今日同朋友去尖沙咀行街，經過The One見到間fusion法國菜西餐廳環境幾好，就入去食個late lunch。

香煎帶子闊條麵 ＄128
特色啤酒烤雞 ＄145
紅肉血橙焦糖烤布蕾 ＄78
椰青 芒果 熱情果 冰沙 ＄42
杏脯果茶 ＄40

同朋友一齊各叫一份午市套餐，前菜我點左田園沙律，今日嘅dressing係柚子汁，味道清新，朋友就叫左周打蜆湯。

香煎帶子闊條麵係番茄底，食得出係用番茄膏調出嘅醬，又有四粒帶子，份量足夠，性價比高！特色啤酒烤雞，皮脆肉香，食到微微啤酒香味，令人有點失望係雞胸肉好乾，但配菜蕃薯條加香辛蛋黃醬超好食，炸得剛剛好，醬汁味道層次豐富，酸酸甜甜又有辣吊味。

叫左一份甜品同朋友share，créme brûlée最緊要有雲尼拿籽先夠香，每一啖燉蛋都有滿滿蛋味同雲尼拿味，上面塊橙係可以係食完燉蛋後食，refresh下口腔又會冇咁滯。

另外飲品杏脯果茶唔係就咁用糖漿加水溝出嚟，真係用杏脯乾然後再配蜜糖另上，欣賞餐廳會留意呢啲小細節。

餐廳環境採光好好，天氣好時打卡一流。

大家滯留香港，放假都喜歡去郊遊，有時變得比市區更擠擁喧鬧，今個週日決定反其道，與朋友去尖沙咀午膳。

K11的 Odelice是家法式餐廳， brunch set 的款式挺多，我們選了青口及蕎麥餅。

是日餐湯是甘筍湯，香滑的湯中可嚐到少許甘筍蓉。

法國藍青口 - 
藍青口粒粒飽滿，非常鮮甜，伴以白酒、洋蔥、蕃茄及芫荽煮成的汁，令青口鮮味提升。

蘆筍蟹肉蕎麥餅 - 
蕎麥餅內放滿鮮味的蟹肉，十分足料，配以甜椒及蘆筍等，還有沙律，美味輕盈之選。

食完 brunch set 還想食甜品，點了 crepe，肉桂香滲透在蘋果裡，再加上海鹽焦糖醬，配以軟滑雲呢拿雪糕，明知邪惡但食不停口。

週日嘆個法式 brunch，很不錯的享受。

好耐冇見朋友仔‍♀️今日同朋友仔去將軍澳食法國菜，位置仲好容易搵到，就係地鐵隔離個商場上一樓就見到啦；環境舒服又光猛，地方又大；呢餐法國菜真係抵食又大碟，食完仲勁滿足

兩個人叫咗2份午市套餐；前菜每人叫咗一樣，朋友選擇是日精選餐湯：周打蜆湯，夠哂濃郁又夠滑，好Creamy好好飲；而我就揀咗田園沙律，Fresh 沙律菜，配埋個沙律醋甜甜酸酸夠哂開胃

煙三文魚菠菜意粉 $125
三大塊整成玫瑰花形狀嘅煙三文魚；法式芝士白汁做醬汁，勁creamy，仲唔怕油膩；菠菜撈埋落啲意粉一齊食，口感豐富，意粉煮得適中，唔會好淋

橡果級伊利比亞黑毛豬柳 $ 188
伊利比亞黑毛豬柳真係唔錯，肉質好鬆軟，仲有成7塊咁多，再配埋個紅酒醬汁一齊食，好正；配菜比較多，有香滑薯蓉，仲百薯蓉粒在內，好有咬口；煎到好香嘅蔬菜半個香煎蕃茄；成碟份量剛剛好，一個人食夠哂飽

煙三文魚拼盤 $78
揶威煙三文魚，配埋青菜幼苗檸檬肉酸豆，乾蔥，特級初榨橄欖油

熱Latte + $10
個拉花好靚☕香滑Latter，飲一口Latte，咬一口餅乾

百香果 + $10
百香果鮮榨果汁，味道一啲都唔甜

Odelice! (PopCorn)
將軍澳唐賢街9號PopCorn商場1樓F23號舖

好耐之前食過灣仔、尖沙嘴分店，Set Lunch有Crepe/Pasta加餐飲，都幾抵食。事隔多年，喺將軍澳開左分店，一於過黎試下晚餐。

《香煎帶子蕎麥薄餅 $135》
可能因爲係蕎麥薄餅的關係，Galette顔色比較深色，蛋味無咁突出。不過配料仍然做得幾出色，香噴噴的煙肉醬汁，配上煎到金黃色的帶子，滿有牛油香，口感多汁；加埋重量級忌廉野菌粒，味道非常芳香濃郁，保持到水準。

《經典肉眼牛排配薯條 $155》
用上新西蘭草飼肉眼牛排，叫左7成熟，肉質有嚼勁，肉味濃郁，另外提供牛肉醬汁。薯條亦有驚喜，配菜好食真係一個加分位，滿有薯香，外脆内軟，沾少少番茄醬減低罪惡感。

《Tiramisu $65》
食西餐點都想叫個甜品做Ending，叫左個Tiramisu，口感好Creamy、Rich，酒味突出，蛋糕質感軟綿濕潤，整體幾好食。

上星期和朋友到尖沙咀，晚餐時分路經了這一間平時門口很多人等候入座的法國餐廳，剛好當日人流不算太多，我和朋友想也不想便決定進去一試

餐廳菜式選擇不少，但是主菜已經有漢堡包意粉和肉類選擇，而且價錢亦不算太貴，更有誠意的是他們還有二人分享主菜

生牛肉他他，習慣了每逢有生牛肉提供的餐廳都會點，因為生牛肉是最能夠顯示餐廳對食材的要求，這一道生牛肉並沒有失望，牛肉的質素十分高，肉質鮮嫩重牛肉香，配搭他們的調味和法式麵包，是一道非常開胃的餐前小食

主菜點了他們的經典漢堡，同樣沒有失望，包皮烤得香脆，另外漢堡扒份量不少非常厚身，配搭他們香濃的芝士，是一款味道有層次和高質素的漢堡

朋友特意點了一款香烤盲糟魚分享，同樣沒有失望，魚肉非常嫩滑，而且配搭檸檬和蔬菜作調味，多了一份清甜的層次，值得推薦

最後甜品點了血橙燉蛋，香橙的酸甜配搭了燉蛋的清甜，令到這套甜品的甜香味道帶有層次感，為這道感覺良好的法國餐畫上圓滿的句號，絕對會再來的一間餐廳