疫情困擾全世界已有一年，除了無得旅行，和家人的聚會亦少了，今天晚上終於約了兩個妹一同前往人流較少的戲曲中心內一間酒樓「滿樂中菜」用膳。戲曲中心落成一年有多，外型頗為吸引，能在此充滿文化與藝術色彩的建築物內一間食肆享用晚餐，都頗有意思。
店內佈置新簇亮麗，別具特色，侍應殷勤招待，看過餐牌，點了幾款特式小菜。
避風塘炒鱔球 - 通常白鱔都以豉汁蒸，今次將白鱔起骨後將鱔片花，用大量蒜蓉、辣椒、蔥粒，以避風塘炒蟹之方法將鱔片爆炒，上枱時香氣撲鼻，鱔球入口外脆內軟，很有鑊氣。
香橙骨 - 師傅將豬肋骨切條，加入醃料，薄薄地撲上生粉，以半煎炸方式煎至金黃色，加入醬汁與橙汁炆上一段時間，豬肋骨鬆軟，滲透橙的香味，相當滋味。
椒鹽九肚魚 - 新鮮九肚魚經去骨後炸至金黃，撒上椒鹽，非常冶味，入口鬆脆。
豉油皇炒麵 - 用金菇瑤柱和銀牙做配料的豉油皇炒麵，豉油沾上每一條麵條，味道不太咸又不肥膩，簡單樸實。

早前和朋友去戲曲中心一間酒樓飲茶，點心不錯，今晚和友人特意來此店晚飯，可能是閒日，人流不多，找位相當容易。店舖環境舒適，座位濶落，侍應殷勤招待，是閒談聚餐的好地方。
我們隨意點幾款菜式：
椒鹽九肚魚 - 這道菜看似簡單，但要炸得香脆好味，殊不簡單，師傅揀選新鮮的6至8吋九肚魚，起骨後，塗上薄薄的粉醬，用溫火炸至七成熟再用大火炸一分鐘，魚肉的油逼出來，外脆內軟，入口即溶，用來佐酒，最好不過。
香橙排骨 - 用了上乘的豬肋排，
醃製入味，香燈汁甜度適中。
避風塘炒鱔球 - 避風塘炒蟹吃得多，今次吃的是白鱔，其實避風塘的精髓在於蒜蓉的獨特風味，蒜蓉被炒過之後，幻化出特別的口感，甘口焦香，當然白鱔的肥美與師傅的功架，確實配合得恰到好處。

第一次去戲曲中心，外型設計特別，有美感，，原來裏面也有食肆。滿樂中菜，環境舒適寬敞，是疫情下唔錯嘅選擇。

避風塘炒鱔球（$228）
鱔球炸到金黃鬆脆，咗花炸起成波波型，大大粒。以為叫得避風塘炒會好辣，誰知比想像中冇咁辣，連我吾食辣嘅都可以接受到。平時甚少食避風塘炒，原來係咁惹味，好啱配埋啤酒一齊飲。

和味香橙骨（$138）
排骨肉多肥少，沾上香橙味醬汁一齊食份外醒胃，又可解去油炸的肥膩感。

椒鹽九肚魚（$108）
平時食椒鹽九肚魚係一條條，細細條；今次食係一塊塊，大大塊，肉質嫩滑，入口即溶。

金瑤豉油王炒麵（$138）
勁大碟的一碟炒麵，麵條幼細但幾爽口，有鑊氣，只用簡單的配菜來炒已經覺得好好味，廚師的功夫可見一斑。

黑白千層咖啡糕（$32）
層次分明，凍食，不黏口，而且不太甜，多食一件也不覺膩。

肉餅蒸蟹圈完全係今日既主角❤️，膏蟹放喺肉餅上面蒸，一路蒸啲蟹汁一路流落去下面既肉餅道，令肉餅完全吸哂蟹既鮮味。橙黃色既蟹膏蒸得非常靚仔，質感半軟半硬，味道甘濃，配埋濃濃蟹肉香既肉餅真係幾碗白飯都唔夠！侍應既服務都好好，基本上茶杯一空就會過黎斟茶，成餐飯我同媽咪都食得好滿足，可惜眼闊肚窄，試唔到其他招牌菜，下次要叫埋啲親戚過黎一齊試✨！

早前曾在報章上看到有關位於戲曲中心的滿樂中菜的介紹，於是星期天便和家人來到此午膳。就座後先點了些點心，包括腸粉、燒賣及棉花雞等。味道沒有太大驚喜，尚算足料。聽說這裏的片皮鴨十分有名，於是便點了一隻，可惜質素實在太令人失望了。經過約半小時的等待，職員終於把原隻鴨端上。待我們拍過照後，職員便即席片鴨。但相信該職員應該是新手，把鴨片得像叉燒般大件，令片皮鴨的風味完全失去。後來換了另一位職員情況才略有改善。而此價錢($680全隻)來說，相信市面上絕對有更好的選擇。