我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“食過返尋味白鱔串燒”
Grill的評論

Grill
香港排名第2 (共 220 間小吃)
卓越獎
周圍地區: 中環
餐廳詳細資料
周圍地區: 中環
2020年11月14日的評論 透過行動裝置

第2次來中環蘭桂芳的 Grill ขุนทอง  , 上次是閨蜜帶我來吃, 今次是我帶另一位好朋友來吃這間泰式串燒店。
-
今次來的時間比上次早, 但等外賣已經有數個人了。幸好堂食還未滿坐。
坐位距離有1.5米, 大家可以放心進膳及暢所欲言。
-
HK$60燒白鱔~必點的燒物, 上次吃過後, 我便對它念念不忘。外皮燒至薄脆, 肉質嫩又不會乾, 一丁點魚腥味也沒有。配上特色醬料一起吃, 非常惹味。
-
HK$22燒豬頸肉~好朋友點燒物, 我沒有想過肉的質感是非常爽口又彈牙。
-
HK$23燒雞翼~好朋友與我也是雞翼控,所以燒雞翼是每人一串。可惜是這裡的燒雞翼太好味,不太膩肉質滑沒有雪藏味。一串只有2隻真的太少了。
-
HK$18燒雞肉~啖啖肉,又香又多汁。雞肉大小剛好容易放入醬料內,對於一個醬料控來説是一件非常幸福的事。雞肉浸淫在醬料內,效果更滋味。
-
HK$48牛仔骨~愛吃骨頭的我非常滿意此串燒。骨的比例佔肉比較多。筋位不韌,完全痛快地吃乾淨骨邊的肉。
-
HK$22有機粟米芯及露筍~好朋友知道我近來少吃蔬菜特意點了此2款串燒給我。前者非常爽脆甜,後者燒至軟身又保留水份。
-
HK$25 Tiger Beer ~吃串燒當然配冰涼爽的啤酒
-
第二次來Grill完全沒有令我失望,串燒水準仍保持不變。好朋友吃得開懷,我也吃得滿意。

參觀日期:2020年11月
感謝 maisondejuillet
該評論乃TripAdvisor會員主觀個人意見,不代表TripAdvisor LLC公司。
發表評論評論 (193)
旅客評分
旅客類型
一年中的時間
語言
  • 更多語言

49 - 53 則評論(共 195 則)

2020年11月14日的評論 透過行動裝置



吹下水食下串燒飲2杯,過下日晨都係一個唔錯既選擇,唔飽既話可以揀的併飯既,今次話揀左併飯既,再追加的串燒,食下又叫幾串,食下又幾串,原來唔覺唔覺都叫咗幾多

去骨海南雞$70 本來想叫飯嘅,不過驚煩嘅海南雞唔夠喉,所以就單點¼隻既海南雞。雞皮食落爽口,少油膩感,雞肉幾juicy,尤其係雞胸,絕對有雞翼咁滑,嗜辣既堆介佢個辣汁,辣得又香又惹味。

泰式串燒配炒飯及雜菜$70個炒飯好惹味,咸香味夠又辣辣地,真係流晒口水。飯質食落好似糯米飯既口感,煙韌輕糯,有嚼口又夠味,好食。另配3串香口既串燒,真係幾正,一個飯滿足兩個願望

青木瓜手撕雞沙律$70青木瓜爽脆,配以甜酸汁,加上青瓜,食落清新。雖然係雞絲,肉質算滑,掛上甜酸沙律汁份外開胃。

魷魚鬚$25幾新鮮,咬落彈牙,易咬開,鬚腳位幾香脆

牛仔骨$43幾特別,平時食既通常係黑椒,比較少食都係串燒形式嘅牛仔骨,牛仔骨係香茅味,原來同牛仔骨都幾夾,入味易咬,配啤酒一流,‼️‼️推介‼️‼️

白鱔$60以為係BBQ汁味?錯了,原來係薑蔥味,就係咁無左腥味,而且唔配其他醬都好夠味,燒得焦香,我覺得有驚喜喎。

大花蝦$70好正喎,有功架,因為燒完肉唔黐殼,真係好緊要,你可以全隻蝦食晒,仲要大大隻,啖啖肉,新鮮爽口加‼️‼️推介‼️‼️

有機蘆筍$22燒至軟身,配上7色醬料有唔同味道,貪心之選

牛肉$18都係燒到乾身又嫩滑,配沙嗲醬好食

雞肉$18配芫荽酸辣醬幾好

白豬肉腸$25有少少煙熏味,豬肉腸本身夠咸,有的黑椒香草味,配甜酸醬幾好,減少油膩感

豬頸肉$22比較乾身,油脂比較少,減小左豬頸肉嘅油膩感,配咖喱醬好食

燒雞翼$22配甜酸醬,有燒烤風味

燒雞皮$25超正既嘢,唔係度度地方都整得好食,燒到的油脂出左黎,雞皮油脂減少,食落軟綿,油膩感大大降低,配上青咖喱醬,椰香味帶微辣,令雞皮更好食

燒菠蘿$22大大粒既新鮮菠蘿,juicy香甜,最正係表面燒得焦香,食落好似焦糖咁脆脆地

焦糖燉蛋$36一客有兩個,幾抵食,食落香軟幼滑,雲呢拿提升咗燉蛋既味道,配埋脆面既焦糖,正。

龍眼冰$25食完啲熱氣野,飲過龍眼冰下下火,第一啖有的甜,幾濃龍眼味,但其實係未搞均,表面嗰幾龍眼肉食落有味架

Lime Sprite$20清新之選,酸甜有氣,好香青檸味,飲落幾解油膩感

***************************************
Grill
中環蘭桂坊德己立街17-19號
***************************************

參觀日期:2020年11月
2  感謝 kkyy0401
該評論乃TripAdvisor會員主觀個人意見,不代表TripAdvisor LLC公司。
2020年11月13日的評論 透過行動裝置


豬頸肉沙律
豬頸肉份量非常多,食極都有

串燒配有四款醬汁,
沙嗲醬-淡淡花生味,味道偏甜,配肉食最夾
紅雞醬-泰國必備,甜辣味道配咩都岩
芫茜酸辣汁-味道重,辣味好夠岩曬食辣既
辣汁-小編唔食辣依個太辣但點海鮮唔錯

雞肉串
配沙嗲醬味道好夾
豬頸肉
咬落去係爽口有炭香味
牛肉串
醃得夠入味,牛肉唔係全熟所以咬口啱啱好
白鱔串
識食一定係食鱔,燒到皮脆,肉質滑,鱔已經調味過好夠味,有小量細骨。

泰國魚餅
小編覺得偏辣友人話非常惹味

青咖哩牛腩
牛腩軟鬆度適中,青咖喱唔辣帶甜味,配有翠玉瓜,吸收晒啲汁好好味,中環黎講都算平靚正

焦糖燉蛋
甜品做緊買一送一,面層焦糖脆皮,內裏雲尼拿同蛋,口味於集團甜品相符,依個必食

參觀日期:2020年11月
感謝 karenmfong
該評論乃TripAdvisor會員主觀個人意見,不代表TripAdvisor LLC公司。
2020年11月11日的評論 透過行動裝置

蘭桂坊飲酒就聽得多,今次就推介一間性價比非常高既餐廳,價錢夠貼地之餘,食物都非常有水準,而且份量都好足夠,無論想同朋友飲杯前預先頂下胃,定飲完想揾野食下,都非常之就腳☺️
.
1. 燒牛仔骨 $43
肉質非常嫩滑,火候控制得岩岩好,仲有幾款唔同醬汁任你點,無論邊隻都咁好食,絕對係誠意推介
.
2. 燒大蝦 $70
隻蝦足足有成隻手咁長,完全無花無假,份量十足,而且食落去無乾巴巴既感覺,肉質又夠好朋友食完都話想encore
.
3. 無骨海南雞飯 $70
海南雞飯無骨之餘,雞肉都夠曬鮮味,如果加埋碗油飯就完美
.
4. 串燒炒飯 $70
呢個串燒炒飯,一雞兩味,食到串燒之餘,仲有炒飯食,不過要提醒唔食辣既朋友,呢個飯好似越食越辣咁,唔食得辣既要留意下啦

參觀日期:2020年11月
2  感謝 Corgiwithfood
該評論乃TripAdvisor會員主觀個人意見,不代表TripAdvisor LLC公司。
2020年11月10日的評論 透過行動裝置

上蘭桂芳必經之路。
見到有間食串燒好鬼wor。
今日捉埋仔陪我食:P。
豬牛雞魚串燒樣樣齊。
沙律同飯都有提供。
店舖️外賣/堂食。
我地入咗去坐低慢慢食。
眼見都幾多打工仔食客。
價錢仲要幾親民。
串燒可以一串一串叫。我地揀咗白鱔。
頸肉同魷魚so 。
為食妹鍾意食白鱔。
魚皮燒到脆卜卜。肉彈又夠嫩。
$60串合理吧。仔鍾意食so。
食落一d都唔un。好味到食埋我嗰串Tim。串燒跟咗4個sauce。
有甜又有辣。岩曬心多多嘅我。
牛仔骨都好出色必點。
$25 支Beer。
仔話食串燒要beer一beer。

參觀日期:2020年11月
感謝 BeeBeeLeeLee
該評論乃TripAdvisor會員主觀個人意見,不代表TripAdvisor LLC公司。

去過Grill嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。