我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“冬甩好好味”

Antoshimo Cafe & Bakery
香港排名第4,954 (共 15,646 間餐廳)
餐廳詳細資料
2021年10月11日的評論 透過行動裝置

每次經過Antoshimo Cafe & Bakery門口都排長龍, 今次一去到我首先攞飛然後行街, 半個鐘就有得食了✌。 店內採用開放式設計,所以環境都幾開揚。點兩個套餐️~牛油鍋燒三色椰菜雞卷$106+ 野菜黑糖咖哩撈烏冬+ 沖繩海鹽焦糖冬甩雪糕+ 凍檸檬配罐裝可樂$5、 壽喜燒鍋煮美國牛肉$106、 櫻花蝦濃蝦湯烏冬+ 沖繩海鹽焦糖冬甩雪糕+熱黑糖檸檬水$3。

牛油鍋燒三色椰菜雞卷 ~ 嫩滑的雞肉包入紅蘿蔔、 豆角和芋頭, 口感不錯。

野菜黑糖咖哩撈烏冬 ~ 咖哩味香濃,烏冬煙韌。

壽喜燒鍋煮美國牛肉 ~ 牛肉軟滑,有大量椰菜吸入壽喜燒湯底的味道, 味道ok。

櫻花蝦濃蝦湯烏冬 ~ 湯底濃郁帶點微辣幾惹味, 熱辣辣的湯,感覺不錯。

沖繩海鹽焦糖冬甩雪糕 ~ 冬甩煙煙靭靭, 甜美的焦糖味,配雲呢拿雪糕非常好食。

熱黑糖檸檬水☕ ~ 餐廳會提供黑糖, 自行調教黑糖檸檬水的甜味。

凍檸檬配罐裝可樂 ~ 凍檸樂味道正常。

整體價錢親民, 套餐份量多夠飽肚, 最喜歡 冬甩雪糕, 真是幾好味。

Antoshimo Cafe & Bakery
地址: 鑽石山龍蟠街3號荷里活廣場1樓182號舖

參觀日期:2021年10月
1  感謝 Victoriay_eatwithvic
該評論乃Tripadvisor會員主觀個人意見,不代表TripAdvisor LLC公司。
發表評論評論 (20)
旅客評分
旅客類型
一年中的時間
語言

2 - 6 則評論(共 20 則)

2021年10月10日的評論 透過行動裝置

啤酒食評

‍♀️|Antoshimo Cafe & Bakery|‍♂️

前排同豬生去開荃灣行街,行到攰喇餓喇,就係時候搵食喇行行下比呢間既冬甩吸引到,為左個冬甩就揀呢間啦
呢到除左冬甩之外,仲有另一個主打既套餐 - 「沖繩二段料理」,係一個上蒸主食·下煮麵飯既料理,咁大家就可以一次過食到2種料理
而主食同麵飯既選擇都非常多,真係惗到我地頭都痕埋

·—·—·—·—·—·—·—·—·—·—·

# 質素:

Lunch Set 1:二段鍋燒きうどん|$89
Lunch Set 2: 鍋燒きやり込みご飯|$79

✨Lunch Set 1 係以烏冬為主既料理,而Set 2係以米飯為主,兩款套餐都包左|主食·麵/飯·特級甜品·餐飲|

|主食|壽喜燒鍋煮牛肉
又係豬生最愛既壽喜燒系列不過今次豬生有啲失望雖然牛肉煮得幾冧,但壽喜燒湯底唔夠濃味,相對較淡口,原本仲有啲期待呢個主食添⋯

|主食|牛油蜜糖芥末鍋燒黑椒炸雞
反而呢個主食小編冇咁期待,但又幾好食炸雞整得幾脆口,亦都好香蜜糖芥末味,唯一差少少既係炸雞有啲細件

|麵食|黑糖咖喱野菜鍋燒撈烏冬
呢款咖喱烏冬係餐廳既推介之一小編係幾中意呢個日式咖喱烏冬,一啲都唔辣,仲要帶少少甜味,用黎撈烏冬食,咁個咖喱就可以香濃啲,唔會溝淡左,另外烏冬都好彈牙係幾正

|飯食|蕃茄鍋燒芝士炊飯
蕃茄芝士炊飯都比小編預期中好個飯夠乾身,唔會煮到爛pat pat,芝士好香濃,撈一撈個飯仲有拉絲添原本以為芝士陣味會好膩,但之後發覺蕃茄既酸中和左芝士既油膩感,都幾開胃

|甜品|沖繩海鹽焦糖冬甩雪糕
食完咁多野,真係見到個冬甩都覺得飽但個冬甩好有驚喜✨一開頭以為又係啲好甜既冬甩,但原來幾好食個冬甩咬落幾煙韌,熱熱地,配埋凍冰冰既雪糕一齊食,感覺好正,因為冬甩本身唔太甜,配埋海鹽焦糖醬,整體既甜度就岩岩好

|飲品|凍黑糖菊花茶
(Sorry for冇影到飲品相)飲落冇乜黑糖味,同普通菊花茶差唔多,冇乜特別

|飲品|凍黑糖檸檬茶
檸檬茶會跟多個黑糖糖醬,比客人自己控制糖醬既份量,比起菊花茶好似比較飲到黑糖味

·—·—·—·—·—·—·—·—·—·—·

豬頭評分:

✨整體其實有啲食物都有驚喜,有啲又令人失望,成個套餐咁多野食係幾抵食,但如果壽喜燒個湯可以改善下就好了環境方面好似麻麻地咁岩坐正一張6人枱既中間,出入都好困難,同埋有啲逼

: 7/10 分
環境 : 6/10分
服務 : 7/10分
性價比: 8/10 分

✨推薦評級: 評級7

推薦評級參考:
1-10分
❤️❤️‍

·—·—·—·—·—·—·—·—·—·—·

#Antoshimo Cafe & Bakery
地址:荃灣青山公路荃灣段398號愉景新城1樓1066號舖

·—·—·—·—·—·—·—·—·—·—·

✨如有興趣睇更多食評,歡迎Follow IG: @BeerPig.Foodie

參觀日期:2021年10月
感謝 Go17891006783
該評論乃Tripadvisor會員主觀個人意見,不代表TripAdvisor LLC公司。
2020年9月10日的評論 透過行動裝置

黑椒牛油蜜糖芥茉鍋燒炸雞$46
勁香既牛油味,食到最後陣有少少黑椒味,唔會太單調,雞皮都唔會太厚,外脆內軟
▫️壽喜燒湯烏冬$32
個湯略略地偏淡,不過好在其他野都好夠味,可以緩衝一下
▪️黑椒鍋煮雞扒 $46
雞扒煮得好林,醬汁甜得來又有少少辣,配上粟米、椰菜同粉絲,好似打邊爐咁
▫️龍蝦鍋燒撈麵 $38
出奇地龍蝦味超重,呢個價錢本身都冇好大期望,點知又唔會覺得似罐頭龍蝦湯
▪️凍黑糖菊花茶/凍黑糖檸檬茶
黑糖既關係,兩杯都超甜
▫️海鹽焦糖冬甩雪糕 $19
其實食完4個鍋,都已經好飽,好擔心食唔落個甜品,本身仲諗住外賣走算~ 不過上左之後,其實都係細細份,而且焦糖冬甩同雲呢拿雪糕個係超夾,最後都係一啖都冇剩

參觀日期:2020年5月
1  感謝 Yeeeee11
該評論乃Tripadvisor會員主觀個人意見,不代表TripAdvisor LLC公司。
2020年4月12日的評論

嗌左個a1 黑椒牛油蜜糖芥末鍋燒炸雞 同埋
b9 麻花鍋燒撈麵
仲會送個海鹽焦糖冬甩雪糕

本人十分鍾意蜜糖芥末 佢呢個我覺得唔夠芥末味 美中不足
炸雞d雞都好嫩滑
個撈麵唔夠濃味 我都係用炸雞d汁撈埋個麵食

至於個冬甩呢 我真係唔係咁識欣賞海鹽味既雪糕啦
如果佢轉其他口味 我諗我會開心d

不過咁既價錢可以食到咁飽都已經算係好好架啦!

參觀日期:2020年2月
    • 服務
    • 食物
感謝 alvinchunho
該評論乃Tripadvisor會員主觀個人意見,不代表TripAdvisor LLC公司。
2020年1月13日的評論

餐廳雖然有服務生,但必須用自己的智能電話掃描二維碼點餐。午餐一般是選一份主菜加一份米飯或麵條,然後選飲料,最後有免費甜點。壽喜燒牛肉的肉很少,但鍋燒烏龍麵份量很多,整體味道不錯。甜點是冰淇淋甜甜圈,有其他口味的甜甜圈可以買走。

參觀日期:2020年1月
2  感謝 Starryjayde
該評論乃Tripadvisor會員主觀個人意見,不代表TripAdvisor LLC公司。

查看過Antoshimo Cafe & Bakery的旅客也查看過

 
 

去過Antoshimo Cafe & Bakery嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。