我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“高質串燒配惹味醬汁 完美”
Grill的評論

Grill
香港排名第3 (共 211 間小吃)
卓越獎
周圍地區: 中環
餐廳詳細資料
周圍地區: 中環
4 週前的評論 透過行動裝置

估唔到喺中環地段,都搵到一間價錢親民得黎,水準亦相當高既串燒店餐廳招牌搶眼,透過玻璃會見到廚師烤緊一串串令人垂涎三尺既串燒,好吸引。除咗串燒之外,仲有另外幾款主食,所以絕對唔洗膽心唔夠飽,我地兩個人點左好多款串燒share

最特別既係餐廳會提供多款醬汁比我地用黎蘸串燒食,包括泰式紅雞醬、
沙嗲醬、芫荽酸辣醬、烤牛肉醬同青咖喱醬。每一款都好岩我口味,令串燒味道更加昇華。當中我最愛就係烤牛肉醬,香辣得黎有陣獨有既酸香味,配魷魚超好食。第二就係芫荽酸辣醬,充滿泰式風味,酸酸辣辣好開胃,而且辣度適中。沙嗲醬配雞肉同豬肉係不敗既配搭。青咖喱醬就有少少微甜,質地較濃稠,不錯,但同串燒好似就唔算太夾。

雞翼 $22 肉質肥美仍有肉汁,口感滑嫩,外皮香脆。
雞肉 $18 肉質較乾身但尚算滑嫩,配沙嗲醬一流。
豬頸肉 $22 烤得岩岩好,一啲都唔鞋口。
牛仔骨$43 肉汁豐富,味道香濃惹味。
白豬肉腸 $25 普普通通。
露筍$22 食物本身已有調味,多汁,口感爽脆。
魷魚鬚$25 份量多,配上醬汁好好味

去骨海南雞飯 $70
米飯睇落去平平無奇,但食落充滿淡淡油香。米飯粒粒分明,口感不錯,而辣醬同甜豉油亦都相當有水準。

青木瓜手撕雞沙律 $70
我朋友可能落單時叫左唔辣,我第一次食唔辣既青木瓜沙律調味以酸為主,食落有類似柚子既陣陣清香,帶點微酸,超級開胃!

最後叫左Somersby Apple Cider $25同龍眼冰$25,好滿足❤️

參觀日期:2020年7月
感謝 ka0315wai
該評論乃TripAdvisor會員主觀個人意見,不代表TripAdvisor LLC公司。
發表評論評論 (142)
旅客評分
旅客類型
一年中的時間
語言
  • 更多語言

14 - 18 則評論(共 142 則)

4 週前的評論 透過行動裝置

今日嚟中環食Lunch, 嚟到蘭桂芳見到呢間泰國餐廳主打串燒,店內坐滿食客,被店外面大玻璃即燒各種各樣串燒吸引入嚟試下。

門外點好食物,就可以在店內等食喇

Lunch Set好抵,$66已經食到正宗泰式口味嘅午餐+飲品。今日試咗無骨海南雞飯+凍檸檬茶。

串燒都多款式,當然都要食啦,強烈推薦超級大花蝦,真係好大隻,又多肉...燒完肉質都唔會乾配埋三款泰式口味串燒醬汁,超好食。

仲有係燒白鱔,又係燒烤恩物。咬落啖啖肉,無骨,忍唔住想食多幾串

豬頸肉同牛仔骨都好好味,食到直豎拇指

下次夜晚可以再嚟,皆因可以食下串燒飲下酒,係三五知己聚腳好地方

參觀日期:2020年7月
感謝 lovercreamy
該評論乃TripAdvisor會員主觀個人意見,不代表TripAdvisor LLC公司。
4 週前的評論 透過行動裝置

依間串燒成日同係中環返工嘅朋友食,食過幾次,我覺得超好味,想食串燒果時一定係食依間
依個餐係必叫,好抵食!泰式串燒配炒飯和雜菜$70,啲炒飯炒得好正宗好香,唔會太咸包咗3串串燒,分別係豬、牛、雞,最出色係個雞,雞肉好嫩,啲雜菜都夠熱度,唔會凍冰冰咁。Yummy!
最出色嘅係白鱔$60同埋燒菠蘿$22,白鱔唔會太過軟又燒得好香,燒菠蘿好甜又大嚿,必叫!之後仲有大花蝦$70,超大隻!燒雞翼兩隻$22好抵食,雞翼皮燒得好靚,剛剛好,雞翼啲肉好多汁。仲有有機蘆筍$22,平時蘆筍都賣得好貴,咁樣即一串真係好抵食呀!魷魚$25個汁好特別出邊冇食過,牛仔骨$43,好多肉,唔係成排骨咁野飲方面就叫咗杯龍眼冰,$25,啲龍眼好大粒,又唔會太多冰配啲鹹嘅燒嘢食飲啱晒!

參觀日期:2020年6月
感謝 emptyrose
該評論乃TripAdvisor會員主觀個人意見,不代表TripAdvisor LLC公司。
5 週前的評論 透過行動裝置

離遠就望到’’GRILL’’個大招牌,招牌下面火光熊熊, 加上傳出陣陣燒烤味,忍唔住入去整返幾串頂頂肚先啦!

諗住叫個小食+串燒,見到隔離枱啲嘢食咁吸引,點忍⋯⋯
.
去骨海南雞飯 $70 ~ 去骨海南雞(雞翼除外)啖啖肉,肉汁豐富,雞油飯比一般的少油,冇咁油之餘又不失香味!☝️
.
泰式串燒配炒飯及雜菜 $70 ~ 豬、牛、雞肉各一串,外皮焦脆,炒飯上枱仲出晒煙,泰式醬油包住每粒飯,色香味俱全,好味呀!
.
泰式酸辣豬頸肉沙律 $65 ~ 呢個都好驚喜,濃邊豬頸肉作為冷盤出面少有,酸酸辣辣,夾埋芫茜、香芹、紅蘿蔔絲,爽口過癮!
.
各式串燒 ~ 即燒串燒脆卜卜,蝦餅、雞翼好入味,配埋自家製泰式醬汁,同喺泰國食嘅一樣味!

參觀日期:2020年6月
感謝 Shylau01
該評論乃TripAdvisor會員主觀個人意見,不代表TripAdvisor LLC公司。
2020年6月29日的評論 透過行動裝置

今晚同男朋友黎到中環食呢間食泰式串燒。我地叫左一個泰式串燒配炒飯及雜菜,其它就叫晒串燒: 雞中翼、雞皮、豬頸肉、牛仔骨、有機露荀、魷魚鬚、大花蝦、白鱔。
泰式串燒配炒飯及雜菜屬於印尼豬肉,飯粒偏濕,辣辣地。牛肉、雞肉、豬肉串燒有各一串,後兩者比較出色。尤其係豬肉,整到好似蜜汁叉燒甘,好味。
左至右: 大花蝦、豬頸肉、白鱔、有機露荀。大花蝦大大隻,豬頸肉爽口,白鱔肥美,有機露荀燒得岩岩好。
左至右: 魷魚鬚、雞皮、雞中翼、牛仔骨。魷魚鬚彈牙,雞皮十分邪惡,雞中翼入味,牛仔骨甜甜地。

參觀日期:2020年6月
感謝 chichi330
該評論乃TripAdvisor會員主觀個人意見,不代表TripAdvisor LLC公司。

去過Grill嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。