最近潮濕悶熱的天氣總是令人提不起勁，沒有胃口。友人提議吃泰國菜吧，泰國菜香口惹味，本身不太開胃的我，味蕾開始躍動起來。

越南鮮胡椒炒牛展：牛展肉質腍而且很入味，蠻多牛肉。，起初還以為是泡椒，但原來是原粒鮮胡椒，另還有很多香料調味及洋蔥。

日本南瓜焗海鮮飯 ：看著名字還以為是那種濃烈芝士味的焗海鮮飯，但這款是帶椰奶香，辣辣的醬汁，泰式味道為主的焗飯。南瓜肉豐厚、盛載著飯，沾上飯汁，海鮮有青口、魷魚及蝦仁。不過光吃南瓜的話，味道不太突出，這種南瓜不算甜，軟硬度適中，可連皮吃。

椰青沙冰：刮起椰青裡面的椰子肉，加入冰底及椰子水一起攪拌成沙冰，沙冰十分濃稠。

新泰東南亞餐廳 (尖沙咀)
尖沙咀北京道12A號太子集團中心8樓
新泰東南亞餐廳竟然開左係尖沙咀太子集團中心8樓❤️，其餐廳一直主打高質正宗泰國菜。
選址坐落半島酒店、1881附近的北京道，最啱食飽可以去影聖誕裝飾。
甫踏進店內，藤椅充滿泰國風情，設有卡位雅座私隱度高，仲可睇到車水馬龍的街景，非常適合同朋友聚會‍♀️。
小拼盤（HKD 108): 黃金蝦餅，炸至外表金黃香脆，毫不吝嗇大大件，啖啖蝦肉好彈牙爽口，配上泰弍酸辣醬，真是「泰」好味。魚餅有濃郁香茅味，魚肉加入左紅咖哩，檸檬葉、香茅等香料、做出泰式風味魚餅
日本南瓜焗海鮮飯（HKD 118): 原個日本南瓜呈上，椰香味濃，芝士、海鮮同飯份量驚人，多到溢出，差點裝吾曬。海鮮方面有爽口大蝦、鮮魷魚同青口，飯焗得好軟身又濕潤不似坊間會干到硬角角。食落仲有南瓜甜味，食到最後連南瓜肉都吾放過
甜品時間必食芒果糯米飯（HKD 68): 用上黑白糯米飯，口感煙煙韌韌，濃稠椰漿，咸咸甜甜，十分誘人再來一大片爆汁鮮甜芒果，完美作結。
總結：
價錢親民嘆泰藉廚師‍主理的正宗泰菜
尖沙咀分店地理位置優越
#尖沙咀#太子集團中心8樓#新泰東南亞餐廳#正宗泰國菜#日本南瓜焗海鮮飯#芒果糯米飯#泰國風味

海南雞半隻
係無骨海南雞啖啖肉，而且每舊都好厚肉
。雖然味道呢唔夠香有啲似白切雞煮法，但勝在肉質夠滑！

泰式海鮮濕炒河
滿滿嘅海鮮仲配上大量蔬菜，份量好足！
個汁好惹味。

泰式鐵板蠔仔炒蛋
第一次食呢個菜估唔到有驚喜炒蛋下面有好多嘅芽菜，而且蠔嘅份量好多！蠔仔都好大舊。食落好香口下次一定會再叫！

位於尖沙咀太子集團中心8/F既新泰泰國菜 已經幫襯過好幾次 全因價錢相宜份量足 同埋地點實在太方便 所以成日朋友聚會都會食呢度
.
▪️冬陰功$78（小）
好正宗既冬陰功湯 香茅 檸檬葉 南薑 青檸 指天椒 乾蔥頭 樣樣配料都係晒湯底內 再加埋大頭蝦爆香既香味 成個湯都好濃味 唔似一般餐廳用湯包咁淡味 仲有原隻大頭蝦上碟
.
▪️蕉葉烤鱸魚$128
烤魚呢個價錢好抵食 鱸魚本身係比較滑身同小骨既魚 用黎做烤魚就最夾 魚既皮面用上醃製既檸檬草燒成 仲有個自家製酸辣醬可以點
.
▪️串燒$88
串燒我地點左豬/雞各三串 兩者都係用半肥瘦肉製 所以會比較滑身 但同時都會較油膩 唔怕肥既我當然like la
.
▪️香菇炒椰菜苗$85
食左咁多肉 叫返個清淡既肉 蒜蓉爆香香菇同蘿蔔 再加上椰菜苗一齊炒 唔會太單調 伴碟顏色又靚d
.
3人除返一人都係$100蚊多d 泰菜正宗 坐得舒適 位置好 值得推推

去唔到泰國旅行，又係時候搵返間泰國餐廳， 當做返下鄉下 ，當然，仲係為左振興本地 餐廳食肆啦。
泰式柚子蝦沙律98
夏天到熱辣辣，一入到泰國餐廳，當然想要返一碗半碗泰式柚子蝦沙律，開開胃消消暑。清甜的柚子， 沒有苦澀味 ，加上大大隻爽口彈牙的鮮蝦， 而且仲有脆卜卜的腰果及炸蒜炸蔥 ，再配酸甜的醬汁，開胃好味！
蝦醬炒飯88
配料超多，青豆角同蝦食落好爽口，再加埋泰式 臘腸 ，加上用蝦膏炒出來的飯香氣逼人，全部配料和炒飯拌在一起，所以吃起來不單調，而且仲呈現出地道泰國風味。

巴東牛展88
新泰除咗有泰國菜，亦都有印尼菜及馬來西亞菜。 今次就叫咗印尼菜巴東牛展， 當牛展一上到聞一聞啲咖哩， 印尼咖哩夠濃郁，見到香料都要磨得碎碎的怪不得炒出來又香又濃。巴東醬與香煎的牛展一齊慢煮，牛展吸收晒椰奶濃縮及香料的味道， 但又唔會太柴，而且份量都好多，呢道菜超好味。

芒果沙冰
夏天熱辣辣當然要叫番杯沙冰涼一涼快， 芒果沙冰 即叫即製，飲落 甜甜酸酸，超爽的。