我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“物有所值”

Burgerman (深水埗)
使用外送服務
香港排名第1,577 (共 15,251 間餐廳)
周圍地區: 深水埗區
餐廳詳細資料
周圍地區: 深水埗區
2020年11月14日的評論 透過行動裝置

路過聞到勁香既牛肉味,先知原來深水埗有間漢堡包小店,餐廳標榜100%採用全天然美國安格斯牛肉及澳洲和牛,用原塊牛扒切出牛肉製成漢堡扒,睇佢咁吸引,真係要買黎試下。
.
和牛漢堡88+煎蛋8
香煎穀飼(120日)澳洲和牛 配 炸洋蔥絲、 日式焙燒芝麻沙律及美國大孔芝士,另外加8蚊要多隻煎蛋。
澳洲和牛漢堡質量好高,肉味香濃,咬落去仲有好多肉汁咇出黎,芝士經火槍燒過有焦香味,炸洋蔥絲好香脆,增加了整個漢堡既口感。
.
因為疫情既關係,漢堡包店只限外賣,不設堂食。
枱上放置了即棄膠手套和餐巾供使用。
小店只得一人工作,即叫即制,所以都等了大概20分鐘。

參觀日期:2020年11月
感謝 JaysonL0109
該評論乃TripAdvisor會員主觀個人意見,不代表TripAdvisor LLC公司。
發表評論評論 (26)
旅客評分
旅客類型
一年中的時間
語言

2 - 6 則評論(共 26 則)

2020年8月20日的評論 透過行動裝置

日本有麵包超人,香港就有漢堡包超人,深水埗呢間「burgerman」幾年前食已經覺得好好食,漢堡多肉汁又夠厚,今次再試,結果都無令我失望,無失到水準!
丹麥藍芝士漢堡
芝士的芝士肉為乳白色,肉身上帶有藍色班紋及不規則的洞眼,質地軟,味道帶有強烈的鹹味。 配上burgerman 特製漢堡,錦上添花,就禁食都覺得非凡!
卡邦尼意粉
除左漢堡包,仲有意粉食,就試一試!普遍卡邦尼都係淡味,呢個除左濃味仲好有芝士味,而且每條意粉都係掛滿醬汁!
洋蔥圈
甜甜的洋蔥圈,炸到脆卜卜,配試蜜糖芥末醬!

參觀日期:2020年5月
感謝 snakeyyyyyy
該評論乃TripAdvisor會員主觀個人意見,不代表TripAdvisor LLC公司。
2020年7月10日的評論 透過行動裝置

今日收工好肚餓 同事就介紹我食burgerman 既burger 咁我就特登落深水埗食 鋪頭同地鐵站唔算好遠既距離 大約3-5mins 左右就到 但天氣實在太熱 行2步路都出晒汗

間burger 位置係大街都好易搵到 鋪面唔算大但因為疫情既關係 收起晒d椅 改以外賣形式為主

餐牌上都有好多款burger可以選擇唔食肉 大啡菇burger都有 仲有意粉沙律小食可以選擇 仲可以+$20配薯條/薯格/田園沙律同汽水

我今次就試左個侯斯頓漢堡+$20配田園沙律同汽水落完order 大約等5-10分鐘左右 因為全部都係即叫即做架 因為疫情關係用外賣兜兜比較衞生 再留意下佢仲提供埋搓手液 紙巾 手套真係好貼心呀

隻手乾淨晒就可以開餐啦 先食個沙律 d蔬菜有好多種類又有幾款沙律菜、青瓜、洋蔥、車厘茄再配埋撈左既油醋汁酸酸甜甜好岩夏天食又fresh 感覺好健康 主角出場 美國安格斯牛肉配上煙肉、炸洋蔥、紅洋蔥、番茄同芝士仲有個BBQ sauce 賣相一流 非常豐富 仲有個包係烤過 所以好香 脆脆地咁 未食都流晒口水 咁多款配料放埋一齊 要一齊咬真係有d難道 我個食相真係嚇親人 我撐盡 勉強可以食得晒 一咬落去d肉汁好juice 唔會勁油膩因為有紅洋蔥同蕃茄咁fresh 夾埋一齊食 而個安格斯牛肉又煎得岩岩好 中間仲係粉紅色 整體黎講喜歡食burger既真係必試 CP值高

參觀日期:2020年7月
感謝 Penguinbb28
該評論乃TripAdvisor會員主觀個人意見,不代表TripAdvisor LLC公司。
2020年6月10日的評論 透過行動裝置

位於深水埗,美食好多
想快食就嚟呢間立食形式嘅漢堡店

加上曾經食過呢一間漢堡店嘅大角咀分店
對佢好有信心
同朋友點左兩個漢堡,一個套餐
所有餐都加$20可以轉combo套餐
套餐包一杯嘢飲
另外仲有薯角,或者薯格二揀一

和牛漢堡$88 Wagyu burger
佢嘅麵包皮上面係有芝麻,煎到香脆熱辣辣
加埋啲芝麻沙律,熱辣辣食超好味。
比另外一個漢堡更加多汁,識落比較淋身
加上漢堡上面有豆苗做配菜,好有新鮮感!

丹麥藍芝士漢堡$75 Danish blue cheese burger
嫩滑的安格斯牛肉,超吸引嘅藍芝士,加上好味洋蔥
好吸引

佢有支付寶、Payme, 同埋微信付款,方便唔同嘅人士俾錢

雖然我覺得大角咀分店嘅漢堡好食好多,不過經過呢度都會幫襯嘅!

參觀日期:2020年6月
1  感謝 loouuiissa
該評論乃TripAdvisor會員主觀個人意見,不代表TripAdvisor LLC公司。
2020年5月21日的評論 透過行動裝置

店鋪:Burgerman (深水埗)
地址:深水埗欽州街65-71號地下

中午去左深水埗行街‍♂️,之前經過Burgerman一直都好想試下,今次終於試左喇,一入到就聞到好香嘅漢堡味

叫左個至尊漢堡($90)呢個又高又大份嘅漢堡,望見就流哂口水,用上兩塊多汁吸引嘅美國安格斯牛肉,岩哂我呢啲大食少少嘅人,一個當lunch岩岩好,至尊漢堡仲加上煙肉、芝士、流心煎蛋、炒洋蔥、番茄同生菜,一大啖咬落去肉汁四濺,非常juicy,惹味得黎材料仲好fresh,最重要係麵包好香脆,果然有驚喜呀!鐘意嘅仲可以加$20轉餐有埋薯條/沙律同汽水,不過因為我生緊飛滋,而且戒左汽水好多年,所以就無加lu

經過深水埗不妨去食個漢堡,仲提供酒精洗手液、獨立包裝即棄手套等,雙重防禦就算用手拎住食都唔洗怕唔乾淨

參觀日期:2020年5月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。

去過Burgerman (深水埗)嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。