成日上網見到好多人打卡murray酒店，雖然今次無預約浴缸房，但房間都好大同觀景幾舒服，而且酒店服務態度良好，登記入住又快捷

今天與家人訂了semi-buffet，6點多來到。等到6:30pm就進入餐廳。buffet的款式有不少，如生蠔、長腳蟹、鮑魚、青口、蜆、烤牛肉、蘑菇湯、pama ham等等，還有很多cake。buffet亦refill得很迅速。Main course我們點了羊架、龍蝦、燒魚，十分美味。店員服務態度十分好，特別是服務人員mike，積極地幫手換碟， 又主動offer 揸機影相， 搬凳俾我地放袋。 係個享受的一晚。

早前經KLook買 package: 香港美利酒店 The Murray
【夏日抵 Deal - 限量搶】星期日至四升級至N1 Deluxe 客房 + 升級至海鮮半自助晚餐 + 雙人下午茶 + 早餐 + 30小時住宿 + 免費泊車 + 免費攜帶寵物一隻
價錢：折實大約$3400

9/8-10/8 staycation 遇上打風，但係因為酒店舒適嘅環境同良好嘅服務，令我有賓至如歸嘅感覺。
當日原本12:00可以Check in，我就拖拉到4點先去到酒店。由落車開始，每個酒店員工都好有禮貌。櫃檯嘅Annie好快就幫我哋辦理好手續，聽倒我哋話打風可能要留晌房睇Netflix 就介紹酒店有唔少免費電影睇，又俾咗間有浴缸嘅N1房我哋。
餐飲包三餐，全部晌Garden Lounge 食：下午茶正常。半自助餐晚餐唔錯，主菜有水準，自助餐菜式選擇雖然唔算多，但味道唔差，生蠔味道算鮮甜。半自助早餐都ok，又係選擇唔算多，但味道唔錯，除咗個煙三文魚Egg Benedict 偏鹹。晚餐、早餐都滿座，但座位都算闊落舒適，拎嘢食唔會有壓迫感。
酒店房間寬敞舒適，光猛新淨，望山嘅景觀好開揚。如果無打風，我計劃上山頂行一轉盧吉道，再遠眺吓日漸變窄嘅維港。不過三號風球就唔行咁遠喇，第二日食完早餐只係去咗香港公園散步睇雀，加上間歇落大雨，中午之後就返酒店度hea同睇戲，叫deliveroo 食，悠閑地度過咗一個下午，6點前揸車走，感覺好滿足，值得再訪。