我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“工廈的優質西餐”
Fab kitchen的評論

Fab kitchen
餐廳訂位
香港排名第1,801 (共 15,259 間餐廳)
周圍地區: 深水埗區
餐廳詳細資料
周圍地區: 深水埗區
2020年11月20日的評論 透過行動裝置

與朋友去咗呢間位於工廈嘅西餐廳,餐廳環境簡潔,感覺舒適佢哋嘅Dinner Set分咗3個價錢,食量唔大嘅我哋就點咗2個「3 Courses」($338)Dinner Set:

(A) 是日精選餐湯
餐湯係忌廉蘑菇湯,蘑菇味幾香濃,質感比較稠身,每一啖湯都夾雜咗粒粒蘑菇,飲得出係餐廳自家製,足料又有口感而兩款麵包都溫熱又軟熟,配湯一齊食好perfect

(B) 蘆筍孜然粉藜麥
藜麥本身有咬口,用孜然粉輕輕調味,配同酸青瓜、蕃茄及蘆筍,味道清得嚟帶少少酸,作為開胃菜都幾適合

(C) 慢煮龍蝦配荷蘭汁茴香泡沫
賣相精緻,龍蝦鮮味又爽口彈牙,配同鹹鹹地嘅荷蘭汁及奶香味嘅茴香泡沫,味道確係幾特別!

(C)法式火腿醬凍批
切粒火腿融入半透明啫喱,味道都ok,感覺似西式嘅鎮江肴肉

(D) 羊腹柳扒配阿根廷青醬
羊腹柳肥瘦適中又不失油香,而且非常軟嫩,烹調得啱啱好,真係幾好食配菜及醬汁都酸酸地,既可中和膩感外,亦越食越滋味

(D) 洛神花油醃Prime西冷扒配紅菜頭中東米,洋蔥醬(+$48)
牛扒係medium rare,睇見都已經流口水食落肉汁豐富之餘仲好軟嫩,牛味又重,加錢食呢個steak都係值得嘅而米飯亦充滿紅菜頭味,感覺健康

姜蜜茶
聞落有少少薑味,飲落清清哋,飯後飲杯茶消滯都幾唔錯!

☕️美式咖啡
咖啡味道無乜特別,不過不失吧!

食物質素都幾優質,絕對可以再encore值得一提嘅係透過OpenRice訂位竟有85折優惠,枉我仲戇居居walk-in上去

參觀日期:2020年11月
1  感謝 dyiongw
該評論乃TripAdvisor會員主觀個人意見,不代表TripAdvisor LLC公司。
發表評論評論 (17)
旅客評分
旅客類型
一年中的時間
語言

4 - 8 則評論(共 17 則)

2020年10月29日的評論 透過行動裝置

香港嘅工廈其實有好多嘢食,平貴都有,甚至乎有好多高質嘅餐廳,只要你願意去搵就會有好嘢。今日食到間高質既fine dining,餐廳環境舒服,柔和嘅音樂,然後table for 2☺️,都幾啱feel。

Dinner menu有3/4/5個course揀,分別$328/$378/$428,選擇幾有彈性唔錯,唔想course既可以揀A la carte,而且價錢都唔算貴,不過最後我地揀左散叫,食的想食既

前菜有啲法包,幾鬆軟,配油醋真係一流。上枱個陣都幾夠暖,就算食到咁上下灘凍左,個包依然保持軟熟,我幾欣賞

法式蕃茄清湯$78的湯用壺仔裝住,自己倒入湯碟,視覺同觸感一流。 湯碗擺有蕃茄條,的湯超清呀,清澈透底,成個蕃茄湯去左另一個境界,完全改觀左。飲落有清香既蕃茄味,小小咸味帶少少酸,然後加幾條蕃茄條,成個湯好fresh,好特別

焦糖蘋果煙鴨胸$108幾香煙熏味絕對唔似平時煙鴨胸切幾片出嚟,好似成碟有煙熏過咁,真係好。鴨胸配上焦糖蘋果味道幾夾,焦糖蘋果嘅甜味同鴨胸嘅鹹味中和左,然後加上沙律菜,整體好夾又好好味。

特色香腸拼盤$198裏面有小牛肉香腸,法蘭克福香腸,昆布蘭香腸,腸煎得香脆之餘又保留到肉汁,而且唔會偏咸。當然唔少得嘅梗係酸椰菜啦,酸椰菜當然係偏酸嘅食落好開胃,仲有超粗既薯條,看似簡單,但有誠意☺️。

南瓜蟹肉意大利飯$168正呀❤️,食落勁香甜南瓜味,勁creamy,意大利飯熟度剛好,食落有嚼口,仲有幾多蟹肉,真心足料呀,食既時候夾埋的香草,又另一番風味,香甜南瓜味加上香草,令蟹肉鮮味提升,確係有驚喜喎❤️。

最後飲杯熱朱古力,圖案好可愛,係隻熊仔樣,朱古力味好濃厚,泡沫打得厚實細膩,就算無食甜品都覺得好滿足

餐廳環境的確幾好feel,店員又有禮貌,以fine dining黎講真係幾抵食,下次可以試下set

‼️打電話嚟訂枱有8折優惠㗎‼️

***************************************
FAB Kitchen
荔枝角長沙灣道338號億利工業中心7樓704號舖
***************************************

———————————————
➡️#eatwzyou_深水埗區
➡️#eatwzyou_荔枝角
➡️#eatwzyou_food

參觀日期:2020年10月
2  感謝 kkyy0401
該評論乃TripAdvisor會員主觀個人意見,不代表TripAdvisor LLC公司。
2020年9月22日的評論 透過行動裝置

荔枝角工業大廈一向多野食 今次黎到fab kitchen 店面幾大 有兩個舖位 裝潢簡約 以白色為主調 環境寧靜舒適 好適合約會

星期六都有 Lunch menu 包starter entrees desserts drinks($35或以下)

▪️是日餐湯 粟米湯
淡淡粟米香 鬆軟餐包塗上牛油 索埋湯汁一齊食 都唔錯

▪️燒黃桃配巴瑪火腿
巴瑪火腿薄薄一片充滿鹹香 配上甜甜地既燒黃桃 鹹鹹甜甜又幾搭

▪️香煎盲糟魚 配薯蓉 香草牛油汁 $138
盲鰽肉質超嫩滑 鮮甜帶彈性 肉質不鬆散 邊邊位帶點香脆 但又唔會煎到好乾 帶鹹香 簡單調味已經好足夠
底下舖滿薯蓉 薯蓉幼滑帶忌廉香氣 吸滿香草牛油汁 好邪惡但係好好食
中間夾有蘆筍 意式青瓜索有牛油汁 口感層次豐富

▪️蜜糖芥末醬豬仔骨配薯條 $168
薯條粗身 實心足料 外脆內軟 真係有薯仔味
雖然豬仔骨賣相唔太靚 但係入口又唔差喎 肉質超級軟腍 完全唔乾唔柴 不過朋友就比較鍾意帶咬口既肉質
肉同骨既比例簡直一比一 超多肉 調味恰到好處 啖啖蜜糖芥末味

▪️純洋甘菊茶
茶味清幽 味道唔會好俗 食飽解膩岩岩好 仲可以refill

整體而言 食物質素高 價錢合理 環境舒適 適合約會 係值得一試既黃店!

參觀日期:2020年7月
感謝 sistersnfood
該評論乃TripAdvisor會員主觀個人意見,不代表TripAdvisor LLC公司。
2020年8月22日的評論

今日約咗朋友去荔枝角食lunch,呢間餐廳一直都好想試,大約12:45去攞位,好好彩,唔駛等就有位。餐廳佈置簡單優雅,感覺舒適。

睇吓餐牌先,佢哋有lunch set,有七款不同的選擇,包括餐包,頭盆/湯,主菜,甜品和飲品。

頭盤
燒黃桃配巴馬火腿,很特別,燒桃配上火腿,味道剛好,很開胃。

椰菜花,西蘭花及藜麥沙律配香草醬,好鍾意呢個香草醬,很清新。

主菜
皇室白汁配雞肉燴意大利飯,份量適中,雞肉好滑,好好味,飯的口感不錯,不會太濃,如果唔夠味,可以加少少鹽都唔錯,整體配合不錯。

BBQ醬燒豬仔骨配薯條
份量偏多,豬仔骨煮得很好,好容易切開,但可以保持肉的質感和味道,有燒烤的感覺,配菜的薯條脆口,必食之選

跟餐的甜品- 柚子奶凍,味道清新,主菜太豐富,可幫助消滯。
跟餐配一杯飲品,$35或以下,如超過可以補差價,選擇也很多。
我點左Mocha。他們的飲品也用心製作,咖啡味濃郁,他們在咖啡上畫了一隻熊熊,好可愛❤️很窩心。

整體感覺很好,食物質素高,環境舒適,店員服務態度好好,每一個items都用心製作,而且午餐的價錢抵食,值得一試

參觀日期:2020年8月
    • 划算度
    • 服務
    • 食物
2  感謝 MissJoyceChanStudio
該評論乃TripAdvisor會員主觀個人意見,不代表TripAdvisor LLC公司。
2020年8月19日的評論 透過行動裝置

餐廳:FAB Kitchen (荔枝角)
地址:荔枝角長沙灣道883號億利工業中心7樓704號舖

相信有去過荔枝角嘅人,都唔會對億利工業中心陌生‍♂️,果到有各式各樣嘅商鋪,最重要嘅係有唔少高水準餐廳

今次去到7樓嘅呢間黃店FAB Kitchen食lunch,餐廳為慶祝一週年,上網/打去訂枱,成個8月都有全單9折優惠,千其唔好錯過呀

Lunch set可以係湯、沙律或者芝士揀一個stater,湯係新西蘭牛油南瓜忌廉湯,口感滑溜綿實,仲有好甜嘅南瓜香;燒黃桃配巴馬火腿(Parma ham)好夾,桃嘅甜同火腿嘅咸香彼此交錯;另外仲有即叫即烘、熱辣辣非常香脆嘅餐包

日本蒲燒鰻魚潛艇三文治 $168
超過8吋長嘅原條燒鰻魚放係嚴選過嘅麥包當中,選用麥包令鰻魚嘅醬汁唔會咁快令麵包變腍,難怪影完相食,都仲係脆卜卜啦,加咗少少沙律醬同火箭菜令成個感覺無咁熱氣。仲有好大份嘅脆皮薯條,以氣炸方式去整,一啲油膩嘅感覺都無

扒雞胸配忌廉松露扁意粉 $128
雞胸肉感覺有慢煮過,食落口唔嚡,配上紅黃椒增加咗意粉嘅色水,不過個人就覺得忌廉汁重得濟有少少膩,但我相信鍾意cream sauce嘅人會好鍾意,因為配埋松露真係好香

是日甜品係柚子奶凍,除咗有粒粒柚子之外仲加咗柚子醬,放入口先品嚐到柚子嘅清甜,繼而慢慢散發出奶凍嘅香滑奶香,可唔可以比多幾個我食

食完主菜叫咗杯瑪奇雅朵(Macchiato)☕️同純洋甘菊茶,可以同朋友傾下偈。食完仲可以落去一樓睇下模型,一次過滿足幾個願望

參觀日期:2020年8月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。

去過Fab kitchen嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。