我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“3小時。。任飲任食火鍋放題啊啊啊❤️”

八幡屋涮涮鍋
訂位
訂位
Eatigo
香港排名第2,016 (共 13,989 間餐廳)
周圍地區: 旺角
餐廳詳細資料
周圍地區: 旺角
4 週前的評論 透過行動裝置

3 hours All You Can Eat + Shabushabu
.
.
一間涮涮鍋套餐,有齊任食放題+火鍋,真係岩晒香港人口味。呢日出左旺角,晚餐突然火鍋癮起,一search之下,發現呢間日式火鍋料理店,位於樓上舖都咁多人食,質素應該不差吧,充冒險精神既吃貨既我 當然要去試試。
.
一坐底,店員‍♂️ 已經送上一盤刺身拼盤 (三文魚、希靈魚、牡丹蝦、玻璃蝦、帶子、螺肉) & 海鮮拼盤(鮑魚、魷魚、鮮蝦、大蜆、蟶子、扇貝、青口) ,仲有一碟牛,超級豐富,效率真係好快呢。
.
湯底種類都好多,今次食清一點,試左冬瓜薏米湯底,滿有冬瓜香既清湯底,估唔到都唔錯喔,可以先喝一口湯甜。而且海鮮、肉類,仲可以不斷再落單encore,出面自助區域 食材亦不段refill。仲有壽司、熟食可以自己夾。燒物 天婦羅 同樣可以任食,真係一個價錢任你吃飽飽。
.
最後最後,雪糕都好多選擇,有杯裝 亦有雪條裝。榴槤雪條、香芋椰子雪條,都係我既favor,好好味 好香濃 又重奶味。
.
.
仲比我發現 而家餐廳仲做緊優惠啊啊啊
星期一至四 $368/位
星期五至日 $388/位
.
19:00前離座 或者21:00後入座,會有買一送一和牛餐 (需收正價加一服務費)。仲唔快d 約埋朋友一齊食,來個瘋狂吃火鍋。
.
.
×××[八幡屋涮涮鍋 -Yahataya Shabu Shabu]×××
©旺角彌敦道628號瓊華中心12樓
.
.

參觀日期:2020年7月
感謝 Wincyholic
該評論乃TripAdvisor會員主觀個人意見,不代表TripAdvisor LLC公司。
發表評論評論 (26)
旅客評分
旅客類型
一年中的時間
語言

1 - 5 則評論(共 26 則)

2020年3月30日的評論

好耐無食過火鍋,趁天氣未轉熱,同老公兩口子去打番次邊爐。

選擇這間「八幡屋涮涮鍋」是因為餐廳做緊優惠,惠顧 3 小時「刺身.海鮮火鍋の盛宴」放題,19:30 前離座或 21:00 後入座,第二位半價,覺得幾抵食,所以專登嚟試下。

吃火鍋的首個任務當然是挑選湯底,餐廳總共提供 9 款湯鍋,當中包括有骨膠原豬骨湯、昆布清湯、壽喜燒、沙嗲湯、冬瓜薏米湯………等等,選擇非常豐富。

點完湯底之後,店員就會先上第一輪刺身同海鮮拼盤,之後可以自己再落單。極上刺身類選擇都幾多,有成 13 款,而且整體水準都唔錯,新鮮得嚟又夠肥美,尤其是係大赤蝦,蝦身好似手掌咁長,蝦肉呈半透明,肉質爽口彈牙。另外三文魚亦切得厚薄適中,入口魚脂豐腴,味道亦不賴。

海鮮拼盤有帆立貝、海蝦、蜆、象拔蚌、日本魷魚同貴妃蚌。幾款當中,個人最滿意就是海蝦,肉質夠曬彈牙,入口爽脆鮮甜,屬 encore 之選。另外象拔蚌和魷魚亦值得一試,前者肉質鮮甜緊緻;而魷魚食落亦煙韌彈牙。

肉類方面,餐廳會為每檯食客送一上碟極上 M5 和牛,另外就仲有牛肩胛、美國肥牛、黑豚片同豬腩肉片可供任食。和牛上桌時已切成薄片,色澤紅潤,輕涮幾秒至七成熟即可享用,質地相當鮮嫩,有牛味又夠肉汁。豚肉水準亦唔錯,肉質非常鬆化,食落一啲都唔韌。

另外餐廳亦有不少揚物和燒物,例如蕃薯天婦羅、金菇天婦羅、炸香芋丸、鹽燒虎蝦、蒜香雞中翼、汁燒菇牛肉等等提供,全部都可以透過 apps 自行點選。雞翼 size 雖然不大,但燒得香濃惹味,加上雞肉裡面還有肉汁,食味一流。

至於其他火鍋配料,例如丸類、蔬菜、菇菌類;另外熟食、壽司、飲品、甜品及雪糕等,就全部都係以自助形式供應,客人可因應自己嘅食量同喜好,外出拿取。明月冰卷內裡是紅豆,而外層則以糯米包住,食落頗煙韌,紅豆亦很清香,而且又不會很甜,凍凍地,幾好味,食完真係好滿足!

參觀日期:2020年3月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2019年11月8日的評論

周日到旺角,買運動手套。
購物前,先來個午餐。
在路邊收到這火鍋店傳單。
細看之下,價格合理,所以我倆就到此午餐。 
時間尚早,店內客人不多。
職員安排我倆於卡位就座,
點選鍋底後,兒子就衝去看自助吧的燒物炸物和汽水!
    
其實自助區現成的熟食都適合大人細路。
雪糕,燒三文魚頭,蘿蔔牛腩,炒烏冬,咕嚕肉,天婦羅,燒雞翼,燒粟米,金菇肥牛卷,多春魚,香芋丸,餃子棒,炸饅頭,就連碗仔翅也有供應!
即是單單選擇最便宜組合HKD 78也十分超值。
不過,兒子要食火鍋! 

壽喜鍋  
兒子喜歡偏甜口味的壽喜鍋,
真身:湯底很清,感覺較健康。
要一粒雞蛋,用作沾火鍋料之用。    

刺身拼盤 
牡丹蝦,帶子,甘蝦,三文魚等等,款式真多。   
火鍋用的海鮮拼盤   
魷魚,蝦,扇貝,鮑魚,田螺。
還有不同的火鍋料,款式雖然不多,都集中在大路的食材! 

南瓜 鮮菇 粟米 油麥菜    
個人喜歡食牛肉時加配南瓜。
而鮮菇大大件,十分吸引。 
自助區有三款青菜,當中油麥菜的纖維最強硬。
為了幫助消化,特別夾取大量油麥菜。 

這几款食物放在鍋裡,都會浮在水面,可以慢煮,還有其他用途~烚肉。  
任點肉類有美國肥牛和美國黑豚片。  
由於自己久久没有嚐過豬肉,所以覺得豬肉比肥牛更美味。  
然後再來几碟油麥菜,有助排毒,達至飲食均衡。  

完成美味的火鍋後,要向運動店出發了! ! 

參觀日期:2019年10月
    • 划算度
    • 服務
    • 食物
感謝 Riceoldlady
該評論乃TripAdvisor會員主觀個人意見,不代表TripAdvisor LLC公司。
2019年9月1日的評論 透過行動裝置

餐廳:八幡屋涮涮鍋 (旺角)
地址:旺角彌敦道628號瓊華中心12樓

八幡屋係一間日本刺身、海鮮、火鍋、半自助餐形式嘅自助放題餐廳,星期六約左牧師傾有關信仰方面嘅野,咁岩大家都係鍾意食,所以就搵左呢間可以食3個鐘嘅八幡屋涮涮鍋餐廳,由於係星期五至日,成人嘅收費係$288+10%,即每人$317,呢個價錢對於午餐放題黎講好似有啲貴,不過睇下啲食物水準點先

入咗餐廳,職員就叫我地先揀湯底,有六個免費湯底同三個加錢湯底,我同牧師都鍾意食辣野所以就叫咗個辛辣泡菜湯

未坐到埋位,我哋已經周圍去望睇下有啲咩嘢食,炸物、丸類、蔬菜菇類、壽司、甜品,都超過六十款,埋到位職員仲同我地講原來可以scan QR code再係上面點海鮮、肉類、刺身等食物同清酒梅酒,飲品亦接近有三十款,都算唔少

坐低無耐,寬敞嘅餐廳再加上日式音樂同擺設令人感覺到好似去咗日本悠閒嘅環境到咁,最近嘅煩惱同壓力都好似頓時拋開,再加上同牧師傾到一啲信仰同價值觀嘅問題,邊食住野邊傾偈真係一種高尚嘅享受

美國牛肉同牛肩胛切片形狀大小均等,憑大廚將牛肉切片嘅功架已經知道喺度食放題價錢相對較貴嘅原因,的確係睇得出嘅,淥大約30至40秒就變色食得,牛肉入口即溶,牛肉味香濃無比,牛肩胛相對有勁道較爽口,牛肉味一樣濃厚

值得一讚嘅係呢度嘅炸物,蒜香雞翼同炸饅頭都非常好味,雖然炸物放喺Bar枱任客人自己去拎,但係放咗一段時間都無變質,雞翼皮薄香脆,蒜香隨着每咬一啖就滲透出嚟;炸饅頭炸得外層脆而內裡鬆軟,蘸上煉奶更帶出甜香,絕對係炸饅頭嘅絕配

每人比$317,買嘅唔單只係食物嘅質素,更多嘅係食物嘅環境同舒適嘅享受,若然你俾一個平啲嘅價錢但係去到一個好嘈吵又唔自在嘅地方,你會選擇前者定係寧願俾貴少少價錢去一個自己鍾意同舒服嘅地方?我就選擇後者喇

參觀日期:2019年9月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2019年9月1日的評論 透過行動裝置

|| 火鍋放題二合一 ||

▪️ 刺身 · 海鮮火鍋之盛宴 · 放題(三小時)268
·
有多款既精選湯底,我地要左鴛鴦湯底+$20/鍋,鍋比較厚身既關係,等待滾沸都成半個鐘需時略長,不過食三個鐘對進食較快既我就綽綽有餘,否則建議揀單鍋骨膠原豬骨湯既味道較清淡,+$20/位既蕃茄龍蝦湯會更好,蕃茄略酸,入面亦真係有開左半邊既龍蝦頭,連住有少少龍蝦肉咁
·
無限追加系列 - 嚴選海鮮類
蜆、扇貝、蟶子:乾淨無咩沙既,亦都有咬口
海蝦:肉質尚算爽口,不過不失
象拔蚌:細細片會再縮
日本廣島蠔:無咩腥味,但唔好放太耐會韌
墨魚滑:一份係一粒,不過稍微粉,唔係好夠彈牙
·
限量系列 - 極上刺身類
泰式虎蝦刺身:兩位或以上送
海膽半板:四位或以上送(提前預訂)
海膽一板:六位或以上送(提前預訂)
·
無限追加系列 - 極上刺身類
三文魚:肥美無筋
珍寶帶子、大赤蝦、甜蝦、吞拿魚、劍魚腩、鮑片
☹️希靈魚
·
限量系列 - 頂級肉類
極上M5和牛:肉質柔軟,牛味香濃,可惜無得再追加
.
無限追加系列 - 頂級肉類
美國牛肉、美國牛肩胛:切為薄片,完全唔會韌,牛肉會比較肥美,牛肩胛肥瘦相對均勻一點
美國黑豚肉、美國豬腩片:同樣係薄身,無韌身或者嚡口,淺色一點既黑豚肉豬味幾突出
·
自助Bar任飲任食 - 不斷Refill唔同款式
手握壽司Bar:見到有三文魚、玉子壽司等,留肚無食
即燒串燒Bar:燒菠蘿,暖笠笠,本身已經幾甜,再加上焦糖面再燒,甜上加甜正其餘既就一般般,鹽燒蝦麻麻地,海蝦會比較新鮮,燒牛肉串、燒多春魚、燒雞翼串偏乾同鹹,香芋丸個皮軟糯得黎帶點煙韌,仲有餃子棒等
即炸天婦羅/炸物Bar:粟米、秋葵、蕃薯仔、當中既南瓜天婦羅最好食,外脆內軟甜甜地
自助Buffet Bar:有一盤盤既熟食
自助蔬菜Bar:金菇菜、娃娃菜、唐生菜等等
自助配料Bar:丸類有龍蝦沙律丸,中間真係有流心沙律醬、龍蝦丸、炸魚蛋、白魚蛋、芝士腸、芋絲、豬紅,麵類有烏冬、出前一丁等
自助飲品Bar:款式多不勝數,清酒、梅酒、啤酒都有嘉士伯、Asahi、Somersby Sparkling Rose,仲有韓國、台灣、本地既汽水或者茶飲品牌
自助甜品Bar:水果粒杯、切件蛋糕、雪糕有韓國蜜瓜雪條、雀巢、其他少見既本地品牌都唔錯,玄米茶幾香濃,綠茶有少少黏性感覺似Gelato
·
整體評分(7/10)

八幡屋涮涮鍋 (旺角)
地址:旺角彌敦道628號瓊華中心12樓全層 (旺角站E2出口)
營業時間:
星期一至日 12:00-00:00
#FoodieTWY旺角
#FoodieTWY香港
.
#hkig #hkfoodie #foodie #foodblogger #foodporn #foodlover #foodaholic #foodpics #foodstagram #instafood #topcitybiteshk #topcitybites #uhkfood #ufoodphoto #presslogicholiday #香港美食 #吃貨 #相機食先 #一路食一路post

參觀日期:2019年9月
感謝 foodietwy
該評論乃TripAdvisor會員主觀個人意見,不代表TripAdvisor LLC公司。

去過八幡屋涮涮鍋嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。