我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“好正嘢燒烏頭”

Le Viet (旺角店)
餐廳訂位
香港排名第90 (共 15,151 間餐廳)
卓越獎
價位: US$100 - US$200
更多餐廳詳細資料
餐廳詳細資料
周圍地區: 旺角
描述: 旺角越南餐廳首選 Le Viet 好多時越南菜好似只係食牛肉粉(Pho) Le Viet 就有多款主菜例如海鮮, 燒烤, 海南雞, 特式越南鍋物, 沙律, 炸物等等, 令大家可以享用一頓豐富而美味的越式晚餐 營業至凌晨12:30 (Last Order 11:45pm) 晚一點來都可以食 環境舒適, 座位闊落 位處旺角港鐵站E2出口旁邊就是入口 是旺角越南餐廳首選
3 週前的評論

旺角Le Viet 係食越南菜,香茅燒烏頭好似烤嘢,好大一條,即叫即燒,要等一陣,一上檯香味撲鼻,魚肚裡塞滿了香茅、薑片,味道複雜又獨特!魚肉緊實鮮嫩,魚肉咸香配泰式青辣椒酸汁,好開胃。豬頸肉米紙卷一個個圓卜卜,表面撒些花生碎,米紙薄薄啲晶瑩剔透,口感滑溜,夾埋豬頸肉粉絲生菜,點酸甜汁一起食,入口有香茅味,味道好好。手撕雞撈檬,手撕雞還蠻多,撈檬加埋佢個啲酸甜汁撈埋一齊食覺得幾開胃同幾清爽,鍾意食凍食嘅朋友可以試下。椰汁紅豆冰,椰汁香滑濃厚,紅豆軟糯香甜,好好飲。

參觀日期:2021年2月
感謝 yuanzi0912
該評論乃TripAdvisor會員主觀個人意見,不代表TripAdvisor LLC公司。
發表評論評論 (312)
旅客評分
旅客類型
一年中的時間
語言

8 - 12 則評論(共 312 則)

3 週前的評論

係旺角行街前覓食一番,行經銀行中心有姐姐係門口派傳單,經不住佢既熱情上左一樓食越南菜。

海鮮炒檬粉
材料好豐富,有蝦,蛋,魷魚等等,炒得好乾身,夠曬香噴噴,有鎮氣上滴左啲青檸汁酸酸地好惹味。

豬頸肉撈檬
我同朋友都好中意食檬粉呢樣份量好多呀豬頸肉起碼都有8大片,性價比之王豬頸肉少肥,有燒過既香味;餐廳仲比左 一樽仔靈魂酸辣汁,我全部倒曬落碗,好鬼正參酸甜適中小小辣。

重頭戲一香茅燒烏頭
話說我第一次食燒烏頭,以為會好多骨,但原來係好多肉咖。 魚皮沾左好多鹽去燒,食果陣別開魚皮就見到白雪雪既魚肉,加埋兜越式酸辣醬,超級惹味。 另外兩杯椰汁冰都好重椰味,抵讚。

參觀日期:2021年2月
感謝 yuiccy718
該評論乃TripAdvisor會員主觀個人意見,不代表TripAdvisor LLC公司。
3 週前的評論 透過行動裝置

今日晏晝請左半日假,收工後約左個朋友係旺角食lunch,放假mode決定食好啲啲

我地叫左份香茅燒烏頭,咸魚炒芥蘭(我兩日無食過菜‍♀️)同埋串燒雞牛豬配香辣炒飯套餐(配餐湯同飲品)

餐湯係雞湯,似平時食海南雞飯配果隻湯,清甜唔油膩

以往食泰國菜既烏頭通常都係明爐煮,今次就試下越式煮法燒~
烏頭一上檯就聞到超級香!雖然係燒但就算就咁食唔點汁都唔會乾身,肉質依然嫰滑,點埋酸辣汁食就係另一種風味,更加開胃

咸魚炒芥蘭嫰綠爽脆,芥蘭唔會有澀味,咸魚味好香好濃郁

串燒雞牛豬配香辣炒飯有齊晒三款肉岩晒我呢個三心兩意既人
串燒燒得好靚,每樣一串加埋D飯其實份量都唔少
雞肉好滑,炒飯乾濕度岩岩好,呢隻辣真係幾香唔係一味死辣,非常惹味

期間見到有其他客人叫左個賣相勁靚勁吸睛既蝦,好似好吸引,下次要試下

原來餐廳宜家出左到會,我覺得新年一班人食呢啲仲吸引過盆菜

參觀日期:2021年2月
感謝 vikolau730
該評論乃TripAdvisor會員主觀個人意見,不代表TripAdvisor LLC公司。
4 週前的評論 透過行動裝置

出到旺角要搵下去邊度食午餐「Le Viet」原來都有分店,就揀咗呢間
.
牛油焗大頭蝦上枱已經聞到好香牛油同蒜蓉味食落當然超惹味大頭蝦大隻爽彈蝦膏勁正薯仔同蕃茄浸過牛油汁之後其實都好味,不過就油膩啲
.
原隻大蝦菠蘿炒飯飯炒得夠乾身大蝦新鮮又有好多料菠蘿、蘿蔔雜豆、粟米火腿、肉鬆豐富又飽肚
.
餐湯清得尼唔會好淡,無乜味精味
.
凍咖啡☕️濃香又唔會過甜

參觀日期:2021年2月
感謝 0907kinki
該評論乃TripAdvisor會員主觀個人意見,不代表TripAdvisor LLC公司。
4 週前的評論

呢幾日天氣好似暖返d,可以食返東南亞菜式。今日不如食下越南菜啦,地點係旺角既Le Viet。呢間Le Viet好似黎過兩次,今日趁得閒早d黎食個早晚飯先,順便試下新野。

打開主菜單,見到牛油焗大頭蝦,幾吸引,就試下啦。

牛油焗大頭蝦 $228+10%

菜單寫明係越南虎蝦每隻約一斤重,先炸後加牛油同蒜再煮。唔洗等好耐就有得食,賣相幾靚!原來係一隻虎蝦一開二,上面超多炸蒜蔥粒。下面墊左七舊薯仔同四塊蕃茄片,薯仔明顯炸過,外脆內軟,正!。虎蝦唔算好大隻,但係肉質有d似龍蝦級,好好味既蝦味,個頭仲有膏㖭,用刀叉自己起肉食就得。連殼都可以咬,因為炸得香脆。非常香口既一道菜!

驚食蝦未必好飽,所以叫左個相對heavy既越式咖哩軟殼蟹鍋配法包。

越式咖哩軟殼蟹鍋配法包 $93+10%

一隻軟殼蟹新鮮炸好切左件,非常香脆,肉都有唔少,無論就咁食或者沾咖哩汁食都好好味。咖哩汁用鍋上,唔洗怕越食越凍。咖哩鍋有洋蔥,青椒同紅辣椒,都有d辣,好好味。伴軟殼蟹碟上有五大舊薯仔,同另一碟既伴碟薯仔一樣咁好食!法包一大條,切開左幾個開口,擺係個架度幾靚仔。法包微暖,外脆內軟,沾咖哩食好好味。基本上成個鍋餐d野都好食。$93咁多野食唔算貴。

今次食既呢兩個餸都幾好味。座位舒適,員工服務態度唔錯,隔住大膠板防疫衞生,下次可再黎。

參觀日期:2021年2月
    • 划算度
    • 服務
    • 食物
感謝 PickyCouple616403
該評論乃TripAdvisor會員主觀個人意見,不代表TripAdvisor LLC公司。

查看過Le Viet (旺角店)的旅客也查看過

 

去過Le Viet (旺角店)嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。