我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“走進電影世界的晚餐”
龍華酒店的評論

龍華酒店
香港排名第565 (共 14,614 間餐廳)
價位: US$20 - US$25
菜式: 中菜
周圍地區: 新界
餐廳詳細資料
周圍地區: 新界
2 週前的評論 透過行動裝置

小學時間讀下晝班,記得當時朝早都會播粵語長片,當時都會陪媽媽一齊睇,記得喺電視經常都見到兩間好靚嘅餐廳,而龍華酒店就係其中一間。
由細到大都好好奇好想去吓電視入面嘅餐廳,但一直都無機會,次次提出要求最後結果都係去唔到,而今次終於夢想成真可以走入粵語長片嘅世界。

去到門口果然同電影一樣有一條長長嘅紅燈籠徑,而旁邊亦見到一D雀鳥,覺得好似去咗主題公園咁,都幾特別嘅感覺。

訂咗位準時到達,職員遞上餐牌就開始點嘢食,嚟到龍華指定動作緊係點乳鴿,另外再點咗一個燉雞湯,紅燒豆腐,沙姜雞腳,大蝦伊麵,估唔到碟碟份量都好大。

先上咗乳鴿&燉湯,個燉湯超足料,而且味道飲落都覺得好夠火候。
沙姜雞腳好入味,唔係就咁烚完倒沙姜落去,係明顯食落連沙姜一齊煮,好味
紅燒豆腐嘅豆腐好滑,味道幾好。
大蝦伊麵嘅蝦超爽,見到兩三枱都有點呢個大蝦伊麵,證明呢個係大廚無介紹錯。

值得一讚係呢到職員好有禮貌,因為一般中餐嘅職員比人感覺都係印象麻麻,但呢到嘅職員會同食客講吓笑,而且仲有個特別職員係咁同人Say hello,呢個職員就係喺門口嘅金剛鸚鵡。

埋單$625@2人

參觀日期:2020年11月
感謝 crazybabe_micmic
該評論乃TripAdvisor會員主觀個人意見,不代表TripAdvisor LLC公司。
發表評論評論 (153)
旅客評分
旅客類型
一年中的時間
語言
  • 更多語言

5 - 9 則評論(共 161 則)

2 週前的評論 透過行動裝置

媽咪同我講過爹哋以前帶過佢去龍華酒店拍拖
講到以前有好多明星名人都會去嗰度食嘢
今日就換左我同佢哋一齊去食嘢

本身我以為好難去
但原來只要喺禾輋邨過條天橋
行多小小就可以去到

上到去會見到一條友紅燈籠組成既路
懷舊嘅情懷又跑出嚟
同埋感覺嗰時應該係好架勢

媽咪講先知原來嗰時喺沙田第一間嘅酒店
而家慢慢就變咗做一間有83年經歷嘅餐廳
去到原來有分戶外同戶內

立睇餐牌搵好野食
呢度最出名就係乳鴿
乳鴿都有唔同嘅方式煮
聽講以前港督都會特登要過嚟嗌㗎

再睇返話呢度真係啲小菜都好出名
金庸.陳寶珠.李小龍.紅線女嗰個係度都會有喜愛嘅食物

樣樣都好吸引
今次我地梗係嗌左馳名嘅炸乳鴿、藥膳雞.沙田雞粥.椒鹽炸豆腐

先講炸乳鴿
炸乳鴿一開始已經有俾你分四件上定係六件上感覺細心
味道方面
外皮真係夠脆
入面鴿肉唔會鞋
難怪做招牌雞

藥膳雞我哋嗌左半隻雞
但雞肉都多
一開始先用煲煮嗰啲黃酒
黃酒嘅味道不停咁用出嚟
味道非常之香
加埋雞肉落去
吸濕左入面啲黃酒味感覺好入味亦都好滋潤同補嘅感覺

椒鹽炸豆腐
一上嚟之後好似一塊塊小金磚咁樣
食落去粉漿脆身
但係入面豆腐仲好滑同有豆香

雞粥雖然我哋只係叫咗一大碗
但係已經好足夠
粥底綿加埋雞肉
好味

總括來講嗰啲招牌都唔係浪得虛名
環境清幽得閒
真係好適合一家大細一齊懷舊一下

參觀日期:2020年11月
感謝 Togethereateat
該評論乃TripAdvisor會員主觀個人意見,不代表TripAdvisor LLC公司。
3 週前的評論

餐廳位於沙田禾輋村附近,古色古香,園林環境幽雅別緻,令人有種舒適的感覺。餐廳侍應生服務周到。
龍華脆皮乳鴿98元,侍應生主動提供膠手套,客人用手撕開乳鴿吃,別有一番風味。乳鴿皮炸得熱辣辣,乳鴿肉醃得很入味,外脆內多汁,十分滋味。
新鮮菠蘿咕嚕肉148元,賣相美觀,伴在兩旁的兩行菠蘿新鮮且剛熟,香甜。咕嚕肉面層炸粉不會過厚,肉層肉質嫩。
帶子大良炒鮮奶168元,牛奶味香濃,帶子彈牙,松子仁脆,口感層次豐富。
菜膽紅燒手造山水豆腐118元,菜膽鮮甜,豆腐滑,醬汁咸咸地,美味。
總結:環境幽雅別緻,食物美味。

參觀日期:2020年10月
    • 划算度
    • 服務
    • 食物
感謝 briankklaw
該評論乃TripAdvisor會員主觀個人意見,不代表TripAdvisor LLC公司。
4 週前的評論

今日放工去咗沙田行街,行完街屋企人話想去一間好耐無去過既懷舊餐廳,叫做龍華酒店。

一去到門口,就覺得好有傳統風味,兩邊掛滿紅色燈籠,好有特色,我地都忍唔住影咗好多相。

屋企人話依到D乳鴿好出名,係招牌菜,所以就叫咗隻紅燒乳鴿($98),果然真係好好味,燒得好入味,加埋脆脆地,下次黎到都一定要食。

跟住再叫咗個新鮮菠蘿咕嚕肉($148),咕嚕肉放咗喺新鮮菠蘿皮上面,兩邊再放滿新鮮菠蘿,外觀已經一百分,咕嚕肉炸得好香好脆,炸粉又唔會過份厚,甜甜酸酸好好味。

沙田雞粥($88),黎到沙田一定要食返一碗沙田雞粥,我地叫咗細碗,但係都勁大碗,好多雞,抵讚

蝦伊麵($168),又係勁大碟,上面又D燒過既芝士粉,所以好香芝士味,蝦肉都好彈牙。

參觀日期:2020年10月
    • 划算度
    • 服務
感謝 Edward_cch
該評論乃TripAdvisor會員主觀個人意見,不代表TripAdvisor LLC公司。
4 週前的評論

龍華酒店,對我來說有美好的回憶...... 老實說,我小時候已經聽過它的名字,但是家在香港島真的沒有來過。 與它的相遇發生在4年前,我的嫲嫲還在的時候,嫲嫲一直很想去龍華酒店,但一直沒有機會,為了滿足她的心願,我們決定一定要帶她去! 那一夜,嫲嫲的甜笑依然歷歷在目,我們很慶幸去了,為我們一家留下美好的回憶,至今歷歷在目!!!
熟悉的大紅燈籠 我們一家都曾經在這留影 穿過這個門口,走過長長的樓梯,像回到過去,暫時與現實分別。 每一級,每一大紅燈都慢慢勾起以往的事
今次只有兩個人吃,所以沒有之前叫的菜式多,但是龍華最出名的乳鴿是不可不叫的! 一人一乳鴿,跟以往一樣,是必須要的! 乳鴿是$98一隻,有不同的口味。 餐廳有提供手套和消毒紙巾,不怕弄髒手!
龍華脆皮燒乳鴿$98 之前和嫲嫲一起吃乳鴿,就是每人一隻脆皮燒乳鴿,這個是餐廳的皇牌 點完菜後,乳鴿很快就被送上 金黃色的外皮,一影完相,就要馬上吃,因為外皮還有少少脆,事隔四年,味道沒有任何改變,依舊好吃,依舊令人懷念
秘制豉油王乳鴿$98 今次無意中發現原來仲有其他口味,而豉油王乳鴿亦是他們推介的,所以今次我們叫了一人一隻,可以交換吃,我們都可以試到不同的口味。 相片中,可以看到兩隻乳鴿外貌很相似,但是食落感覺不同,豉油王乳鴿的調味特別,好像有些花椒八角,很入味,我都好鐘意! 還有,醉乳鴿是我下次想嘗試的口味! 乳鴿緊記要趁熱吃,一隻乳鴿望落雖小,其實已經很滿足,或者它同時帶給我心靈上的滿足!
馳名沙田滑雞粥$88(1大碗) 滑雞粥有兩個份量選擇,可以選擇一鍋或一大碗! 我們只有兩人,所以我們選擇了一大碗 其實我本身不太喜歡吃粥,但是男友看見這個滑雞粥就眼前一亮想試一試
一開始無想過這麼大碗!! 滑雞粥入面滑雞件都幾多,而且好滑,粥都煮得夠綿!不喜歡吃粥的我,也吃了兩碗,其餘給男朋友吃清光!
特式干炒牛河$128 餐牌上寫了這個是當年李小龍最喜愛的菜式! 河粉尚算幼滑,汁有微微的甜味,不錯!
原味手做豆腐花(2-3人)$78 其實食完河粉都已經幾飽,但是看到有人叫這個豆腐花是一個木桶送上的,好吸引,而且我見網民熱烈推介,所以我們抵受不住引誘而點了! 豆腐花有分大和小,小的也夠二至三人吃,我們叫的就是2-3人份量 豆腐花用木桶呈上,感覺懷舊,附上桂花糖水,可以自己隨意落,豆腐花很滑,有濃濃的豆香,加上桂花有陣陣的清香!!

我地好滿足地走過長長的樓梯,經過一個個大紅燈,回到現實! 愛要及時,這裹承載了我美好的回憶,你呢?

參觀日期:2020年10月
    • 划算度
    • 服務
    • 食物
感謝 foodie_soup
該評論乃TripAdvisor會員主觀個人意見,不代表TripAdvisor LLC公司。

去過龍華酒店嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。