我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“Chef Dan精心烹調嘅私房菜”
Anytime Catering的評論

Anytime Catering
香港排名第2,272 (共 14,630 間餐廳)
周圍地區: 東區
餐廳詳細資料
周圍地區: 東區
2 週前的評論 透過行動裝置

在鬧市轉彎的街角,隱藏著一間精緻小屋。到達時天色開始昏暗,門外帶點寂靜。推開玻璃門,卻像回家的感覺。有一位大廚為你準備窩心的晚餐⋯⋯

[Veggie box]
一個賣相很精緻的小盒子,以牛油曲奇作餅底,口感很鬆化。小盒子盛戴著莎莎醬、西蘭花、蘿蔔絲,還有一朵食用嘅Garlic flower... 由如沙律般清新。

[Sea urchin Custard]
以澳洲塔斯曼尼海膽穀餚製Custard,濃郁嘅味道像極了龍蝦湯,口感如絲般幼滑。海膽及俄羅斯魚子醬,把Custard進一步提鮮。伴碟Garlic flower 唔止好睇,更為整道餸加添了一份甜味。

[Traditional French onion soup]
以半個掏空了的洋蔥作器皿,再端上滾滾的洋蔥湯,好有organic的感覺。一絲絲洋蔥在湯裏浸淫,每喝一口都是香甜的、暖暖的。再吃下充滿洋蔥湯嘅法包和芝士薄脆,味道多一份層次感。

[Baked portobello]
波特菇經過高溫烤焗,散發出一陣香烤味。切開一小塊咀嚼,厚實的蘑菇肉有口感得嚟很juicy!當中加了Iberico chorizo,有點似臘肉增添了鹹香味。還有bire cheese和basil,使菇的味道不單一。

[Roasted M7 wagyu beef sirloin]
M7 和牛沙朗,取自牛肩背部位,富有自然嘅肉香與咀嚼感。鮮甜嘅肉汁隨口溢出,喺牛肉特有嘅鮮嫩味道。再襯埋濃稠嘅紅酒汁,令牛肉帶有果香甜味。

[Strawberry Crumble]
吃過五道精緻的私房菜後,再來一個飯後甜品。用了很多金寶托底,口感鬆脆。加入桂花醬、羅勒,味道清新略帶甜味。當然不少得雲呢拿雪糕這個主角!

五道菜加一個甜品,大約品嚐了兩個半小時。Chef Dan 精心烹調嘅各種佳餚,食得津津有味,不經不覺把煩惱忘記了......

參觀日期:2020年11月
感謝 viannyip
該評論乃TripAdvisor會員主觀個人意見,不代表TripAdvisor LLC公司。
發表評論評論 (11)
旅客評分
旅客類型
一年中的時間
語言

1 - 5 則評論(共 11 則)

2019年10月3日的評論

呢間餐廳位於天后住宅區,門口掛住Studio嘅名,聽師傅講佢哋係三個partners夾份開嘅,平時我哋就聽過co-working office,呢到就co-working restaurant,都幾特別。

舖頭並唔大,最多開到三張四人枱,合併就可以好似電影d貴族嘅長枱咁。然後有個開放式廚房,有個酒櫃,仲有洗手間,都算五臟俱全。

當晚就只有我哋同隔離兩枱女仔,然後staff就一個負責主廚、一個負責serve,人少少,感覺好relaxing。加上呢到以食法國菜嘅速度咁食,一道一道菜上,又好慢好慢咁食,計過成餐飯真係食幾個鐘。亦因爲咁佢哋唔會做好多枱,做幾多輪就要睇booking啦。佢哋話試過招呼一班酒吧嘅staff,等佢哋收舖先黎,零晨食到第二朝:o

黎到一個咁舒適嘅地方,就開枝酒歎下啦!$300一枝,好合理啦!
我哋叫咗個每人$650嘅set,包5 course。

什錦蕃茄玫瑰油醋
蕃茄仔五顏六色非常悅目,而且每一粒嘅味道都唔同,師傅就教由淺色食到深食,再配埋芝士,酸酸甜甜又帶點點咸,好開胃!

初夏凍湯
用幾種蔬果打成蓉嘅凍湯又係一款開胃菜,一般凍湯都係咸食,但呢到用上水果,好似桃同葡萄,所以飲落係好甜,好似果汁咁,好清新!

香煎刺身帶子伴黑松露
帶子煎得剛好,兩邊金黃,另外佢將一舊菇都切成帶子咁樣,搞笑又有心機。個汁調得唔錯,有黑松露嘅香又唔會遮到帶子嘅鮮。

香煎西班牙豬鞍扒
D肉粉紅色架~平時香港食嘅肉都一定要全熟,但西班牙豬係草食嘅,無菌,所以唔需要全熟,帶粉紅色就剛剛好最嫩最香。旁邊嘅西蘭花泥加入咗海苔,係好特別嘅配搭,亦都可以去走梅頭肉嘅肥膩感。

精選甜品
當日甜品係以Cream cheese、豆腐花、薑汁、桂花糖、果仁做成嘅甜品。上面嗰層就好fluffy,下面嘅豆腐花就好清甜,加上果仁嘅口感,呢個甜品真係好有層次,出面一定食唔到。

參觀日期:2019年8月
感謝 MandyMYK
該評論乃TripAdvisor會員主觀個人意見,不代表TripAdvisor LLC公司。
2019年9月28日的評論 透過行動裝置

一間嘅感覺好似私房餐廳。店子少少只有兩大張枱可以坐到大概10至15人。裝修仲有點兒像高級傢俬舖啦。。

廚房係open kitchen,你可以見到廚師細心幫大家烹調食物,不停傳來食物嘅香味,真係 好肚餓呀。

龍蝦湯味道濃郁,而且龍蝦肉都幾多。推介呢一度嘅煎帶子,帶子應該係刺身級別,非常大粒之餘而且非常嫩滑,一食落口有:「啊!好好味!」嘅感覺。

另外一定要食呢度嘅甜品,非常之有特色,薑汁蛋白,薑汁味突出,蛋白非常之滑溜,而且食到有一粒一粒脆脆地嘅,口感多樣化好特別好好食。

參觀日期:2019年9月
感謝 797abbyl
該評論乃TripAdvisor會員主觀個人意見,不代表TripAdvisor LLC公司。
2019年9月6日的評論

呢間係朋友推薦,如果唔係都唔識搵!個日食左一個five-courses menu~

1.什錦蕃茄玫瑰油醋
五顏六色,其實都係蕃茄但waiter都同我地講,唔同顏色係代表成熟程度唔同,加上師父秘製嘅醋,的確好開胃!利申先,我自己係唔鍾意食生蕃茄,但佢隻生味唔算好誇張,所以我覺得有埋隻醋,配搭係幾好。

2.初夏凍湯
平時熱湯就飲得多,凍湯講真就少有。大廚話呢個湯係由幾種材料mix埋,包括提子、牛油味、青瓜、桃同埋檸檬汁,當時我地仲估緊究竟有邊五種材料食落味道係有好突出嘅青提子味,因為有好多脆脆口感嘅蔬果,所以就會有一粒一粒嘅口感。

3. 香煎刺身帶子伴黑松露
材料主要有帶子同杏鮑菇,呢兩樣食材用香煎處理,旁邊嘅配菜反而係酸酸地,味覺上有好大嘅分別!下面黃色嘅醬汁就係粟米汁,又中和到煎之後嘅油膩感。

4.香煎西班牙豬鞍扒
綠色嘅醬汁係西蘭花加少許紫菜粉mix埋整成,但我第一下食覺得有少少似綠茶味嘅感覺豬鞍扒熟嘅程度啱啱好,而且肥瘦適中,好有咬口亦唔會過老。

5.精選甜品
其實底層係豆腐花,配薑汁,加咗啲nuts去豐富個口感,配搭係非常唔錯。平時食fine dine成日覺得最後嘅甜品係差啲唔夠完滿,但今餐嘅甜品係真心正!

參觀日期:2019年8月
    • 划算度
    • 服務
    • 食物
感謝 cherryho
該評論乃TripAdvisor會員主觀個人意見,不代表TripAdvisor LLC公司。
2019年8月16日的評論 透過行動裝置

係天后有間超正西餐私房菜,要預先訂位,但真係好值得黎食係我食過最好食既西餐不過要留意門口招牌唔係寫anytime catering,唔好行過龍
廚師發板,睇住廚師認真制作,每一個course食落都覺得有驚艷既感覺,真係好enjoy每一個course
我地今晚食既有5個course既晚餐
頭盤係意大利蕃茄Pareto cheese配梅子玫瑰酒汁,第一次食唔同顏色既蕃茄,好fresh,連同pareto cheese簡直perfect!!呢隻cheese唔會太重味,好易入口。

接住係蟹肉西蘭花湯,好飲到大家都飲得非常乾淨,一啖都唔捨得淨
帶子配雞脾菇,帶子當然好正,但連雞脾菇都可以整得咁好食真係好難唔佩服廚師既廚藝!
Main course係慢煮西班牙豬鞍,黑毛豬係寧舍唔同,口感同一般既豬係冇得比
最後,甜品係檸檬慕絲蛋糕配曲奇雪糕,連個蛋糕都係師傅整,真係十項全能
佢地一晚最多只會招呼到15個客人,要食咁用心制作既美食要預留多少少時間,慢慢享受先唔會浪費咁正既美食呀!

參觀日期:2019年8月
感謝 wyandrea
該評論乃TripAdvisor會員主觀個人意見,不代表TripAdvisor LLC公司。

去過Anytime Catering嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。