我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“串燒不得了”

泰廚泰國菜館
餐廳訂位
香港排名第819 (共 14,630 間餐廳)
卓越獎
周圍地區: 旺角
餐廳詳細資料
周圍地區: 旺角
2 週前的評論

放工約咗家姐喺旺角行街, 行經泰廚俾佢喺門口嘅串燒香味吸引咗,即刻決定今晚要食串燒
滿$200可以用$1選擇一款好抵食!
泰式生蝦($1):雖然只係$1,但都有4隻蝦,醬汁微辣蝦肉未算好彈牙,但勝在有用冰底,所以可以keep到生蝦好夠凍
炸蝦餅拼春卷($71):
新鮮炸起脆卜卜,炸蝦餅大大件,蝦餅結實彈牙而且有鮮味!春卷亦好香口
炒金邊粉($68):
金邊粉份量勁多,仲有好多雞絲同其他配料,雖然睇落好深色,不過味道出奇地只係微酸,清淡咗少少
燒和牛串($20)/燒豬串($12@)/燒雞串($12):
和牛有少少失望,因為醬汁太濃味蓋過咗和牛本身嘅味道,不過好在肉質唔太韌!
豬肉同雞肉同樣燒得好出色,燒得香口之餘仍然保持到肉汁同嫩滑,而且大大串啖啖肉同沙嗲好夾❤️
泰式香茅雞翼($15@):因為係雞全翼嘅關係所以要燒耐少少時間,雞翼燒得剛剛好,外皮有少少焦脆雞肉嫩滑完全沒有雪藏味,絕對值得等待!
串燒性價比極高❤️下次一定要留肚叫多幾串

參觀日期:2020年6月
    • 划算度
    • 服務
    • 食物
感謝 angelee1989
該評論乃TripAdvisor會員主觀個人意見,不代表TripAdvisor LLC公司。
發表評論評論 (45)
旅客評分
旅客類型
一年中的時間
語言

2 - 6 則評論(共 45 則)

2020年10月20日的評論 透過行動裝置

同朋友去金魚街買d野零食比佢隻狗狗。買完大家都肚餓,
加上又俾一間泰國舖嘅串燒味道吸引咗,就入左去呢間泰國菜館食野。
今餐我地叫左泰式小食併盤,豬頸肉撈檬,一定有叫串燒雞肉同串燒和牛,叫埋個泰式通菜,飲品就叫左泰式青檸梳打水同涼粉冰。

第一樣泥既係泰式小食併盤。我地只係叫左細份,估唔到都幾大份!併盤有蝦餅、春卷同香茅魚餅,每款味道都唔錯。配埋嗰個甜酸汁非常開胃。

之後泰式通菜。因為夠鑊氣,所以將普通嘅通菜都炒到好惹味。

而主食豬頸肉撈檬既豬頸肉勁有炭香味,食得出佢地係用炭爐即刻燒出泥,正呀!檬粉方面配以甜酸汁,口感清新。豬頸肉配檬粉食,完全唔覺豬頸肉會好油膩。

而聞味而叫既串燒雞同串燒牛應該係即叫即燒,燒完都唔會好乾。自己最怕d好乾既串燒,佢地燒既時間就岩岩。

店員仲好好介紹,餐廳依家有推廣優惠,食滿$200就可以加$1換佢地小食 / 甜品。我地就換左泰式海蜇,正呀!
泰式汁加去海蜇,酸酸甜甜,十分好。

泰式青檸梳打水仲真係用泰國梳打水,又解渴。
總拾而言,價錢合理,味道正宗。

參觀日期:2020年10月
感謝 Togethereateat
該評論乃TripAdvisor會員主觀個人意見,不代表TripAdvisor LLC公司。
2020年9月18日的評論 透過行動裝置

特色兼地道

跟Ryan baba食飯總是特別多話題,可能大家有共同話題,嘿嘿......

說回正題,我們到泰廚泰國菜館食過一餐午飯,邊食邊聊天,好快又一天。地方有上下層,可以坐多幾枱人客。

香葉辣椒肉碎飯48元
有一大碗白飯,上面舖着一隻荷包蛋。 香葉辣椒肉碎的份量都不少,肉碎炒得香口,不會太乾身,保留少小肉汁,辣度適中,餸飯很開胃,因為刺激了味蕾,嘿嘿.....會變得越食越多。

鹵水豬手飯48元
豬手鹵得好入味,而且不硬,容易咬,有點甜,配微鹹,好開胃的一個豬手。豬皮鹵得不太肥膩,所以我連豬皮豬身都一口咬食到肚子裏。旁邊有伴汁,酸辣汁我沒有用,因為沒用都已經好好味了。

以上兩個飯有餐湯和青檸冰送。

另外,有叫小食 ,木瓜沙律38元。份量都不小。木瓜蕃茄等都全生 ,木瓜就比較硬身,蕃茄就比較軟身,兩者配合,既做到酸酸醒胃效果,又做到硬軟交雜的特色,都幾特別。

最後,我們合共134元,平均每人67元。

參觀日期:2020年9月
感謝 CHoi_kid
該評論乃TripAdvisor會員主觀個人意見,不代表TripAdvisor LLC公司。
2020年8月26日的評論 透過行動裝置

‍朋友聚會緊係要試新嘢啦多人一齊可以食到多種既食物,我哋一行四人揀咗食泰國嘢,泰廚嘅門口唔算大,入到去店員帶咗我哋去樓上果層,安排左卡位俾我哋,座位唔算大,坐低之後我哋只係轉身,都會摩擦到隔離嗰個嘅手臂雖然咁耐冇見,仍然好親密...

睇緊菜單嘅時候,其實好多嘢都好想試,但係又驚唔好食所以只係叫咗三樣先,泰式金邊粉、泰式生蝦、泰式拼盤。
泰式金邊粉真係好嘢未啊,我哋四個人一人一啖就食完啦,泰式拼盤都係一樣好味入面有串燒、炸蝦餅同埋泰式春卷,食到呢度我哋就忍唔住開始繼續叫啦海鮮冬陰功馬拉盞炒菜青咖喱雞,因為串燒都好好食我哋額外再叫咗一份,因為青咖喱同埋個串燒汁都好好味,叫咗份薄餅都有點到啲汁嚟食,嚟到食泰國嘢飲品梗係唔少得啦
青咖喱起初以為會好辣,但係可以接受,咖喱等級:紅咖喱係最辣,青咖喱係適中,黃咖喱係最普通,因為有個朋友唔食得辣佢試咗一啖就冇再食啦,怕食辣嘅人要留意啊!
雖然我哋全部都係女仔冇諗過竟然可以清晒枱上面全部嘅嘢食可想而知有幾好味啦
而今次嘅嘢食,我最鍾意係個金邊粉同埋海鮮冬陰功我好鍾意冬陰功嘅香茅味,雖然好辣但係真係越飲越過癮如果怕食辣真係唔建議,因為佢嘅辣度都有返咁上下!鍾意食泰國嘢嘅朋友,呢一間真係好值得推介☺️

參觀日期:2020年1月
感謝 foodiephoenixx
該評論乃TripAdvisor會員主觀個人意見,不代表TripAdvisor LLC公司。
2020年6月18日的評論 透過行動裝置

串燒好正

今日公司有人請病假,做到一腳踢,忙到2點幾才有空走去食飯。我和同事去到餐廳都2點幾,肚子餓得不得了。今日去了泰廚泰國菜館,埋單300元左右,平均跟他每人150元。

香芧豬扒撈檬$45,送熱檸水。
豬扒是即炸的,須等10分鐘,但值得,出來後,又熱又香,咬口軟彈,豬味濃,外邊因為炸過,有微脆感。撈檬份量都幾多,至於撈檬汁就自己隨意倒,酸酸的,幾開胃。

濕炒 $55,送青檸冰。
份量多,汁不會太鹹。食完都幾飽。

馬拉盞炒通菜 $67
這碟最好食,我認為!
炒得好有獲氣。而且馬拉盞香通菜簡直是絕配組合。夠鹹,夠香,夠爽翠 ,餸飯一定好味。

串燒
豬 $12/@
雞$12/@
雞翼$15/@
牛$20/@
串燒的沙爹汁是餐廳獨有的,外邊未食過。好香好入味,雞,豬,雞翼都燒得好香口,配上有沙爹汁,食完一支又再叫,所以每款叫了2串。而牛串燒用的是另一種醬汁,綠綠的,微酸,微甜,應該餸酒一流。

椰青$38
這是我特別再叫的,哈哈,食泰國菜,總會喜歡叫一個,又清甜,又下火,連裡面的椰肉都用匙羹刮來吃尼。

參觀日期:2020年6月
感謝 LingB_b
該評論乃TripAdvisor會員主觀個人意見,不代表TripAdvisor LLC公司。

查看過泰廚泰國菜館的旅客也查看過

 

去過泰廚泰國菜館嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。