午膳在「真心泰國菜館」享用泰菜。

泰式乾炒牛河~~
炒河粉的豉油很美味，加蛋炒特別可口，
夠鑊氣、沒有油膩感！
牛肉肉味鮮，芥蘭沒有苦澀味，
爽脆有嚼勁，很完美的一碟乾炒牛河。

泰式海南雞飯~~
海南雞有鮮味，飯粒乾爽而且份量很足夠。

泰式炸蝦餅~~
香脆、鮮味、爽彈！

泰式燒豬頸肉~~
有炭香，肉味香濃嫩滑！

泰式椰汁&我的海底椰青檸梳打~~
海底椰，爽口！青檸，開胃！梳打水，清新！
組合成一杯令我感覺喚然一新的透心涼特飲！

星期日下午茶時段去咗旺角朗豪坊附近覓食 我本身喜歡食辣同食泰國菜,俾我見到呢間位於朗晴坊嘅泰國菜於是上去一試,一看裝修同擺設好地道,老闆娘又好nice食個下午茶有驚喜, 好正宗嘅泰國菜……
裝修設計如置身泰國一樣
下午茶款式多,大大碟,仲包熱飲一杯,好抵食
生蝦刺身 生蝦肉質夠甜夠黏,每片配上蒜片,辣椒及調製的醬汁,殺菌同時帶出蝦肉味道,夠惹味
酸辣鳳瓜 呢款泰式酸辣鳳爪都幾好味,酸酸辣辣,而且d酸辣度啱啱好,越食越開胃,喜歡食辣的朋友一定要試
青咖哩海鮮炒飯 呢個飯炒得乾身,內藏一種清新嘅青咖哩味,材料十足,有蝦肉、蟹柳、魷魚等,有咬感
冬蔭功海鮮湯飯 食泰國菜必點冬蔭功湯,而這碗有湯外更有飯,個湯底同平時出面食開嘅有啲不同, 呢度略為偏酸,但味道濃郁,足料,撈飯食正

放工想食泰國菜，朋友便提議食這間，位於朗豪坊旁邊的大厦，非常好找。 這裏的環境佈置很有風味，天花板佈滿紙油傘裝飾。 我們兩人各叫了一個套餐，再加了一碟雞翼。 首先出場的是我最愛的雞翼雞翼是煎的，生菜放在底部既可吸油又有泰式風味，雞翼與泰式辣醬配合得天衣無縫☺️是我喜歡的味道。 這碟是豬頸肉炒丁，豬頸肉雖然無放在面，影不到很多，但吃的時侯，差不多每啖都有，炒得香口，又咸淡適中，而且份量十足，抵讚！

今日成班朋友提起去食泰國野，我就搵左呢間地道泰國菜，7點到步，已經無乜位，等左15分鐘就已經可以入座，我地望左餐牌好耐，實在太多野想食，但最後我地就叫左兩個套餐，因為包含既款式都有齊大家想食既，包括明爐蒸烏頭、泰式通菜、串燒(雞、豬)、菠蘿炒飯、喇沙雞柳米粉！ 烏頭算係大條，重有好多肉碎，個湯酸得黎好好飲，魚肉吸收左湯既精華，簡直無得彈，而且條魚一D都唔腥！之後黎左串燒，燒得香之餘，配搭既醬汁都好惹味，菠蘿炒飯係我既至愛，一上枱，炒飯既香味已經深深吸引住我啦，飯中有菠蘿、提子乾、臘肉、雞柳，而通菜真係值得一讚，好惹味而且只係帶小小辣，而喇沙米粉個湯就有好多花生粒，米粉分量都幾多！

今天考試完成後，還要繼續工作，期間朋友致電相約晚膳，就想起有一間泰國菜館的燒雞非常美味，所以相約在朗豪坊等
生菜包飯套餐
生菜包通常需要散叫，這個配搭比較優惠，朋友說有點辣，但是辣妹如我覺得剛剛好，肉碎帶一點魚露的香味
套餐附送一杯飲品，選擇了泰式凍檸檬茶，泰式紅茶配青檸，不會太甜，增進食欲口味清新
泰式燒雞（半隻）
外皮燒得香脆，淡淡的香料味道，雞肉香滑，配上兩種醬汁：酸甜醬及泰式辣醬，一口接一口完全停不了
椰汁糕
上層椰汁糕，下層大菜糕，不會太甜，口感比較爽口