我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“牛肉超水準”

湯煲私房火鍋
香港排名第4,139 (共 14,131 間餐廳)
餐廳詳細資料
3 週前的評論 透過行動裝置

朋友介紹的湯煲私房火鍋是樓上店,位於上環地鐵站附近,地點容易找。食物質素如何,現在去試試。
點菜方式是自己畫紙仔的,打邊爐牛肉最重要,所以立即點了一份頂級本地手切牛,湯底就點了沙嗲煲,覺得沙嗲及牛肉是很相襯的。另外點了日本白金豚肉,雙拼丸豬肉丸及墨魚丸,唐生菜,粟米,黑豚餃及生啤。看餐牌時發覺這裏有很多清酒的選擇,留待下次再點。
坐下時枱面上的餐具是用保鮮紙蓋著的,提防有微塵,細心
第一道上枱的當然是生啤啦,夠凍好飲。
另外就是醬料盤裏包含打邊爐一般都會提供的醬料,但另外老闆特別介紹一款蝦皇醬,他細心介紹當中包含蝦膏蝦頭蝦子及蝦米,師傅慢慢炒香加點些微辣椒,辣的感覺不搶喉。後來發覺用來點墨魚丸及白金豚肉是最夾的。
沙嗲煲上枱時聞到淡淡的沙嗲香,喝一啖甜味甘香順口不過鹹
起筷時當然立即就要試手切牛啦,牛肉的顏色鮮紅,油脂分佈平均,睇見就想食。初頭諗住油脂分佈咁靚,牛肉一定好焾,但就會冇乜牛味,但呢碟牛就做到焾身之餘,又有牛味,各樣野都好平均,超高水準。原來同老闆交談開知道這品種叫騸牯牛,是用中國黃牛及日本和牛混種的,從山東來貨,每天只有20隻。我們點的部份是牛頸脊更是整隻牛的稀有部位,以這個價錢來說非常合理。單單食牛已經非常滿足
另外的白金豚肉非常爽口,雙拼丸是師傅即時手打的,食得出彈牙口感。
但另外最有驚喜的是黑豚餃,餃子的餡料有味噌日本大根及黑豚肉,大根是切絲的,有點像蘿蔔糕的口感卻很爽口,味噌的提鮮味非常出眾,餃子亦是order後師傅即場炮製的,新鮮度十足整體來說餐廳位於樓上沒有華麗裝修,擺明車馬就是將重點放在食物質素上,當然食物質素毋庸置疑,完全沒有失望,值得一再光顧

參觀日期:2020年9月
感謝 JoeSio0408
該評論乃TripAdvisor會員主觀個人意見,不代表TripAdvisor LLC公司。
發表評論評論 (7)
旅客評分
旅客類型
一年中的時間
語言

1 - 5 則評論(共 7 則)

2020年1月18日的評論 透過行動裝置

今日同朋友去上環打邊爐,佢試過話呢間啲食材好新鮮,於是試下,去到好像間私房菜格局,坐位寬敞,又有間格位同大電視,自成一角。

先來調味料,聽店員講是自家製的醬料,有XO醬,沙爹醬,生蒜炸蒜,芫茜同蔥等等。
我們叫咗鴛鴦湯底$158,一邊係雜菜豆腐白湯一邊係麻辣湯底,雜菜好多,有芥蘭同白菜仔等,豆腐又超滑,

餸料先來半份蘇格蘭安格斯肥牛$188,雪花紋好均勻,淥一淥就食得,入口好香油香味,牛味也好濃,油脂份量剛好,肉質超軟淋,放清湯及麻辣湯底都好夾。
再叫了個自家製蝦丸$108,用新鮮大蝦製成,食落好彈牙,仲好有鮮味。
再叫了特別菜色,雙餅餃$108,有味豚大根黑豚餃,好多汁,肉味香濃,
另一半係水晶叉燒包,皮薄,餡料足料,叉燒冇肥膏,但肉質依然好淋,醬汁唔會太咸,好入味。食得出大廚心機點心。

麻辣湯底好惹味,越食越‘麻,越辣,但唔會搶喉,好正,湯底果然係呢度的推介,真材實料。

參觀日期:2019年11月
感謝 Winnie0515
該評論乃TripAdvisor會員主觀個人意見,不代表TripAdvisor LLC公司。
2019年5月27日的評論 透過行動裝置

呢間餐廳就係巴士站對面,勁方便。 我地4個人叫左兩個煲 因為有人食辣又有人想食清d. 其實4個人叫一個煲都得,不過可以試多d野何樂而不為?

椰子雞煲

啖啖椰子肉加陣陣椰香,一入餐廳就聞到。好好飲好清甜。仲有半隻雞,雞仲有青檸同特製沙薑。 誠意十足。

麻辣鍋和莞茜皮蛋煲

麻辣調得好惹味,食魷魚同肉類一流。食菜呢的就鍾意落入椰子煲度,因為麻辣愈食愈辣呀。

莞茜煲我朋友至愛,莞茜只用中間最靚果部係,亦係最香既。

手必靚牛肉片
呢個必點,連唔鍾意食牛既朋友都話新鮮好味。

魚腩
呢個魚腩勁新鮮,魚油好肥美。落莞茜或椰子煲更正。

雙拼 豬肉丸 鯪魚肉丸
一次過食哂兩種丸,全手打 ,好彈牙好香。

羊肉片
又係必點。因為脆卜卜,入口即溶

牛肉餃
因為d牛肉勁靚 所以特登加左份牛肉餃。好有新鮮感。可以再試。

水餃雲吞
好味,皮薄餡靚。好味。

水魷魚
亦是很新鮮,很爽口

餐廳好舒適,至岩傾計。

參觀日期:2019年5月
感謝 Fearless817857
該評論乃TripAdvisor會員主觀個人意見,不代表TripAdvisor LLC公司。
2019年5月27日的評論

就到母親節,提早同媽咪慶祝。問左同事話上環新開左間私房火鍋店好正所以就黎帶媽咪食。

因為早早到左,唔係話咁多人。
空間都算幾大,都算寬敞,以米白色做主調。
呢到既配料係即叫即整,製作需時,但又唔會得好耐。

叫左個鴛鴦湯底: 四川麻辣 + 什菜豆腐白湯,四川麻辣既麻辣好香花椒八角味既白而且夠辣,就好比譚仔小辣既程度。
美中不足既係冇得選擇麻辣既程度。而什菜豆腐白湯有好香濃既黃豆味,豆腐同菜同落足,好清新既感覺。

醬料費每位30,店員話一定要食其中一隻既秘製醬料,裏面有d蟹膏同蝦,小小辣,但好惹味。

鳳城水餃 $88: 一份有6隻,粒粒都脤扑扑,好爽口既水餃呀!皮薄餡靚,入面仲有好足料既蝦呀!
蔬菜拼盤 $108: 油麥菜同娃娃菜好爽口,食到爽爽聲,食得出好新鮮! 仲有菜心同蘿蔔。

什菌拼盤 $108: 冬菇都切花紋係幾細心,仲有高質既杏鲍菇,金針菇,好新鮮,可以中和一下,好似食落健康D冇咁HEAVY。

頂級本地手切牛 $ 398 (半份): 望落賣相真係唔錯,的確好重牛味,但比較硬好有咬口,肉質不俗。

總括來講,食物質素確係唔錯係一間不過不失私房火鍋店。

參觀日期:2019年5月
    • 划算度
    • 服務
    • 食物
感謝 SANDRAFUNG
該評論乃TripAdvisor會員主觀個人意見,不代表TripAdvisor LLC公司。
2019年5月26日的評論 透過行動裝置

這家主打精品火鍋的店由湯底到食材都十分有水準,價錢雖屬中上,但絕對物有所值,火鍋愛好者絕對要來嘗一嘗!

湯底方面有九款老火湯煲可以選擇,我們點了黑蒜姫松茸脊骨煲。待湯底滾起,再煲多五分鐘就可以先喝一碗濃郁鮮美的老火湯才開始打邊爐。

這裡的火鍋配料高質得很,這碟雙拼自家製墨魚丸和蝦丸都是真材實料,每顆都吃到墨魚塊和粒粒蝦肉!

一片片厚切的日本白金豚腩肉脂肪香和肉香兼備,口感很好。

蘇格蘭安格斯肥牛和紐西蘭頂級雪花羊肉片賣相極佳,肥瘦適中,有漂亮的雪花紋!肥牛牛味濃郁,輕輕一涮就可以吃了。

肥美碩大的廣島蠔本身都鮮味十足,不用沾醬已經很美味了,吃起來也 creamy 的。

這裡的餃子很多特別的款式,所以也點了雙拼味噌大根黑豚肉餃和水晶叉燒包多試一點。味噌大根黑豚肉餃Juicy 甜美,必點!水晶叉燒包特製的水晶皮不會在火鍋內破掉,口感QQ的很特別。

香脆的即炸魚皮不論是淨吃或是浸一下湯也很惹味。

豬潤整碟滿滿的一盤份量十足,每塊都色澤紅潤,很新鮮爽滑!

我吃火鍋必點白蘿蔔,放入湯內煮至軟身,可以將湯底都吸收滿,味道非常清甜。

最後來一客菠菜麵,賣相漂亮。菠菜麵過了冷河,再放入火鍋內涮一涮就可以享用了,根根分明而且有咬口。

參觀日期:2019年5月
感謝 foodiegor
該評論乃TripAdvisor會員主觀個人意見,不代表TripAdvisor LLC公司。

去過湯煲私房火鍋嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。