我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“日本菜😇”

十和田總本店
香港排名第446 (共 14,630 間餐廳)
卓越獎
周圍地區: 尖沙咀
餐廳詳細資料
周圍地區: 尖沙咀
3 週前的評論 透過行動裝置

今次叫左三色丼飯,三文魚三味壽司,同火炙牛肉湯烏冬,兩個人食total $345, 價錢中等,但就食到好飽。

三色丼飯分別有蔥花吞拿魚蓉,海膽,同蟹膏蟹肉,分開放喺三小碗飯上面,三款料全部都冇腥味。海膽唔算好濃味,食到尾鮮甜味會更加突出,偏好淡味海膽既人應該會鍾意食。蟹肉同蟹膏鮮味都好濃,尤其是蟹肉,唔似出面一般海鮮丼既蟹肉咁淡味。

三文魚三味壽司,飯有少少心思,師傅有落醬油調味,賣相都加左啲分

最後係火炙牛肉湯烏冬,牛肉有4-5大片,白菜,娃娃菜同烏冬份量都好足。烏冬值得一讚嘅地方係浸左好耐湯都keep到好煙韌,但湯底有少少偏咸,食完要飲多幾啖茶

參觀日期:2020年11月
感謝 feimuihk
該評論乃TripAdvisor會員主觀個人意見,不代表TripAdvisor LLC公司。
發表評論評論 (87)
旅客評分
旅客類型
一年中的時間
語言
  • 更多語言

3 - 7 則評論(共 87 則)

3 週前的評論 透過行動裝置

餐廳:十和田總本店 (尖沙咀)
地址:尖沙咀金馬倫道42號華懋金馬倫中心地下

每次出開尖沙咀都會經過金馬倫道,留意咗呢間十和田總本店好耐,今日終於有機會嚟食個晏喇

每張櫈下面都有一個兜比客人放野,咁就唔洗成餐飯放個袋喺大脾或者怕要放喺地下;落單係scan QR code,再用手機睇餐牌揀野食,夠先進又唔洗哂咁多紙♻️

蒸蛋 $28
蒸蛋熱辣辣,雖然有啲貴,但蛋滑香濃,啲料都幾多,鳴門卷、蟹柳、冬菇,食到中間仲見到我鍾意嘅白果

豚肉生姜燒飯 $78
呢個份量完全喺超多!豚肉嘅份量多到食兩碗飯都仲得,望落去以為好多汁會好重口味,點知食落惹味得黎又唔會好咸,仲有淡淡辛香嘅薑味,配埋飯一齊食啱啱好,呢個價錢呢個份量真係抵食

火炙魚生飯 $138
秋季限定嘅魚生飯,有9款魚生,當中有炙燒穴子、帶子、左口魚、三文魚等,燒得岩岩好,睇落唔會黑媽媽,微微焦香唔會蓋過魚生嘅鮮香,燒過之後油脂輕輕帶出,食落魚生更香濃。最重要係飯嘅份量好多,而且加咗赤醋同醬油,係香港嚟講算係比較少食到,的確惹味咗,不過我就鍾意淡味啲

參觀日期:2020年11月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
4 週前的評論 透過行動裝置

尖沙咀人氣壽司店 十和田
主打壽司、刺身、丼飯 食物選擇唔少
最有特色既莫過於琥珀色既赤醋飯 酸度柔和 容易接受 餐廳座位較為迫夾 一張二人枱就未必擺得晒啲野食

▪️火炙魚生飯 (秋季限定) $138
魚生種類豐富 有三文魚腩 吞拿魚 左口魚 魷魚 鰻魚 帶子 牡丹蝦 三文魚籽
經火炙既魚生 油脂被迫岀 入口帶微微焦香同油香 特別鍾意火炙左口魚 肥美油脂感豐富 帶一點入口即融
鰻魚軟嫩偏薄 但勝在燒得好香口
三文魚肥美厚切 但食落就有少少腥

▪️吞拿魚三味壽司 $108
赤身 中拖羅 大拖羅 每一款都好厚身
赤身柔軟 中拖羅中規中矩有筋
大拖羅油分豐富 啖啖魚油甘香 帶點入口即融 肥仔至愛 不過都係有啲筋

▪️吉列炸蝦卷 $78
吉列炸蝦外皮脆身 唔會太厚 加上爽口青瓜同魚籽 口感都幾豐富

參觀日期:2020年10月
感謝 sistersnfood
該評論乃TripAdvisor會員主觀個人意見,不代表TripAdvisor LLC公司。
2020年10月1日的評論 透過行動裝置

SushiDonSashimi Yummy
.
.
尖沙咀食肆不乏,每次食飯都花多眼亂,心大心細 諗唔到食咩好❓就會想簡簡單單吃頓日本料理,日本菜 總係讓人喜歡。
.
金馬倫道就有一間日本高質壽司✨刺身專門店,由擁有20多年經驗,資深日籍 壽司師傅主理‍,食材都由日本每日空運到港,用最傳統手法製作,自然感覺高質。
.
l[火炙魚生飯]l $138
(秋季限定) 食刺身,喜歡那份火炙魚油香,半溶口感真係倍感滋味,仲有我最愛既左口魚邊、帶子、三文魚、牡丹蝦、海鰻、魚籽,超級豐富,呢個飯真係超值。
.
l[雜錦魚生丼]l $108
另一款魚生粒粒,色彩豐富,同樣足料,每口都滿滿魚生粒粒 同樣大滿足。
.
l[燒明太子雞翼]l $46
一款很受歡迎既小食,見每枱都會吃,當然也要一試吧。燒至皮脆肉嫩既雞翼,釀上明太子,無骨而飽滿既口感。
.
.
成頓飯都人來人往,食客不絕,可見水準不錯呢。有時間來尖沙咀想吃日本刺身、壽司❓這家都可列入之選喔。
.
.
×××[十和田總本店 -Towada Sushi]×××
©尖沙咀金馬倫道42號華懋金馬倫中心地下
.
.

參觀日期:2020年10月
感謝 Wincyholic
該評論乃TripAdvisor會員主觀個人意見,不代表TripAdvisor LLC公司。
2020年9月4日的評論

平成卷喺十和田總本店台柱之一,店內八至九成客人都會點平成卷。究竟係咩原因令平成卷咁受歡迎呢?
.
要同大家講吓十和田總本店已經係尖沙咀屹立咗好幾年‍♀️,次次草根妹妹經過都見到好多人排隊等堂食,長長不絕嘅人龍已經係一個好食嘅指標,搞到草根成日心思思想去朝聖。如果大家都想去食,記得好似草根咁早少少去等位啦。
.
平成卷($148)
先講講賣相先,飯卷內包有吞拿魚蓉和青瓜,再係飯卷上加上三文魚籽、海膽同更多嘅吞拿魚蓉,齋睇都覺得賣相吸引!非常精緻✨,紅色、橙色、黃色等暖色系食物,令人胃口大開❤️!
吞拿魚蓉肥美甘香,魚蓉同海膽慢慢係口腔融化,口感相當creamy。另外,三文魚籽味道夠鹹,有助提升整體味道層次。
廚師選擇用赤醋飯作為飯卷‍‍,正常來講用咗赤醋去調味,味道應該比一般嘅白飯有酸味,不過今次赤醋味道唔突出,呢一點需要改善。
.
除此之外,草根仲有食其他壽司,味道同質素都相當唔錯㗎!抵讚!
.
十和田總本店 (尖沙咀)
尖沙咀金馬倫道42號華懋金馬倫中心地下

參觀日期:2020年6月
    • 划算度
    • 服務
    • 食物
1  感謝 Grassroots-Ruby
該評論乃TripAdvisor會員主觀個人意見,不代表TripAdvisor LLC公司。

查看過十和田總本店的旅客也查看過

 

去過十和田總本店嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。