限聚令之下，兩個人都費事去得遠，近近地去老地方啦。係呀就係老銅既樓上Cafe Mamaday。
今日居然冇午餐餐牌，可能因為係聖誕假期前夕既關係啦。咁我地就試吓主餐牌既新野啦。
今天我咩心情？關你咩事先？比薩 $118+10%
比薩呢度一向都整得幾好。今日揀左個是日口味比薩食，有芝士同火腿。比薩一貫超薄底，超脆口。比薩一開6塊，每塊上面都有一塊非常咸香既風乾火腿，配上唔咸既芝士，味道都ok。呢個比薩特別在於佢地加左d薯蓉係面，食到薄脆餅底同軟綿綿既薯蓉。如果可以都d芝士，等佢冇咁乾就更好啦！
蕎麥麵沾魚露配美利堅合眾國草飼牛扒扒扒＄152+10%
黎過幾次都冇試過呢度d扒。原來呢個係早午餐，跟餐有沙律，蝦片同水果，好豐富喎。牛扒叫左5成熟，廚師好細心已經幫手切開左7份，份份都係超厚切，份量十足。生熟程度難得啱啱好半成，牛味幾濃，不過咁啱有條筋同埋半生熟所以有d咬口。賣相幾靚，唔錯。伴碟係一兜少少既蕎麥麵加左木魚碎同日式芝麻醬，一啖就食完，清新健康。兩塊大蝦片超脆，可以點伴碟既甜酸辣醬食。兩塊大蝦片下面原來係沙律同水果，原來佢地係平時加錢跟餐既沙律，新鮮沙律菜配上幾塊新鮮藍莓和紅桑子，再加上日式芝麻醬，清新健康。
午餐時候有好多人walk in 居然要等到第11號，大家想黎就記得訂位啦！
此物業由您擁有或管理嗎？ 免費認領您的企業詳情，即可回應評論、更新檔案和進行更多操作。