我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“沒有驚喜食下OK”
板上 (觀塘)的評論

板上 (觀塘)
網上訂購
網上訂購
香港排名第4,625 (共 13,784 間餐廳)
餐廳詳細資料
2 週前的評論

假日陪媽媽食中午,去左官塘商業區一帶搵野食,見此間門面華麗門外食物相賣相吸引,結果吸引左入內食。餐廳內唔算多客,去到先櫃位點餐俾錢,再自行取餐。食物選擇甚多,揀左我最喜歡的鰻魚飯和媽媽喜歡的牛肉飯。餐來了賣相比預期有點落差,用格仔盤裝載賣相打了點折扣。

板上雪花一口牛.珍珠飯 $65
以為係鐵板上添,珍珠飯一般唔多圓潤煙韌。唔見有洋蔥牛肉味道一般而已,沒有多惹味,勝在份量唔算少而已。

板上蒲燒鰻魚.珍珠飯 $85
鰻魚好細份好似無左半咁,感覺唔值依個價錢,鰻魚肉薄身味道一般,燒汁勁少忍唔住走去叫店員加汁,店員都係俾多少少。

味噌湯
係免費任添的,相信係唯一滿意地方,湯有昆布鹹度適中味道唔錯多幾夠熱。

凍檸檬水+凍奶茶
跟餐凍飲要加多五蚊,味道不過不失。

場內見有充電提供確係貼心服務。

參觀日期:2019年9月
    • 划算度
    • 服務
    • 食物
感謝 cargolam
該評論乃TripAdvisor會員主觀個人意見,不代表TripAdvisor LLC公司。
發表評論評論 (9)
旅客評分
旅客類型
一年中的時間
語言

1 - 5 則評論(共 9 則)

2019年10月19日的評論

買外賣最好就是板上了,外面有一部八達通機,直接免排隊,買了票等拿餐就好了。48元的照燒雞便當,餐飲點熱玫瑰花茶來養養顏,划算抵食。堂食如果份量不夠,店家提供白飯任裝,還有味噌湯。只是偶爾需要等的時間比較長。有wifi,有電視,晚上OT完吃有播球賽。

參觀日期:2019年10月
    • 划算度
    • 服務
    • 食物
感謝 gwenzai
該評論乃TripAdvisor會員主觀個人意見,不代表TripAdvisor LLC公司。
2019年5月28日的評論

板上好耐之前已經想試,經過見到就入左去,叫左個一口牛,好多粒~D牛肉好嫩唔會咬唔開,佢仲配左個汁,攞黎送飯好好味,另外一個叫左三文魚,相對有D少,得兩塊魚,呢個仲冇配汁,但問佢拎都比,所以一口牛比較推介大家叫~

參觀日期:2019年2月
    • 划算度
    • 服務
    • 食物
1  感謝 heiman0531
該評論乃TripAdvisor會員主觀個人意見,不代表TripAdvisor LLC公司。
2018年12月14日的評論

這店門外設有八達通自助售賣機, 但只有一部, 可以用這機去點食物. 餐的價錢一般由45元左右至60元. 點完食物後, 要等一段時間才能取食物. 如果以餐來說, 份量比較少或只能叫剛剛好, 味道只是一般.

參觀日期:2018年11月
    • 划算度
    • 服務
    • 食物
感謝 Tim L
該評論乃TripAdvisor會員主觀個人意見,不代表TripAdvisor LLC公司。
2018年11月30日的評論

今日出咗去觀塘開會,幾粒鐘的長開議,腦力都消耗得七七八八,雖齋坐無郁動,但也不知為何整個人也很累...又一個好藉口出街吃。

附近是中海日升中心,唔多來的地方,原來都樂多食肆。一直入就俾我見到「Coffee bar」,雖然今日不假日(多數假日才遊咖啡室),但我現在好需要杯咖啡。

開放式的門口,睇落幾寬敞闊落,環境舒適。一入門就是售票處,另一邊設有一行高枱櫈,中間則有多張四至六人枱,還有一行面牆的單人座,既適合獨個兒,亦啱三五好友來食飯聊天,今晚就見有幾班人在此聚聚。唔止呀!仲有兩部電視,其中一部播緊足球賽事,加埋店子有啤酒出售,又是睇波友好地方。

看看餐牌,有套餐、薄餅、小食和飲品,定價經濟實惠。仲發現門口的黑板寫有風味咖啡,而下單處旁邊還有蛋糕櫃,岩晒我。
**********************************
在十五款晚巿套餐中揀了蒜香三文魚轉配蕎麥冷麵($62+8),無錯!又是魚,我的確好專一,哈!是日配菜是茄子拼粟米,粟米粒爽口兼帶有牛油香;茄子外皮柔韌內肉腍嫩,亦烹調入味。
主角是三文魚,兩件薄身,鮮橙亮麗。魚面放了些香口的炸蒜,唔止有蒜香,仲有牛油香,味道不錯。魚肉紮實,但絕不嚡口乾身,存有魚油。
一向不是飯桶的我將珍珠飯改為蕎麥冷麵,冷麵上放了紫菜絲,煮得合宜,有咬口,稍稍冰涼,蘸上冷麵汁,簡單而美味。
**********************************
見餅櫃只有朱古力松露蛋糕和伯爵茶慕絲蛋糕($22)選擇,揀了後者。賣相不錯,層次分明,以三層海綿蛋糕相間兩層慕絲,面頭加層忌廉,配少少伯爵茶葉。
海綿蛋糕不夠鬆軟,最底嗰層還有點乾硬,幸好慕絲層都算幼滑,而且啖啖伯爵茶幽香,味道不錯,只差口感。
**********************************
熱洋金菊鮮奶咖啡(+$7)沒有任何拉花,亦沒有花乾作裝飾,賣相不吸引。呷一口,溫度剛好,豐厚綿滑,稍稍咖啡的甘苦,但洋金菊味就...很薄弱。
--------------------------------
今晚可在這餐店裏食完正餐,再食甜品,仲飲埋咖啡,唔駛走來走去舒舒服服,一take 過,岩晒疲累不勘的我。老實說,今日心情馬馬,很需要抖抖氣,決意飯後慢步觀塘海濱公園,原來這裡很美...

參觀日期:2018年11月
    • 划算度
    • 服務
    • 食物
感謝 wanttoeat8
該評論乃TripAdvisor會員主觀個人意見,不代表TripAdvisor LLC公司。

去過板上 (觀塘)嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。
*TripAdvisor LLC 並非預訂代理商,而且不會向本網站使用者收取任何服務費用…
TripAdvisor LLC 對外部網站內容概不負責。 優惠方案價格不含稅金與其他費用。