沙田新城市廣場十分多美食，✨星期日同小朋友去完Snoopy Land玩，跟住去L5既「Nara」泰國菜買外賣返屋企慢慢食，而家外賣自取仲有八五折扣優惠，非常抵食。

Nara特色炒飯$108
兩隻燒大蝦，蝦肉爽口彈牙夠新鮮，加埋花生、青瓜等配菜，十分豐富，而炒飯味道夠香，味道夠濃。

蟹肉炒飯$98
炒飯面頭舖滿蟹肉及蟹籽、蝦仁，充滿著不同口感，而且炒飯粒粒分明有層次，十分好味。

泰式糕點拼盤$88
一次過可以食到三款泰式糕點，有椰汁糕、班蘭糕及大菜糕，每款甜度適中，各有特色。

Nara Thai
沙田

沙田都越嚟越多野食，今日就想食下泰國野，成日經過都見到門口好多人喺度等位，今日就嚟試吓去

鮮椰子沙冰($55)
椰汁好燶，沙冰入邊有椰子果肉同三色粒粒，飲落有口感，甜度適中

大蝦冬陰公($148)
冬陰功足料，2隻大蝦多肉爽口，有好多草菇，沾上湯一流。冬陰功湯酸酸甜甜，微辣辣度適中，好開胃。下邊仲有蠟燭一邊加熱，全程都暖笠笠熱辣辣，正

芒果軟殼蟹米紙卷($118)
有6大舊，每舊都大大舊，本來想挑戰一啖食哂，點知都係失敗一隻炸左既軟殼蟹係面，入面包左甜既茫果肉、芫茜、生菜、蘿蔔絲同軟殼蟹芫茜係超多超重茜味唔係茜愛好者要留意下啦

Snack ($15)
入座之後店員就會每枱送上一盤大大塊既蝦片，有小小辣，脆得黎又鬆化

榴連雪糕伴榴連糯米飯 ($88)
食完泰國嘢點少得一個糯米飯做甜品，榴槤蓉有dd榴槤肉，充滿榴槤香，糯米飯暖暖地幾煙韌。配上椰汁一齊食好正啊

#沙田美食 #沙田 #美食日記 #食好西 #大滿足
#香港美食指南 #香港美食 #香港美食 #香港
#hkfoodie #hkfood #bbq #hkfoodie #homekong#hkrestaurant #hkiger #hkfoodstagram #hkfoodlover #hkig #hkfoodshare
#foodiesinternationalchat #globaleats
#indiandailybread

今次去咗沙田新城市食泰菜, 都幾高質 所以就推介俾大家~ 據說呢間好似係泰國好出名嘅餐廳
.
蝦片 +$15
一坐低, 就即刻放低一籮蝦片 超脆而蝦味亦好重, 好好食!! 都真係好耐都無食過～ 不過好似preset咗收 +$15, 好似可以揀唔要 不過要同waiter講~
.
菠蘿肉鬆海鮮炒飯 $128
真係同menu張相一樣咁靚!!✌ 有勁多肉鬆係個菠蘿炒飯上面, 仲有兩隻炸得好脆嘅大蝦係上面, 脆到連啲殼都食得 仲有唔同海鮮係入面, 個飯炒得好乾身, 調味都幾好食! 鍾意菠蘿嘅你, 一定要叫! 其實個底仲有啲菠蘿肉haha, 啲菠蘿肉仲要係甜嘅
.
泰式蝦醬炒河粉 $108
呢個overall嘅調味, 對有啲人嚟講可能比較重 但我食得比較重口味, 就覺得還好 始終係泰式蝦醬, 所以鹹少少係正常～ 仲有半隻鹹蛋做伴碟, 仲有啲豬肉粒同木瓜絲(?) 個味好熟, 但唔肯定係唔係
.
Overall 都唔錯, 啲服務幾好 如果想同fd, 係沙田傾下計, 食下嘢嘅話, 呢間都值得一試嘅
.
Nara Thai Cuisine
沙田沙田正街18號新城市廣場一期5樓507號舖
尖沙咀廣東道3-27號海港城港威商場3樓3303號舖

今日經過沙田嘅Nara 忍唔住入去叫外賣返屋企食，回味下泰國味道，而且外賣自取做緊85折優惠，超抵呀！

泰式小食拼盤 $ 178
泰式小食拼盤包括黃姜雞肉沙嗲串燒、春卷、香葉包雞、香脆魚露雞翼、香脆芝麻豬頸肉，一次過可以滿足曬所有願望～最鍾意佢哋嘅單骨雞翼，唔洗拆骨食起上嚟好方便，加上調味啱啱好，香料味十足，好惹味呀～我哋仲追加一份泰式脆春卷，平時食嘅春卷多數以蝦為主，而今次呢款係素食之選，唔單止唔油膩，仲好香脆㗎～

大蝦柚子沙律 $ 108
而大蝦柚子沙律清爽開胃，份量足夠3-4個人食，沙律汁係分開裝㗎，拎到返屋企都唔怕影響口感。

大蝦冬蔭功 $ 148
同場仲有主菜大蝦冬陰功、青咖喱雞同搭配咖喱嘅首選-印度薄餅， 有菇菌、大蝦同大量香料嘅冬陰功，飲返啖都成個人都暖返曬～

泰式炒通菜$ 68
泰式炒通菜，雖然就有少少辣，不過好惹味，食完都想再食！

泰式炒金邊粉 $ 128
食泰國嘢仲有必點嘅係泰式炒金邊粉呀，一打開就見到蛋網包住金邊粉，金邊粉嘅口感好煙韌，材料豐富，食之前可以根據口味將辣椒粉、花生、糖撈落金邊粉度，如果想再辣少少嘅，仲可以再加辣椒粉。

Nara Thai Cuisine (新城市廣場) (沙田)
沙田沙田正街18號新城市廣場一期5樓507號舖

餐廳華麗裝潢，環境寬敞舒適。
大蝦冬陰功湯酸辣回香的湯頭十分過癮，湯料亦很充足。
肉碎米粉生菜包的肉碎小小一口便能讓你整個口腔充滿醬油香味；米粉特別厲害，完全沒有黏糊的感覺。
雖然只點了兩個泰國菜，但吃著吃著卻非常飽足和滿意。