我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“🔥極品韓牛之 #人類味蕾補完計画”
炑八韓烤的評論

炑八韓烤
香港排名第920 (共 15,743 間餐廳)
周圍地區: 旺角
餐廳詳細資料
周圍地區: 旺角
2022年6月24日的評論 透過行動裝置

一向食韓燒都鐘意去炑八,今次比我睇IG見倒有新出勁吸引嘅套餐!登登登登~就係同 EVANGELION聯手執行嘅 #人類味蕾補完計画 !第一彈係推出 #三色五花肉韓牛味蕾補完套餐 !套餐包括韓牛前胸肉同霜降牛小排,仲有三色五花肉、時令燒鰻魚!梗係要約埋好姐妹食!到去餐廳一開門已經大大個初號機等緊你!原來第二彈係加錢換購精品!#新世紀福音戰士 粉絲不容錯過!
三色五花肉韓牛味蕾補完套餐$895
極品韓牛:韓牛前胸肉脂香肉嫩,霜降牛小排肉味香濃!脂香同肉質感比例平均!一試難忘!切到薄薄嘅牛舌肉質唔韌幾腍!
三色五花肉:一式三款味道嘅五花肉,包括青醬、醬油同辣醬味,睇親韓劇都好想食五花肉!食落肥瘦均勻肉質勁juicy而不肥膩,燒完更有微微焦香!太好味!
第一次自己燒鰻魚,店員話係6-7月最當造同肥美嘅韓國鰻魚!店員仲驚我燒燶,所以幫手燒!鰻魚燒至金黃色,外皮脆,魚肉軟嫩!魚油甘香~超驚喜超正呀!
最後食一碗冰涼酸甜嘅韓式水冷麵, 配左 清爽青瓜同清甜雪梨片, 又降溫又解膩!
兩杯超靚飲品!包括EVA01初號機蝶豆花乳酸梳打同L.C.L生命之水莉莉絲柑橘紅莓梳打~味道同打卡都一流!讚!

炑八韓烤
地址 :旺角彌敦道628號瓊華中心5樓

參觀日期:2022年6月
感謝 TravelbyChinss
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
發表評論評論 (72)
旅客評分
旅客類型
一年中的時間
語言
  • 更多語言

1 - 5 則評論(共 72 則)

2022年6月16日的評論 透過行動裝置

yeah! 又食韓燒啦,每次嚟哩度都可以大刷一番,下午留咗肚咁就可以食多啲啦✌!一口接一口嘅肉肉好幸福,仲要加埋無限refill嘅前菜小食、爐邊泡菜蛋、粟米芝士,大滿足!!
·
三味牛小排
有齊原味、韓式秘製醬油、梨汁辣醬三款口味,最啱咩都想試嘅我。每款有三片,原味蘸少許蒜鹽調味剛剛好,另外2款不須蘸醬汁都好惹味。牛小排口感煙韌,好有咬口!
·
厚切豬五花
超厚切好大件! 店員會幫手放上板爐燒,見到嚿五花腩燒到金黃色唧唧聲好沿癒! 外皮燒到好脆口,五花腩油脂較多,燒完啲油咇哂出嚟,包住生菜食會無咁油膩,咁吸引怕肥嘅我都引唔住食咗2件。
·
豬皮
燒到脆卜卜,外皮金黃色又夠脆,豬皮下面有少少脂肪軟綿綿,好有層次。
·
牛舌
牛舌切成薄薄一片,口感嫩彈,富有嚼勁,每次嚟都必食!
·
八爪魚
隻八爪魚勁大隻,份量十足! 用韓式辣醬醃過更惹味,一條條八爪魚鬚當然成為我嘅囊中物,又彈又嫩,燒到少少燶邊就最正!
·
醬油蒜頭有骨炸雞 (半份)
估唔到半份都咁多,醬油蒜頭甜甜地好入味,炸雞肉質幾軟滑,再加埋拌碟嘅炸薯條,好邪惡
·
皇牌士多啤梨乳酸梳打
賣相好靚夠少女心,酸酸甜甜飲落好開胃,梳打裡面仲有士多啤梨果肉,好足料。
·
菠蘿梳打
少少似細個飲嘅菠蘿冰,一粒粒菠蘿果肉加咗分!
·
炑八韓烤
青衣青敬路33號青衣城一期1樓119B號舖

參觀日期:2022年5月
5  感謝 foodie_anniechan
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年5月3日的評論 透過行動裝置

有返晚市堂食最滿足就係去咗食韓燒,好開心好豐富呀
雖然2個人食但都食咗好多嘢,好飽~
以下所有份量四個人都夠食,今次我哋2個人真係飽得好緊要,想唔肥都難
最鐘意係烤爐旁邊嘅芝士粟米,超正呀好食到加咗2次
風味牛肉拼盤$236
必叫嘅!有牛前胸肉、蔥蒜牛五花、牛小排、牛舌,全部都唔韌幾腍
炑八厚切五花腩$128
大約重150g好厚好大件豬五花腩,其實好邪惡,但燒出嚟好香,建議用菜/ 醃蘿蔔夾住食減輕油膩感
梨汁雞腿肉$88
大約重150g嘅雞髀肉,燒出嚟又香又滑
半份韓國鰻魚$148
又係必食之一,先燒皮嗰面,再2面搽上秘製醬汁,再慢慢燒熟,好正好好味,鰻魚算厚身,啖啖肉,但小心有少少碎骨
韓式豬皮配炒芝麻$62
又係好邪惡但好食嘅燒豬皮,之前食好似無點上芝麻,今次加埋一齊食多咗份芝麻香,一樣建議用菜夾住食減輕油膩感
泡菜煎餅$88
煎得又薄好靚嘅泡菜餅,唔算好辣
$825/2ppl
炑八韓烤 (瓊華中心) (旺角) @meokbangbbq
旺角彌敦道628號瓊華中心5樓
#foodie #hkfoodie #foodiehk #852foodie #foodblogger #hkfoodblogger #hkfood #hkfoods #hkfoodstagram #hkfoodblog #hkfoodpic #foodporn #foodstagram #hkkol #instafood #instafoodie #ufoodphoto #hkigfood #mkfood #mongkokfood #mongkok #hkdinner #相機食先 #香港美食 #旺角美食 #旺角 #韓式 #韓式料理 #燒肉 #韓燒

參觀日期:2022年5月
感謝 SnowyKitchen
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2021年12月1日的評論 透過行動裝置

繼續韓燒之旅,今次黎到位於太子嘅炑八。餐廳已經推出咗聖誕節套餐,都幾豐富。我哋叫咗呢款名品豬扒Wee嘩聖誕夜套餐($498),個餐包咗名品大王豬扒、葱蒜牛五花、和牛肩肉、醬油豬五花、雞頸肉同紅蝦。

除咗一般韓國餐廳例牌會有好似泡菜、芽菜、醃蘿蔔等等嘅任食前菜,呢到竟然仲有魷魚遊戲入面嘅椪糖,有得玩又有得食,挑戰成功仲有燒肉送。

燒肉嘅質素唔錯,塊大王豬扒勁大塊,本身用醬油醃過,夠哂入味,就算燒耐咗都唔會變得好乾。

和牛肩肉肉質稔嫩,油脂分佈平均。牛五花牛味香濃,可惜咁岩有d筋位有少少韌。

紅蝦好大隻,食落啖啖肉,而且已經事先處理挑去腸臟。

我哋仲另外追加咗特級牛肋骨($198),牛肋骨原條上都好大份,剪開可以鋪滿成個烤盤,肉味香濃。

烤爐邊有泡菜蛋同拉絲嘅粟米芝士,可以配搭烤肉一齊食,重點係仲可以無限refill,正!

飲品我地叫左柑橘鮮橙果茶($48)同薄荷荔枝梳打($38),特別推薦柑橘鮮橙果茶,果味濃郁又清甜好refreshing。


炑八韓烤(太子店)
太子彌敦道749號歐亞銀行大廈地庫

參觀日期:2021年12月
7  感謝 delish_hk
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2021年11月20日的評論

炑八韓烤
地址:
燒肉時間,

任食的爐邊蛋,芝士粟米,泡菜同生菜都是任添的,除了沙律就供應一遍。

一大塊牛,薄身同脂肪多,燒時小心被熱油彈到燙傷哦。燒完剪成細塊,點溫泉蛋蛋汁食,仲會多份蛋香同滑溜感。

拼盤上的牛肉色鮮紅,雪白脂肪分佈紋路清晰,牛味濃郁呢!另外有牛舌,沾鹽巴已好好食。

和牛肩肉套餐除牛外更有豬頸肉,燒到微焦更香口,咬下彈爽油脂即滲出來。

濟州橘子梳打果味清新。

紅豆沙冰 唔太甜,紅豆漿攪均味道融入一齊,有細碎冰粒啜一口喉嚨好舒服

參觀日期:2021年11月
1  感謝 elaine20326
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。

去過炑八韓烤嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情