我們不支援您使用這種瀏覽器, 因此 TripAdvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“地中海盛宴”

Gochiso 銅鑼灣
香港排名第5,318 (共 11,097 間餐廳)
餐廳詳細資料
2018年4月29日的評論 透過行動裝置

Gochiso,盛宴的意思,以日式及地中海料理為主題,食物款式及材料配搭頗有新意,材料新鮮,烹調出色,食物色香味俱全,值得推介一試。

感謝 LL0302
該評論乃TripAdvisor會員主觀個人意見,不代表TripAdvisor LLC公司。
旅客評分
旅客類型
一年中的時間
    語言

    4 - 8 則評論(共 18 則)

    2018年4月29日的評論

    這餐廳的意式2人套餐菜品豐富, 包含了餐湯、頭盤、意粉/意大利飯、薄餅、甜品及餐飲。法式芝士洋蔥湯有香濃的芝士味﹔頭盤的巴馬火腿片油香味美﹔牛肝菌芝士篇意粉煙韌﹔薄餅香脆可口﹔最後是甜品西班牙式燉蛋配綠茶雪糕配以檸茶作完美的終結。

      • 划算度
      • 服務
      • 食物
    感謝 BL2047
    該評論乃TripAdvisor會員主觀個人意見,不代表TripAdvisor LLC公司。
    2018年2月12日的評論 透過行動裝置

    Gochiso 賣的除了日本菜,仲有地中海菜,這的食物不錯,味道有驚喜,價錢都算合理。而環境裝修也令人舒服,不錯。

    感謝 Joyce W
    該評論乃TripAdvisor會員主觀個人意見,不代表TripAdvisor LLC公司。原文語言為中文,源自www.tripadvisor.com.hk 查看原文
    2017年8月31日的評論

    餐廳超大的開放式門口, 環境光猛, 感覺寬敞開揚。全店以啡色為主調, 啡泥磚和木材的牆身, 放上簡簡單單的擺設, 簡約樸實。除了門口搶眼的燈光招牌外, 四處亦掛上酒瓶吊燈, 既環保又有特色。還有一個開放式的廚房和沖調飲品區, 整體設計時尚, 感覺悠閒。
    內裏兩處靠牆位置也設有一排長沙發座配二至四人枱, 中間亦設有一排沙發座、多張二至六人的圓枱和長枱, 座位頗多, 但並沒有迫狹感。

    安坐後, 店員隨即送上暖水、一本餐簿和兩張餐牌。先看看套餐, 共有三款二人套餐和一款三人套餐, 主題為Pizza Lover、Spanish Lover和Meat Lover, 價錢為$288-$432, 又豐富又抵食。 另外, 還有一份期間限定的Summer Special Menu, 也有不少選擇。

    再翻開a la carta餐簿, 設計精美, 每頁都印上色彩繽紛的菜式相片, 圖文並茂, 相當吸引。按菜式分類, 分別有五大經典、沙律、Tapas、湯、意粉、薄餅、飯、Tagine、扒類、甜品和飲品, 選擇非常多, 的確較難決定, 既然友人咁有要求, 就由她來發辦吧!
    ***************************
    先來兩碗熱湯, 我倆也愛吃南瓜, 所以在四款湯中同樣選了特濃南瓜粟米忌廉湯 Pumpkin & Corn Cream Soup ($33)。鮮黃色的南瓜粟米湯熱辣辣上枱, 趁熱呷一口, 湯身濃稠, 口感極之幼滑, 味道香甜, 所加入的忌廉不會太多, 吃起來不溜滯, 而湯中還加入了三色豆, 有紅腰豆、毛豆和雞心豆, 選材健康有益, 讚!
    碟旁配了一件蒜茸牛油法包, 烤得金黃, 但並不香脆, 略為煙韌, 幸兒味道不錯, 所塗上的牛油蒜茸份量剛好, 既有牛油香也有蒜香, 但又不會吃至滿口滿手油淋淋, 吃時蘸些香甜的南瓜粟米湯, 更添美味。
    *************************
    飲品選擇也很多, 當中還有不少特色飲品, 我倆看中Mojito系列, 可揀有酒精和無酒精。友人一向好酒, 而今日又是Happy Friday, 一於齊齊盡興, 來兩杯Fresh Mango Mojito ($43/Alcoholic)。以一個長高身的玻璃杯盛載,見到內有鮮芒果粒、鮮檸、和不少翠綠的薄荷葉。啜一口,冰涼透心,滿有酒香,味道香甜,易於入口,再把鮮檸篤下,帶出鮮酸的味道,喝起來又清新又解渴,若然製作時把薄荷葉壓碎,迫出薄荷香味的話,相信更好味,不過現在也很討我喜歡,不知不覺越喝越快,原來對我來說酒度也不輕,很快便弄至滿面通紅了...
    ***************************
    餐廳竟然有多款的西班牙小吃 Tapas供應, 還分五款凍食和十款熱食, 款款都好有特色, 很吸引。客人可單點, 亦可選三品或五品拼盤。友人雖單點, 但大廚亦擺放成拼盤, 賣相更吸引。
    在五款凍食中揀了意式薄切三文魚忌廉芝士卷 Salmon with Cream Cheese Roll ($48), 以不同顏色的匙羹盛載, 再以蟹籽和蘿蒔作裝飾, 很精美。色澤亮麗的煙三文魚, 肉質柔軟鹹香, 中間捲着一粒厚厚的忌廉芝士, 兩者一向是最佳拍檔, 還配了一小件酸瓜, 酸咪咪的味道中和芝士的膩感, 配搭合宜。

    另外在十款熱食中選了兩款, 分別有蝦牛油果法包多士和焗釀帶子大蘑菇。焗釀帶子大蘑菇 Baked Stuffed Mushroom with Scallop ($48)中間放上帶子粒, 周邊伴着蘑菇粒, 同樣以蟹籽和蘿蒔作點綴。大蘑菇焗製時間合宜, 嫩中帶微爽, 富有大量菇汁, 菇味香濃, 但中間的帶子粒有點乾身, 若然原隻帶子一同焗釀, 賣相更有睇頭之餘, 相信肉質也會較嫩口。

    蝦牛油果法包多士 Shrimp Avocado Bruschetta ($38)是三款Tapas中最討我倆喜歡的一款。微脆的法包多士上舖滿豐富的饀料, 有香滑的牛油果、彈牙的蝦肉和清爽的車厘茄, 沾滿芥末沙律醬, 添了微微的辛辣, 味道很美味。
    ***************************
    友人一向愛辣, 這客生蠔蘆筍香辣蒜茸意粉 Oyster & Asparagus Peperoncino ($113)最合她心意。蒜茸意粉周邊放了五隻肥美的鮮蠔, 面頭放上幼身的蘆筍和灑上不少紅辣椒乾, 看來好似幾火辣。每隻鮮蠔雖算不上很巨大, 但挺肥美, 肉質鮮嫩, 並沒有腥味, 但外表撲了一層漿芡, 令口感有些奇怪。至於翠綠的蘆筍, 部分爽嫩, 亦部分有渣, 美中不足。
    意粉烹調時間剛好, 挺有嚼勁, 亦滿有蒜香, 再跟紅辣椒乾同吃, 加添香辣, 更加美味, 但可惜油份頗多, 吃完後, 發現碟中有不少油……
    ***************************
    友人知我愛吃海鮮, 為我挑選了一客意式白酒蜆汁蒸海鮮 Mixed Seafood Tagine Steam ($108),以一個高度保暖的厚鍋盛載, 而又長又高的鍋蓋也很特別呀! 放了一段時間, 打開重重的鍋蓋, 內裏的海鮮還是熱辣辣, 正!
    數數看, 內有兩隻青口和數幾蜆, 兩者體積雖小, 但肉質挺鮮嫩; 還有四隻的鮮蠔, 很肥美, 但同樣撲了漿芡, 有點奇怪, 而配料則有一些黑橄欖、車厘茄 和大量蒜片, 全部半浸在湯中。 當然不少得我最喜歡的魚扒, 並沒有被湯浸着, 不致散爛。魚扒 體積中等, 經過輕煎, 魚身金黃, 但當然焗在鍋中已不脆口, 肉質也算幾嫩, 但魚味一般。湯汁 的味道帶些酒香, 亦有蒜香, 但略為油膩了一點。
    ***************************
    食埋甜品就滿足晒!甜品是我揀選,因抺茶迷的我又一早看中了抹茶草莓荷蘭鬆餅 Matcha with Mixed Berry Dutch Baby ($63)。以又厚又重的鐵pan 盛載上枱,真係熱到燙手,要小心啊!抹茶鬆餅上放了一球雲尼拿雪糕,伴上鮮草莓和藍莓,淋上大量雜莓果醬,再以一大瓣翠綠的薄荷葉作裝飾,賣相不錯。看着冰凍的雪糕在熱騰騰的抹茶鬆餅上逐漸溶化,心越來越急,不能再等了,要快快動口。
    把其切開,馬上霧出熱煙,先不作任何配搭,單單嚐它,口感也算鬆軟,少少回彈,嚐到抹茶的甘苦,但並不算非常濃郁。又伴上雪糕,冷熱交融,很過癮。再跟酸咪咪的雜莓同吃,甜度合宜,但若然少一點果醬,抹茶味不完全被蓋過會更好。

      • 划算度
      • 服務
      • 食物
    1  感謝 wanttoeat8
    該評論乃TripAdvisor會員主觀個人意見,不代表TripAdvisor LLC公司。
    2017年7月28日的評論

    分店喺商場2層,位置相當多,裝潢簡單但花上唔少心思,以木色為主調,一邊有梳化位,另有方枱、圓枱,空間感足,,雖然接連商場感覺較開揚,但位置唔算好當眼,都唔會有好多人經過。餐廳主打日本、地中海fusion菜,睇過menu始得知佢地換上新主餐牌,選擇豐富,有沙律、小食、湯品、意粉、披薩、焗飯燴飯、三文治、蒸海鮮、扒類、甜品等,定價跟一般連鎖西餐廳相約,未見有套餐提供。

    大蝦貝比生菜拌香菜沙律:餐廳嘅沙律選擇自由度大,如果固定款式唔啱口味,大可以試試自選!沙律菜份量頗多,而且都好新鮮清爽,冇加太多多餘調味,食落唔會好濃,蝦肉都爽口。

    磨菇忌廉湯:加有磨菇、金菇,口感不會單調。飲落都相當滑溜,唔會太稠太稀。
    法式芝士洋蔥湯:洋蔥湯做得不錯,首先夠熱辣辣,裡面加有焗多士、芝士、大量洋蔥。洋蔥煮得好腍身,食落微甜,幾足料。但略嫌多士放於湯內,食落淋batbat。

    焗帶子大磨菇、蝦牛油果法包多士、炸日本蕃薯、南瓜配芥茉醬:大磨菇加入帶子、少量蟹籽,焗至juicy,帶子雖然有少少燶,但都唔影響整體味道,蟹籽亦增添口感。牛油果多士新鮮製作,份量大方,多士脆口,食落唔乾唔硬。炸日本蕃薯、南瓜頗有驚喜,炸粉唔厚,特別係我地都影相把玩左一段時間,都keep都脆口,而且不甜不膩。蕃薯味較為突出,南瓜嘅唔係太明顯,沾上溫和嘅芥茉醬,就唔會乾口。

    牛100%蕃茄香肉醬扁意粉:意粉賣相吸引,份量挺多,軟硬適中,加入份量不少嘅牛肉醬,平衡蕃茄嘅酸味,即時已經半飽,我同友人們都一直食。

    黑松露鴨肝牛肝菌長披薩:除布傳統嘅pizza,餐廳仲供應兩款長披薩,我地選擇松露呢款,一上枱已經好香,松露味非常突出,鴨肝、牛肝菌份量大方,分佈平均。長披薩嘅餅底較薄身,因為我地即時食,所以都幾脆口,唔會好重粉感。

    意式白酒汁蒸海鮮:想保留海鮮嘅原味,用蒸嘅方法製成。驟眼睇有少許油膩感,所以我地未敢直接將「意式白酒汁」放入口,哈哈。鍋中有魚柳、蜆肉、青口、蕃茄、橄欖等,魚肉嫩腍,青口、蜆肉鮮甜,中規中矩。

    荷蘭鬆餅(朱古力香蕉):荷蘭餅有三款,分別係朱古力香蕉、抹茶草莓、宮崎產蕃薯焦糖,幾款都好似好正。本以為係pancake/crepe一類嘅荷蘭餅,食落卻有少少似蛋糕,質地濕潤,朱古力味都幾濃郁,配合雲呢拿雪糕、香蕉、朱古力碎,甜而不膩,非常飽肚。

    抹茶沙冰:抹茶味都係預期之中比較弱,幸好忌廉不膩口,整體甜度唔高,而且沙冰打得夠碎,入口順滑。
    草莓桃沙冰:以新鮮草莓製成,桃味唔係太突出,草莓帶少少酸,食完大餐,有助解膩。

      • 划算度
      • 服務
      • 食物
    感謝 c y
    該評論乃TripAdvisor會員主觀個人意見,不代表TripAdvisor LLC公司。

    去過Gochiso 銅鑼灣嗎? 請分享您的經驗!

    業者們:有什麼想要和我們分享的嗎?

    此物業由您擁有或管理嗎? 免費認領您的企業詳情,即可回應評論、更新檔案和進行更多操作。

    認領您的企業詳情