我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“食肉獸泰式串燒天堂@Grill”
Grill的評論

Grill
香港排名第2 (共 220 間小吃)
卓越獎
周圍地區: 中環
餐廳詳細資料
周圍地區: 中環
2020年11月19日的評論

今日係中環揾食,好耐冇食泰式串燒,就醒起呢間位於老蘭既泰式串燒吧,上次試過晚餐,今日試下午餐先。

原來午餐幾抵食, 有幾款選擇,$66一份,免加一。午餐比平時正價平幾蚊,仲包一杯野飲。

於是我哋兩個人叫咗一份泰式青咖喱牛腩飯餐再加一大堆串燒,全部叫晒我哋鍾意既口味,正呀!

d串燒一齊上,香噴噴,全部都醃得好好味,味道微甜,香口惹味,仲大大串啖啖肉,係我呢d食肉獸既最愛!

白鱔$60,超爽滑,少少彈牙,質感好似鰻魚。
牛仔骨 $43,好淋,一d都唔韌,調味好食到唔洗點醬就咁食都得。
豬頸肉 $22,燒得薄脆香口。
豬牛雞肉 各$18一串,超抵食。牛肉雖有少少筋但係啖啖肉;雞肉嫩滑;豬肉香口好味!

d串燒本身都好食唔乾,但加埋醬料更好食。隨碟奉上5種醬料,分別為沙爹醬,泰式紅雞醬,芫茜酸辣醬,青辣椒醬,烤牛肉醬。泰式紅雞醬甜甜地好開胃,芫茜酸辣醬又酸又辣好好味,烤牛肉醬辣辣地,青辣椒醬辣得黎唔會好辣我覺得最好食!

泰式青咖喱牛腩飯個樣平平無奇,但個青咖喱堅好味,微辣帶梛香,送白飯正!牛腩有五舊,都炆得尚算淋,配菜有青豆角,泰式茄子同翠玉瓜,新鮮爽脆。$66中環午飯抵食。

凍檸水 (跟餐)大大杯,叫左走甜。可以揀奶茶或檸茶。

座位要自己揾,係收銀落完單找數就自己帶埋個數字牌坐低等食。呢個價錢同質素係中環黎講都算係抵,特別大推泰式串燒!

參觀日期:2020年11月
    • 划算度
    • 服務
    • 食物
感謝 PickyCouple616403
該評論乃TripAdvisor會員主觀個人意見,不代表TripAdvisor LLC公司。
發表評論評論 (195)
旅客評分
旅客類型
一年中的時間
語言
  • 更多語言

46 - 50 則評論(共 195 則)

2020年11月18日的評論 透過行動裝置

星期五晚最好緊係happy hour一下!

係中環番工嘅朋友話平時放工會去嘅私心推介,一望門口見到會郁動嘅火,仲有透明大玻璃可以見到串燒嘅燒烤過程,順便望下揀邊款串燒.

飲品:泰國生啤同龍眼冰,龍眼冰有好多龍眼,好滋潤!

柚子海鮮沙律:有木瓜絲,紅蘿蔔絲,柚子,腰果,大大隻蝦,D蝦仲挑咗腸,墨魚仔,用料十足,好適合大家清新一下口腔,再食串燒!

泰式串燒配炒飯及雜菜:一次過享受曬豬牛雞串燒仲好香口好有鑊氣嘅炒飯,好抵食!

串燒:有4款醬汁附送,各有特色,提升了串燒嘅味道!

牛仔骨:好大嘅兩塊,好重香茅味,牛味香濃,生熟程度剛好,令牛仔骨保持肉嫩!

泰國魚餅:冬蔭公味嘅魚餅,好特別泰感覺!

菠蘿:有一層脆蜜糖包住,甜酸多汁,口感一流!

去骨海南雞:肉質嫩滑,但欠雞味,不過配有甜豉油加泰式雞醬,可調味一下:D

每人約百幾蚊有啤酒,串燒,雞等絕對超值!

參觀日期:2020年11月
感謝 mama11270
該評論乃TripAdvisor會員主觀個人意見,不代表TripAdvisor LLC公司。
2020年11月18日的評論 透過行動裝置


秋天總是想起 BBQ 疫情關係燒烤場暫停開放, 實在是人心癢癢。
中西區尋味系列, 蘭桂坊附近除了酒吧, 令我掛念的,還有這間泰式串燒店

去骨海南雞飯
海南雞份量頗多,雞肉嫩滑而且濕潤,配上特製醬油和專用辣汁。個人偏好辣汁,酸甜清新,而帶出微香辣味。油飯乾爽煙韌,咸香有飯味。

柚子海鮮沙律
表面新鮮多汁的柚子,味道清甜。底層是木瓜沙律。加上大量小墨魚、蝦、蜆肉,配上酸甜沙拉汁,十分醒胃。

最期待又最精彩的,當然是串燒
“香烤鰻魚串燒
牛肉串燒
豬頸肉串燒
惹味魷魚鬚串燒”

最喜歡的是鰻魚串燒,肉質彈牙爽口,多肉汁,魚皮煙韌帶微微焦香。其次是惹味魷魚鬚串燒,味道香香辣辣,肉質卜卜脆。

冰凍檸檬茶
簡簡單單,點了2杯檸檬茶,夠曬冰凍又夠酸

參觀日期:2020年11月
2  感謝 Chingyee0708
該評論乃TripAdvisor會員主觀個人意見,不代表TripAdvisor LLC公司。
2020年11月14日的評論 透過行動裝置

第2次來中環蘭桂芳的 Grill ขุนทอง  , 上次是閨蜜帶我來吃, 今次是我帶另一位好朋友來吃這間泰式串燒店。
-
今次來的時間比上次早, 但等外賣已經有數個人了。幸好堂食還未滿坐。
坐位距離有1.5米, 大家可以放心進膳及暢所欲言。
-
HK$60燒白鱔~必點的燒物, 上次吃過後, 我便對它念念不忘。外皮燒至薄脆, 肉質嫩又不會乾, 一丁點魚腥味也沒有。配上特色醬料一起吃, 非常惹味。
-
HK$22燒豬頸肉~好朋友點燒物, 我沒有想過肉的質感是非常爽口又彈牙。
-
HK$23燒雞翼~好朋友與我也是雞翼控,所以燒雞翼是每人一串。可惜是這裡的燒雞翼太好味,不太膩肉質滑沒有雪藏味。一串只有2隻真的太少了。
-
HK$18燒雞肉~啖啖肉,又香又多汁。雞肉大小剛好容易放入醬料內,對於一個醬料控來説是一件非常幸福的事。雞肉浸淫在醬料內,效果更滋味。
-
HK$48牛仔骨~愛吃骨頭的我非常滿意此串燒。骨的比例佔肉比較多。筋位不韌,完全痛快地吃乾淨骨邊的肉。
-
HK$22有機粟米芯及露筍~好朋友知道我近來少吃蔬菜特意點了此2款串燒給我。前者非常爽脆甜,後者燒至軟身又保留水份。
-
HK$25 Tiger Beer ~吃串燒當然配冰涼爽的啤酒
-
第二次來Grill完全沒有令我失望,串燒水準仍保持不變。好朋友吃得開懷,我也吃得滿意。

參觀日期:2020年11月
感謝 maisondejuillet
該評論乃TripAdvisor會員主觀個人意見,不代表TripAdvisor LLC公司。
2020年11月14日的評論 透過行動裝置



吹下水食下串燒飲2杯,過下日晨都係一個唔錯既選擇,唔飽既話可以揀的併飯既,今次話揀左併飯既,再追加的串燒,食下又叫幾串,食下又幾串,原來唔覺唔覺都叫咗幾多

去骨海南雞$70 本來想叫飯嘅,不過驚煩嘅海南雞唔夠喉,所以就單點¼隻既海南雞。雞皮食落爽口,少油膩感,雞肉幾juicy,尤其係雞胸,絕對有雞翼咁滑,嗜辣既堆介佢個辣汁,辣得又香又惹味。

泰式串燒配炒飯及雜菜$70個炒飯好惹味,咸香味夠又辣辣地,真係流晒口水。飯質食落好似糯米飯既口感,煙韌輕糯,有嚼口又夠味,好食。另配3串香口既串燒,真係幾正,一個飯滿足兩個願望

青木瓜手撕雞沙律$70青木瓜爽脆,配以甜酸汁,加上青瓜,食落清新。雖然係雞絲,肉質算滑,掛上甜酸沙律汁份外開胃。

魷魚鬚$25幾新鮮,咬落彈牙,易咬開,鬚腳位幾香脆

牛仔骨$43幾特別,平時食既通常係黑椒,比較少食都係串燒形式嘅牛仔骨,牛仔骨係香茅味,原來同牛仔骨都幾夾,入味易咬,配啤酒一流,‼️‼️推介‼️‼️

白鱔$60以為係BBQ汁味?錯了,原來係薑蔥味,就係咁無左腥味,而且唔配其他醬都好夠味,燒得焦香,我覺得有驚喜喎。

大花蝦$70好正喎,有功架,因為燒完肉唔黐殼,真係好緊要,你可以全隻蝦食晒,仲要大大隻,啖啖肉,新鮮爽口加‼️‼️推介‼️‼️

有機蘆筍$22燒至軟身,配上7色醬料有唔同味道,貪心之選

牛肉$18都係燒到乾身又嫩滑,配沙嗲醬好食

雞肉$18配芫荽酸辣醬幾好

白豬肉腸$25有少少煙熏味,豬肉腸本身夠咸,有的黑椒香草味,配甜酸醬幾好,減少油膩感

豬頸肉$22比較乾身,油脂比較少,減小左豬頸肉嘅油膩感,配咖喱醬好食

燒雞翼$22配甜酸醬,有燒烤風味

燒雞皮$25超正既嘢,唔係度度地方都整得好食,燒到的油脂出左黎,雞皮油脂減少,食落軟綿,油膩感大大降低,配上青咖喱醬,椰香味帶微辣,令雞皮更好食

燒菠蘿$22大大粒既新鮮菠蘿,juicy香甜,最正係表面燒得焦香,食落好似焦糖咁脆脆地

焦糖燉蛋$36一客有兩個,幾抵食,食落香軟幼滑,雲呢拿提升咗燉蛋既味道,配埋脆面既焦糖,正。

龍眼冰$25食完啲熱氣野,飲過龍眼冰下下火,第一啖有的甜,幾濃龍眼味,但其實係未搞均,表面嗰幾龍眼肉食落有味架

Lime Sprite$20清新之選,酸甜有氣,好香青檸味,飲落幾解油膩感

***************************************
Grill
中環蘭桂坊德己立街17-19號
***************************************

參觀日期:2020年11月
2  感謝 kkyy0401
該評論乃TripAdvisor會員主觀個人意見,不代表TripAdvisor LLC公司。

去過Grill嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。