我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“自助鐵板燒”
牛極的評論

牛極
香港排名第4,088 (共 13,784 間餐廳)
周圍地區: 旺角
餐廳詳細資料
周圍地區: 旺角
3 週前的評論 透過行動裝置

位於旺角通菜街78號地舖的牛極 (Gyuugoku Stone Grill Steak),主打自助鐵板燒。和朋友在佐敦分店吃過一次,性價比十分高,今次再和朋友來㕵角分店試試。

昨天大約晚上八時多來用膳,餐廳爆滿,要在門口等候約五分鐘。餐廳的通道不算太闊,但和前後餐桌的距離則充足而舒適。

之後,在門口的自動販賣機下單及付款,在等候鐵板牛肉上桌時,可以先去自助吧拿取沙律、餐湯和白飯。只要點一客燒牛肉,就可以隨便享用沙律、餐湯和白飯。所以,當晚觀察到有不少男士也來用餐。

200G 牛柳 (Tenderloin) 上桌了。剛剛來到時牛柳約為一成熟,可以把牛肉切成小件,再按個人喜好把牛肉粒燒成相應熟度。

牛柳肉質滑嫩Juicy,味道相當不錯。而且200克牛肉相當足料,伴飯吃相當滋味。為免牛肉燒得過火而影響味道,可以額外拿取一個空的小碗子,把燒好的牛肉放進去。

朋友則選了相當抵食的 180克牛肩排 (Top Blade Muscle),80元便可吃到一客。牛肩排的肉質十分爽口,和牛柳的口感截然不同。這款牛肩排也不宜燒得過熟,否則會變得較為乾身,影響口感。

自助吧上擺了多款醬汁,個人最愛吃自家製燒肉汁,能令牛肉的味道更加鮮甜。

吃了幾件牛肉,再吃一口菜絲沙律,能平衡一口油膩感。個人愛吃偏乾身的米飯,這點的白飯則相當對胃口。

參觀日期:2020年4月
1  感謝 Letsgocrazyjanet
該評論乃TripAdvisor會員主觀個人意見,不代表TripAdvisor LLC公司。
發表評論評論 (6)
旅客評分
旅客類型
一年中的時間
語言

2 - 6 則評論(共 6 則)

2019年8月27日的評論 透過行動裝置

某晚睇電視見到大台某節目介紹石板牛扒,睇黎呢樣已經成為下一波熱潮,我又點會執輸呢,梗係快快去試啦!

睇完節目即上網search下邊間有得食,就搵到牛極,地點都好方便,在旺角市中心,好易搵到。

我同朋友一齊去,分別點左牛肩肉同牛柳,基本上180g都已經好大塊,好構成。呢間好在仲有白飯任裝,羅宋牛湯任飲,同沙律任食,呢三樣都係自助形式,非常方便。羅宋牛展湯真材實料,裏面有大量紅蘿蔔、白蘿蔔、洋蔥、同大大嚿嘅牛展,味道鮮美,非常好飲。
沙律都好新鮮,仲有兩種醬汁俾你揀,分別係柚子醋同芝麻醬汁,兩種都好味。

當我地仲飲緊湯時,牛肉就上枱啦,一上枱已經聽到沙沙聲,係熱石燒緊牛扒嘅聲音啊!咁我哋馬上切開牛扒,等佢慢慢燒啦!呢度嘅熱石唔會非常非常熱,會足夠你太牛扒煎至五至七成熟,如果想再熟啲就可以叫店員換熱石。

牛肩肉嘅肉質非常林,好容易切開,更容易咬開,完全冇牛筋,好林好味道。牛柳相比牛肩肉肉質冇咁林,但就比牛肩肉更有牛味,啱晒我都喜歡重牛味嘅朋友。兩款肉各有千秋,但就一樣咁好味。

結果我喺度食咗兩碗飯、兩碗湯、一塊牛扒、一碗沙律,說好的減肥呢?

參觀日期:2019年8月
感謝 797abbyl
該評論乃TripAdvisor會員主觀個人意見,不代表TripAdvisor LLC公司。
2019年7月9日的評論 透過行動裝置

餐廳:牛極 (旺角)
地址:旺角通菜街78號地舖

相信食牛肉係唔少人嘅至愛,尤其對一班牛魔王或者食肉獸黎講更加係愛不釋手,牛極喺香港有三間分店,而旺角呢間分店啱啱開咗唔夠幾個月,未入到門口就已經比呢間餐廳吸引左入去,因為原來揀好牛肉之後,白飯、牛肉湯同埋沙律都係任食,非常抵

一入到門口就有一部自動販賣機可以選擇自己嘅食物同飲品,有多款牛肉選擇,肉眼、牛肋骨、西冷、牛柳、和牛,而且可以按照自己嘅食量去選擇牛肉嘅大小。比錢之後大廚就會開始準備將牛肉燒至一成熟,然後再放喺高溫至300度嘅石板上就會上枱,比客人自己燒,可以按個人喜好決定燒幾耐同燒到幾成熟

西冷200g $130
喺芸芸牛肉種類入面,我就揀咗肉質最為上乘嘅西冷,西冷上枱嘅時候仲會有一張隔油紙遮住,以防油份彈晒落去食客身上,好細心

200g西冷都幾大舊,而且無任何嘅骨頭,只係得肉,絕對唔會呃秤

西冷肉質豐厚,肉汁不停經熱石燒過後流出黎,脂肪同筋嘅比例唔多,真係可以話係啖啖肉,除咗有自家製嘅燒汁、黃芥末同辛味汁可以蘸之外,亦都可以選擇加放黑胡椒或者喜馬拉雅山海鹽,甚至乎就咁食都得,保持牛肉原汁原味,一啖啖牛肉放入口真係好滿足

參觀日期:2019年7月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2019年6月24日的評論 透過行動裝置

是日到旺角辦証,攪掂灑d野就打算和媽媽食個lunch 先回家,剛巧在附近見到呢間近期人氣高企既自助日式石燒牛店就入去見識下!見價錢唔貴就坐低一嚐日式燒牛!自動販賣機都幾易操作幾新奇好似去左日本咁!

花多眼亂,原來menu都幾多款牛既部位揀既!我們選了牛肩肉眼180g $80 及牛柳 200g $120!店舖都幾細心既呢個石燒都有教學既,跟住d steps一定唔會錯呢 order好食物,就去拎下自助沙律、飯、湯及檸水眼見佢地 refill 沙律、熱湯且水水都幾密,服務唔錯

牛肩肉眼 180g $80
都幾大塊同厚身,根據石燒教學,他們盛出來只有一成熟的我們要自行切件在石上燒到五至六成熟食用,牛肉上面都會放有蒜片增加香味,而抬上放有黑椒及岩鹽調味的!牛肩肉好有牛油香,估計燒到五成熟倒,我們巳急不及待食了肉質嫩無根而且啖啖肉又腍身,肉眼比牛柳肉質結實一點的好食

牛柳 200g $120
牛柳的質質較腍身,只簡單用了黑椒調味巳經好出牛味!個人較喜歡牛柳的質感同味道,而且牛柳肉很juicy又比較容易燒蒜香+岩鹽+黑椒簡簡單單就很好食 GOOD!!

以平民價錢食到呢個質素,真的很不錯喔!一定會再去食呢

參觀日期:2019年6月
感謝 Bobolace
該評論乃TripAdvisor會員主觀個人意見,不代表TripAdvisor LLC公司。
2019年6月22日的評論 透過行動裝置

最近流行吃熱石牛扒,所以搵吓邊度有。
旺角牛極喺女人街,落單要喺門口自助售買機買飛,牛扒有唔同份量,湯飯沙律自己拎。
唔錯嘅一間餐廳

參觀日期:2019年4月
感謝 Yvonne1616
該評論乃TripAdvisor會員主觀個人意見,不代表TripAdvisor LLC公司。

去過牛極嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。
*TripAdvisor LLC 並非預訂代理商,而且不會向本網站使用者收取任何服務費用…
TripAdvisor LLC 對外部網站內容概不負責。 優惠方案價格不含稅金與其他費用。