觀塘工廈食肆多好多人都知，但係牛頭角工廈其實都有好多野食，今次就食咗間西餐廳，餐廳座位好闊落，坐得好舒服，環境裝飾得好靚，人多都唔會太迫。
2人餐$548
凱撒沙律+是日餐湯
沙律菜食落爽脆，唔會勁凍，配埋分量剛好既沙律醬，感覺唔會太膩，仲有芝士碎同麵包粒提味。餐湯係南瓜湯，香甜南瓜味，將忌廉拌勻，湯更香滑。
黑松露野菌意式燴飯。菇菌味香濃，燴飯煙韌有咬口，除咗菇味仲好香芝士味，仲要夠熱，啖啖追住食。
醬燒美國豬肋排。正。一刀切，骨肉分離。夠淋又入味，表面燒得香脆。味道屬於香甜口味，配少許咸酸既燒烤醬，味道層次又多的，幾好食，最後食返兩啖沙律做結尾。
廚師精選甜品+餐飲
香濃朱古力蛋糕作結尾，一口size有2件，伴有淡忌廉，食落幾香濃嘅朱古力味，蛋糕結實而且夾雜着朱古力粒，唔太甜，配淡忌廉食可以減低甜膩感
職員會一道一道菜慢慢上，唔會推晒係枱面，唔洗怕食得慢會凍晒
***************************************
Non Kitchen
觀塘鴻圖道12號精棉工業大廈1樓
***************************************
此物業由您擁有或管理嗎？ 免費認領您的企業詳情，即可回應評論、更新檔案和進行更多操作。