮮鮮海蝦
香炸西班牙帕德龍椒
大碟，脆脆口，鹹鹹地，口感特別
西班牙火腿焗蘑菇
火腿好有煙燻味，好香鮮蘑菇味
廣島蠔脆巴馬火腿米型飯
細細粒，爽脆鮮蠔味，火腿薄薄一片，入口特別嫩滑香，飯軟軟硬，有咬口感
燒比目魚
原身，好新鮮比目魚魚香
意大利芝士蛋糕
非常濃香咖啡同芝土味，入口好軟綿綿，甜度剛剛好