我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“平價海鮮蒸鍋”
林洪記的評論

林洪記
香港排名第4,396 (共 13,792 間餐廳)
周圍地區: 深水埗區
餐廳詳細資料
周圍地區: 深水埗區
3 週前的評論

好耐無食過海鮮啦!趁今日忙完正經事,一於同老公過嚟長沙灣保安道呢間「林洪記」食海鮮蒸鍋,齊齊踢走 Blue Monday。

店舖位於街市樓上的熟食中心,地點雖然唔算好近地鐵站,但原來店子來頭不少,自 1972 年已開始發跡,為北河街街市知名的活雞檔,有成 45 年歷史,而海鮮則由香港仔直送。

店子主打蒸氣海鮮同雞煲火鍋,一心來吃海鮮,所以坐低後第一時間就點咗「海鮮蒸氣火鍋」,每位 $218,可以任食 2 個小時,包一客海鮮拼盤、任食多款火鍋配料同任飲樽裝汽水,而且仲要免收加一服務費,性價比甚高!

海鮮拼盤包括有桶、鮮鮑魚、大蟶子、大蜆、貴妃蚌、美國牛小排、蟲草滑雞、海蝦,另外每位加咗 $20,將肉蟹轉咗本地龍蝦。

龍蝦非常新鮮,Size 比我手掌還要大,肉質肥厚,入口彈牙爽嫩,而且仲有超多蝦膏。桶肥大飽滿、外形脹卜卜,就算蒸熟咗都無乜點縮水,新鮮重蠔味!鮑魚大大隻,有咬口之餘又夠鮮味、蟶子鮮甜煙韌,另外貴妃蚌同海蝦,食味亦不俗,前者爽滑有嚼頭、而海蝦亦爽口彈牙,全部都貨真價實。

蜆隻肉質爽滑,完全無沙,不用蘸任何醬油吃,已能嚐出其鹹鮮味。牛小排雪花分佈平均,肉味香濃,蒸熟後脂香軟滑;而蟲草滑雞亦肉質嫩滑有雞味。

食完蒸海鮮就可以開始打邊爐,自選配料選擇非常豐富,多達 50 幾款,包括有肉類、海產、丸子及餃類、時蔬菇菌類等。雪花肥牛肉質唔錯,細嫩軟腍,入口充滿脂香。黑豚肉亦不俗,食落無渣,富肉香又唔羶。

總結來說,以咁嘅價錢就可以食到咁多新鮮高質海鮮,加上還有超過 50 款任食火鍋配料,實在超值,絕對值得 Encore!

參觀日期:2020年5月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
發表評論評論 (12)
旅客評分
旅客類型
一年中的時間
語言

2 - 6 則評論(共 12 則)

2020年3月5日的評論 透過行動裝置

餐廳:林洪記 (長沙灣)
地址:長沙灣保安道325號保安道街市3樓CFS4號檔

長沙灣保安道街市3樓係熟食中心,有唔少大牌檔同餐館,今次就搵到間平價任食火鍋,週末2小時海鮮蒸氣火鍋$218一位,仲要免加一,雞煲都只係$148,仲有超過七十款嘅任食火鍋配料比你揀,真係幾抵食

雖然隱藏左係街市嘅3樓,比較偏僻,街市嘅環境都比人感覺唔係太好同好嘈吵,但係林洪記呢間晚市火鍋店都做到爆哂棚,除左吸引人嘅係平價火鍋,多款式嘅任食火鍋料都係另一個優勝之處

除左海鮮本身有嘅龍蝦、蟹、海蝦、鮑魚、石班魚等,食完蒸氣火鍋之後開始打邊爐仲有好多海鮮同肉類揀。安格斯牛柳粒、黑豚肉、田雞、生蠔仔、東風螺等應有盡有☺️,好多平時出面無嘅食材呢到都有提供

週末真係坐滿全場,雖然出菜嘅時間有啲耐,但係都食到飽腹而回,食材都新鮮好食,值得一試,下次有機會試埋個雞煲先

倚靠耶和華、以耶和華為可靠的, 那人有福了!
‭——耶利米書‬ ‭17:7‬ ‭

參觀日期:2020年1月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2020年2月20日的評論

個麻辣做得幾好,先麻後辣,有層次。但我食小辣覺得有啲唔夠喉,同譚仔十小差唔多,所以食得辣嘅話可以直接叫中辣或者大辣。

參觀日期:2019年10月
    • 划算度
    • 服務
    • 食物
感謝 kath_foodiary
該評論乃TripAdvisor會員主觀個人意見,不代表TripAdvisor LLC公司。
2020年1月28日的評論

#cassiegocheungshawan
-
認真問下大家,大家覺得依家食一餐海鮮蒸氣火鍋要幾錢?我諗大家都估起碼要350至400蚊啦!但係今次居然俾我搵到間只需要$208就食到,仲要係任食!
-
咁平嘅海鮮蒸氣火鍋可以係保安道街市嘅林洪記食到!聽職員介紹,林洪記係自1972年於北河街街市發跡,為45年歷史的知名活雞檔,以100%新鮮活雞煲而聞名,老闆宗旨「平、靚、正」。首先伙記會上一盤無得任食嘅海鮮拼盤,裏面有肉蟹、鮑魚、大海虎蝦、石斑、大蟶子、珍珠貝、安格斯牛等,之後一邊蒸,海鮮同牛肉的精華就會慢慢滲透到粥底,吃完超鮮甜的粥底,唔夠喉仲有80款勁正海鮮、肉料、蔬菜嘅火鍋配料: 活雞件、海蝦、雪花肥牛、沙白、生蠔、東風螺、鯇魚片、豬潤、雞子、牛根丸、海膽丸、蟹粉包、魚皮餃等應有盡有!
-
另外仲會有任飲樽裝汽水同果汁,樽裝汽水感覺好懷舊!環境方面始終係熟食街市,就無餐廳咁好,比較似係大排檔食野,現場比想像中多人,應該大家都覺得好抵食,所以先咁多人!
-
味道評分▶ (4.5)
抵食評分▶ (4)
回購評分▶ (4)
-
➡ 林洪記 (長沙灣)
長沙灣保安道325號保安道街市3樓CFS4號檔
-
IG: cassiecwy/ cassiegetfat

參觀日期:2020年1月
    • 划算度
    • 服務
    • 食物
感謝 cwycassie
該評論乃TripAdvisor會員主觀個人意見,不代表TripAdvisor LLC公司。
2020年1月8日的評論

長沙灣住嘅朋友仔話市政大廈有間任食雞煲、蒸氣海鮮火鍋、小菜嘅大排檔,
可以任飲任食,又平、靚、正!
所以就同同事係收工之後黎試下。

嘩真係平喎!
雞煲任食火鍋都只係$138/位,
蒸氣海鮮任食火鍋 $208/位,
支裝汽水、果汁任飲,
平時飲一支都要十幾話廿蚊啦,
而家仲包埋加一,真係好抵呀!
任飲青島純生啤酒都只係加$20/位,
啱晒一大班人聚會!

先來一盤是日精選海鮮拼盤先~
有鮑魚、海蝦、大元貝、石斑、貴妃蚌、蟲草滑雞、美國牛小排等,
海鮮全部都好新鮮,
我仲見到石斑在上枱嘅時候仲識郁,海蝦仲識跳,真係好新鮮呀!
好少可係任食嘅餐廳會安排原條石斑仔!
見加$20/位就可以轉本地龍蝦,幾抵呀,
推薦❗️ 龍蝦好肥美,唔算有好多蝦膏,
但肉質彈牙,鮮味十足!
鮑魚雖然上枱時唔係仲會郁,但食落軟腍鮮味,
推薦❗️貴妃蚌和大元貝好大隻,肉質鮮甜爽彈,
美國牛小排肉香味美,
蟲草滑雞感覺似食緊北菇蒸雞飯嘅雞咁。

食完呢盤海鮮拼盤,
就可以加其他火鍋配料啦!☺️
有超過70款嘅任食火鍋配料,
海鮮如海蝦、沙白、帶子、大獅蚶、大魚頭、魚卜、鱔片、脆肉鯇魚片等都係任食,
第一次食獅蚶咁大隻,肉質肥美多汁,值得一試!
大魚頭、鱔片、脆肉鯇魚片都好新鮮,
媽咪級同事最鐘意九肚魚,好少何九肚魚都有得任食,
安格斯牛柳粒、雪花肥牛都係任食架!
小編淨係試左牛柳粒,肉香味美,不錯吃!
不過最估唔到係出前一丁係原裝豬骨湯味,好正呀!

後記:
雖然之前係openrice見到有d負評,
不過食完之後,真係覺得唔了解,
其實真係唔差,
食物質素唔錯,又便宜,性價比高,
不過如果蒸完海鮮之後可以揀第二d湯底就更好了!

參觀日期:2019年12月
    • 划算度
    • 服務
    • 食物
感謝 foodie_talk
該評論乃TripAdvisor會員主觀個人意見,不代表TripAdvisor LLC公司。

去過林洪記嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。
*TripAdvisor LLC 並非預訂代理商,而且不會向本網站使用者收取任何服務費用…
TripAdvisor LLC 對外部網站內容概不負責。 優惠方案價格不含稅金與其他費用。