我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“⭐️銅鑼灣高質泰菜❤️⭐️”

Milu Thai Restaurant
香港排名第34 (共 13,979 間餐廳)
卓越獎
價位: US$13 - US$39
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
4 週前的評論 透過行動裝置

今日去左同事介紹我既依間係銅鑼灣既泰國餐廳,好彩一早book定位,一上到去已經全場滿座,而且食物選擇好多,份量好大份
生蝦刺身($98)
生蝦用乾冰上所以視覺效果好靚,岩哂打卡影相生蝦質感紥實爽甜,配上生蒜同辣椒食更加可以帶出生蝦既鮮味,再蘸上秘製既酸辣汁好開胃
炭燒豬頸肉($88)
肉質軟嫩惹味,豬頸肉邊燒得好香脆,食落去吾會覺得好韌
青咖喱軟殼蟹配蒜蓉包($158)
咖喱用熱鍋上所以keep住溫度都係熱烘烘,本身諗住叫薄餅,但驚喜既係蒜蓉包烤得金黃香脆,蒜蓉味香濃,配咖喱食好完美啊個人覺得味道吾算太辣,而軟殼蟹份量都頗多好足料
火山排骨($178)
見個個黎到都叫所以都要試下份量真係超多我諗夠3-4個人share食,餐廳好貼心咁準備左手套俾我地方便撕開黎食,肉質非常軟腍,配上秘製既酸辣汁,但味道都係偏辣,而軟骨部份更加吸收左醬汁既精華好入味
鹽燒鰂魚($138)
鰂魚魚肉軟滑鮮甜,調味適中,味道吾會好鹹,反而好香口而且鮮味好出,雖然已經好飽但都忍吾住食哂成條

參觀日期:2020年7月
感謝 foodielifebobo
該評論乃TripAdvisor會員主觀個人意見,不代表TripAdvisor LLC公司。
發表評論評論 (141)
旅客評分
旅客類型
一年中的時間
語言

5 - 9 則評論(共 145 則)

2020年6月28日的評論

泰菜遍地開花想揾間有驚喜嘅的確好難。呢間餐廳以塗鴉風格作裝修,表達潑水節同當地街道特色。而且菜式主要用嘅8️⃣款醬料都係由廚師自己調配
火山排骨($178)
嚟自拉差達火車夜市嘅名菜,先將2千克重嘅豬脊骨以泰國香料水煮熟,然後疊高成火山形狀豬肋骨炆到軟腍嫩口,肉味香濃。用手撕開關節,吸啜當中大量嘅豬肉,彈牙嘅筋、脆口嘅軟骨同幼滑嘅骨髓再淋上大量泰式酸辣汁,包括有青辣椒、芫茜、蒜頭、蔥等,辣度啱啱好,微酸幾醒胃
火焰燒雞($198)
侍應會即席灑上汾酒,點火燒原隻雞酒精立刻將肉味迫出嚟,香氣四溢,之後會攞入廚房切件。雞皮金黃焦脆,皮下脂肪少。雞肉入口幼嫩,連雞胸都汁液豐盈燒雞預先用泰國香料醃咗一晚,夠哂入味,食落有微微酒香。點埋旁邊嘅泰式南乳汁,甜酸辣鹹味豐富
咖哩三重奏配蒜蓉包粒($198)
青咖喱椰汁比例較高,椰香味濃,微辣容易接受配上炸至金黃嘅炸軟殻蟹,裡面仲有蟹肉同蟹膏可惜浸哂落咖哩度比較淋,如果分開上會比較好。配菜仲有四季豆
黃咖喱味道較熟悉,醬汁香濃稠身 ,薑黃味較重,略帶甜味。配上帶子、青口同魷魚,每款各有兩件,食落鮮甜爽口,完全唔韌。配菜就有薯仔、洋蔥同彩椒,吸汁力十足
紅咖喱相對較甜,完全唔辣,味道有d似喇沙。配上炸至金黃嘅龍脷柳,食落冇雪味同腥味,不過浸得耐發脹冇乜口感仲有2隻基圍蝦,食落鮮味彈牙配菜就有四季豆同菠蘿
蒜蓉包粒烘得外表酥脆,內鬆化軟熟,不過牛油同蒜蓉味偏淡點埋咖喱食超上癮
柚子鮮蝦沙律($88)
柚子鮮甜飽滿,多汁又清甜,好新鮮完全唔會苦澀面頭有4隻鮮蝦粒,咬落爽口彈牙配料仲有櫻花蝦、炸椰絲、炸腰果同炸蒜,以增加口感。醬汁用咗魚露、青檸汁、辣椒等調製,惹味又開胃
清炒雜菜($78)
雜菜包括有芥蘭、椰菜、西蘭花、秀珍菇、紅蘿蔔同粟米芯。食落新鮮爽脆,無渣唔硬,亦唔會炒得過老。調味適中,底下唔會有好多油,只可惜鑊氣唔夠。蔬菜的確可以幫助消滯
椰青($48)
椰青夠哂大個,飲落清甜又有好香濃椰子味。入面嘅椰肉都頗易刮出嚟,口感爽身。啱啱食完d咁濃味同偏辣嘅餸菜,真係消暑解渴
泰式奶茶($28)
茶味相比一般奶茶較淡 ,而且係用煉奶沖調,所以奶香非常獨特。整體口感順滑,但唔算純厚,而且偏甜

參觀日期:2020年6月
    • 划算度
    • 服務
    • 食物
感謝 Quest09595597620
該評論乃TripAdvisor會員主觀個人意見,不代表TripAdvisor LLC公司。
2020年6月28日的評論 透過行動裝置

呢日趁奶綠男返學前去佢學校附近 銅鑼灣既呢間食泰國菜既餐廳嘆個lunch 由於我哋早起身又無食早餐 中午非常有胃口 加上佢哋嘅野食又幾好食 所以不停追加咗野食 全部都食得出係誠意之作

我哋首先叫咗個青芒果香鬆沙律 一份生蝦刺身 同兩杯特飲 個青芒果香鬆沙律幾特別 嚟到嗰陣見到有一大塊炸物起碟上面 店員同我哋介紹 嗰一大塊炸物其實係炸肉鬆嚟

店員仲好貼心咁話個建議食法俾我哋聽 提議我哋可以食個陣逐啲加入另上既酸甜汁 可以食到甜甜酸酸既沙律之除仲保持到炸肉鬆既香脆口感 真係唔錯 食落去幾特別

另外我哋叫既生蝦刺身 一上枱好有仙氣 生蝦刺身起乾冰擴散下顯得格外吸引眼球 條蝦尾好輕鬆就離殼 可見生蝦刺身好夠新鮮 點埋好清香酸甜既汁 好香口爽甜

兩杯特飲都幾好飲 佢叫咗泰式奶茶 話幾好飲 飲飲下仲叫多杯嚟飲 我就叫咗杯乳酸梳打 酸甜醒胃 乳酸味啱啱好 飲落夠凍夠爽

於是我哋追加咗個半打泰式串燒 雞牛豬各2 當中表現最出色係牛個串 食落最惹味 打破咗平時串燒大多數以雞串燒燒得最好既現象 而豬就幾彈牙 雞個串都okay 三款串燒沾一沾香甜既串燒汁 好香花生沙嗲味 幾正

奶綠男仲話不如嚟多條魚 就決定叫多條青檸明爐烏頭 烏頭同粉絲吸收咗湯汁既青檸同魚湯精華 都幾入味 唔錯

最後我哋叫埋做芒果糯米飯share 芒果幾香甜 糯米飯質地幾軟熟 加上椰汁有鹹香同甜甜地 幾好食 之後絕對會再嚟過


參觀日期:2020年6月
感謝 pennywspang
該評論乃TripAdvisor會員主觀個人意見,不代表TripAdvisor LLC公司。
2020年6月21日的評論 透過行動裝置

期待已久既泰菜,食物款色多、質素高、份量大、價錢又合理。
.
⛰️火山排骨️️178
可以用"宏偉"去形容呢個餸,造型真係成座山咁⛰️超巨大,醬汁係青辣椒、芫茜、蒜頭、蔥,味道好有層次感好惹味,仲酸酸辣辣好開胃添。豬肋骨煮到好腍好入味,肉同骨都煮到好易分離好易拆肉,不過食完之後個嘴麻左成個鐘。
.
咖哩三重奏配蒜蓉包粒198
鐵鍋中間分左3part,分別係黃咖哩、紅咖哩同埋青咖哩,裏面嘅海鮮同埋配料多到滿瀉咁滯,仲有個小火爐係下面保温:
黃咖哩又香又甜,裡面有 帶子、脆炸魚柳、薯仔、洋蔥、青椒,我最喜歡食呢個,附送既蒜蓉包粒點哂呢個黃咖哩食。
紅咖哩椰香味濃郁,有 蝦、魷魚、青口、四季豆、波蘿。
青咖哩好香辣,咸味重左少少,裡面有 炸軟殼蟹、四季豆。
.
柚子鮮蝦沙律️88
柚子多汁又清甜,4隻鮮蝦剝左殼,咬落去爽口彈牙,配埋酸辣調味料好開胃消滯。
.
泰式串燒(半打)88
豬、牛、雞
燒得火喉剛好,色擇好靚,豬肉嫩滑可口,但雞肉有少少鞋。
.
椰菜苗(蒜蓉)88
椰菜苗都幾嫩口,啖啖蒜香。
.
芒果糯米飯78
芒果開邊切好上碟,味道好甜唔酸(唔知係咪當做呢),糯米飯辣騰騰,咬落好煙韌,口感一流,配埋甜甜既椰漿食好正。
————————————————
價錢:791
味道:
環境:✨✨✨✨
服務:‍♂️‍♂️‍♂️‍♂️
賣相:
等待:0 mins (7pm)
回頭率:80%
外賣盒$1

參觀日期:2020年6月
感謝 Ashleyyy_H
該評論乃TripAdvisor會員主觀個人意見,不代表TripAdvisor LLC公司。
2020年6月16日的評論 透過行動裝置

放工去銅鑼灣覓食,同朋友想食啲開胃啲嘅泰菜,就揀咗百樂中心人氣嘅泰國菜餐廳 Milu Thai~
-
火山排骨
看起來真係超巨型非常澎湃 建議可戴手套撕下肉絲後 再拌上酸酸辣辣的醬汁一齊食 啖啖肉滋味十足 份量較多 建議3-4人分享哦~
-
青咖喱炸軟殼蟹配蒜蓉包
青咖喱配埋香脆可口暖暖地嘅蒜蓉包真係令人無法抗拒呀~ 特別係蒜蓉包味道好驚喜 青咖喱汁亦好惹味 軟殼蟹份量夠曬足料
-
炸蝦餅
桃子覺得非常值得一試!即叫即炸嘅炸蝦餅 外皮炸得酥脆可口 裡面蝦肉足料彈牙 口感豐富 配埋特製酸辣醬汁味道一流
-
炸春卷
呢間嘅炸物真係好高質 鍾意食炸嘢嘅朋友一定唔可以錯過呀❤️ 炸春卷餡料豐富 外皮同樣夠曬脆口 見到好多臺都有叫呢
-
串燒
叫左雞、牛、豬肉各兩串試試 食得出係即叫即燒嘅 燒得好香口 醬汁亦都好好啊好啊惹味
-
馬拉盞椰菜苗
第一次食椰菜苗 口感唔錯 用馬拉盞炒夠曬泰式風味 份量幾多 大大碟適合多人分享
-
椰青
食辣嘢就當然要叫個椰青解解辣啦!大大個椰青香甜解辣 仲可以挖裡面嘅椰肉食添~
-
泰式奶茶
茶底香濃 味道調配得剛剛好 但個人覺得略甜 建議怕甜嘅朋友可以叫少甜呢
-
呢間餐廳好多菜式都好吸引 尤其係咖喱、炸物等十分出色 今次只試了其中一個推介菜式火山排骨 見到咖喱三重奏同火焰燒雞都好想試 另外店員都好nice 服務幾好 下次再黎試試其他菜式啦

參觀日期:2020年6月
感謝 peachy_sharing
該評論乃TripAdvisor會員主觀個人意見,不代表TripAdvisor LLC公司。

去過Milu Thai Restaurant嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。