我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“用料新鮮的火鍋”

大滾友火鍋 (元朗)
餐廳訂位
香港排名第77 (共 15,647 間餐廳)
周圍地區: 元朗
餐廳詳細資料
周圍地區: 元朗
2021年10月14日的評論

之前同朋友喺元朗見過呢間火鍋店,覺得幾特別,於是就約好秋天嘅時候試一次。

平日夜晚都好多人, book定枱穩陣啲,餐廳係以中式宮廷做主題,裝修、餐牌嘅設計、同埋餐具都好有特色。

店員叫我哋先揀湯底,我同朋友都未食過卜卜蜆,就趁呢個機會試下啦! 仲可以走青(我地麻麻地唐芹 )。

湯底好快就送嚟,啲蜆數量都幾多,感覺都足料。然後我哋先再order火鍋生料,我哋叫咗牛肉、餃子、丸類拼盤、醉雞、滑雙拼。

喺火鍋生料嚟之前,我哋就食咗啲蜆先。 啲蜆每一隻都冇沙,又鮮甜,而且數量都好多,我哋兩個覺得好似食極都有咁。另外,呢個湯底本身有好多芽菜,我覺得啲芽菜索咗啲湯底都幾正,我 食咗好多。

酒香陳年花雕浸牛肉
百零蚊份量都唔算少,啲牛肉淥十零秒就食得,酒香啱啱好,唔會太濃但又夠入味。 牛肉嘅質地比較軟嫩,亦都幾有牛味。

肉丸拼盤
有五款丸,每款兩粒。食得出每粒都好新鮮,同平時買嘅急凍丸係兩回事。 尤其之前我哋都係比較多喺屋企用急凍食材打邊爐,突然食番啲新鮮嘅手打丸,真係覺得好大分別! 啲丸嘅質地係比較滑,又有少少彈牙,亦都食得出鮮味。 呢個真係必點呀。

陳年花雕醉雞
同牛肉一樣,酒嘅味道啱啱好,雞肉好嫩滑,味道都唔錯。

鳳尾鮮蝦雲吞
呢款餃子幾特別,第一次食。佢係一個有豬肉餡嘅餃子,再加埋原隻嘅蝦喺入面 。所以一煮熟,個餃子就會曲埋。 味道唔錯,餃子幾有鮮味,隻蝦都幾爽口彈牙。

蟹子蝦滑 瑤柱乾貝滑 雙拼
其實同啲丸都好似,應該都係同一樣或差不多嘅材料。 反正我哋對個丸類拼盤非常滿意,可以再encore 類似嘅嘢食,都幾開心。 個干貝滑係第一次食,好好食。

呢個份量兩個人啱啱好,非常滿足 估唔到最後仲有甜品送呀,呢個奶凍又滑奶味又重,凍凍地,好正呀!

除咗食物,呢度嘅服務都好好㗎,我哋張枱主要由一個阿姐serve嘅,佢好有禮貌,而且效率都好高。令到我更加享受呢一餐。

我同朋友都話下次再約其他朋友打邊爐,都會提議嚟呢度。雖然呢度收費不便宜,但係食得出啲食材係靚又新鮮。想食平啲啲嘅,可以留意佢嘅時段優惠,咁就可以慳番少少啦。

參觀日期:2021年10月
    • 划算度
    • 服務
    • 食物
感謝 Aiku_eater
該評論乃Tripadvisor會員主觀個人意見,不代表TripAdvisor LLC公司。
發表評論評論 (81)
旅客評分
旅客類型
一年中的時間
語言

18 - 22 則評論(共 81 則)

2021年10月12日的評論 透過行動裝置

平時既我好少會想打邊爐,今日突然之間邊爐癮起
男友搵完一輪之後話帶我黎呢度試下

一黎到見到有椰子雞蕃薯蜆濃湯鍋諗都唔駛諗即刻叫左,好中意椰子湯,養顏得黎又清甜好味
配料我地叫左陳年花雕浸牛肉,美濃水蓮 (香港好少見估唔到呢度有!),鮮淮山,竹笙,飲品就叫左加多寶~

鍋底超足料!
有勁多椰子條,粟米,蜆肉同半隻望落就知嫩滑肥美既雞肉,見到都覺得飽
個湯愈滾愈香
椰子甜味加埋雞肉既油香,超好飲!! 未打之前我同男友已經飲左半鍋湯

牛肉聞落有濃郁既酒香,整熟之後酒香味岩岩好 中間帶啲油脂,脂肪分布好靚

係火鍋店食到水蓮真係令我好驚喜!
呢樣係我去台灣旅行必食既野,非常爽脆

鮮淮山係養生火鍋食材,煮得岩岩好既話口感爽口好食又健康

竹笙係我同男友都好中意既配料黎,呢個湯底配竹笙簡直不得了!!!
完全係將椰子雞湯既精華索晒落去,超好食!

作為一個元朗街坊,呢間大滾友無疑已經成為我地打邊爐既首選!

參觀日期:2021年10月
感謝 vikolau730
該評論乃Tripadvisor會員主觀個人意見,不代表TripAdvisor LLC公司。
2021年10月8日的評論 透過行動裝置

最近成日去打邊爐誠意推薦元朗大滾友

打邊底靚湯底最重要消暑冬瓜瑤柱鍋
上菜時超浮誇加左乾冰營造煙霧離漫效果
仲有大大堆素翅置頂令人垂涎三尺啦

打邊爐點少得肥牛大滾友牛肉拼盤(小)$398
有安格斯肥牛肉、骰子牛肉粒、本地牛肉、牛頸脊、雪花牛肉、牛舌、牛胸爽總共7款
份量多每款油花分佈均勻值得一試

黃金響鈴
響鈴本身夠邪惡
但黃金代表鹹蛋黃邪惡感暴升
呢個要即叫即整‍
仲要即食非常酥脆甘香
係湯底滾2秒鹹蛋黃味道更突出

美濃水蓮
來自台灣嘅蔬菜
入口非常脆嫩未食過一定要試下

呢餐豐富到不得了食到好飽下次再黎食過

-

參觀日期:2021年10月
1  感謝 Inspire53446401849
該評論乃Tripadvisor會員主觀個人意見,不代表TripAdvisor LLC公司。
2021年10月4日的評論 透過行動裝置

大家消費券用哂未呢你係會一炮過豪哂,定係精打細算type? 呢間火鍋店經OpenRice 訂座,中午食可享有68折優惠,折扣力甘大超吸引

櫻唇半開-特色卜卜蜆鍋 $198
成個鍋鋪滿咗蜆,除咗芫荽仲有芽菜添,滾咗一陣,蜆開始熟啦~陸陸續續打開哂蜆蓋,份量超多,由頭食到尾夾極都有蜆,仲要全部都新鮮無死蜆㗎

酒香陳年花雕浸牛肉 $128
牛肉好有咬口,肥瘦均勻,食落有淡淡食香味

手打鵝肝墨汁墨魚丸 $68
一份有4粒,墨魚丸鮮甜彈牙入面有一舊仔鵝肝,2樣野都超鐘意食,呢個組合啱哂我

鳳尾鮮蝦雲吞 $78
賣相好靚,除咗原隻蝦仲有豬肉係入面,幾高質

冰菜 $38
冰菜夠爽脆,好抵食有一大盤

陳年花雕醉雞 $88
雞好滑醃得夠入味,比起牛肉個款,酒味濃縮得多

醬介收費係$22@~飲品叫咗烏龍茶 $20 &+Zero可口可樂$18~

總結食材高質同比較多特色食物,尤其湯底幾出色

Ig搜尋 #金魚姬食在元朗

參觀日期:2021年10月
感謝 kingyohime90
該評論乃Tripadvisor會員主觀個人意見,不代表TripAdvisor LLC公司。
2021年10月4日的評論

揀左元朗呢間打邊爐.....呢間火鍋店嘅名好特別!最近天氣好悶熱....食啲清啲嘅湯底...消暑冬瓜瑤柱湯用左大半個冬瓜勁有份量!!手打蟹子蝦滑同黑松露滑...質感稠密爽彈....真係食到食材嘅原汁原味!!大滾友餃子拼盤...手工餃子係名不經傳!! 四款餃大大粒每款兩粒...有韭菜豬肉餃... 黑松露蟹肉餃.... 蟹黃餃同鮮蝦雲吞.....入面好足料, 新鮮! 冇乜太肥膩同味精既感覺!!仲有點了萵筍....清甜可口

參觀日期:2021年9月
    • 划算度
    • 服務
    • 食物
感謝 Suckwok
該評論乃Tripadvisor會員主觀個人意見,不代表TripAdvisor LLC公司。

查看過大滾友火鍋 (元朗)的旅客也查看過

 
 

去過大滾友火鍋 (元朗)嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。