我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“高質麻辣火煱 牛大人台灣火鍋吃到飽 (銅鑼灣)”
牛大人的評論

牛大人
餐廳訂位
香港排名第1,716 (共 14,630 間餐廳)
價位: US$19 - US$37
更多餐廳詳細資料
餐廳詳細資料
周圍地區: 旺角
描述: 牛大人火鍋吃到飽由台灣師傅親自主理,主打台灣地道特色湯底及風味食材,務求顧客吃到飽,也吃得好。 九種鎮店火鍋湯頭集傳統古早秘方,融入現代創新料理熬煮而成,所有特色湯底均以全天然食材製作,讓客人能夠放心「先喝湯,後火鍋」,加上各款台灣直送火鍋食材及飲品,讓你感受最真實的在地台灣味道。 全店使用高質傳統銅鍋,導熱快速,受熱均勻,充分發揮食材的精華。 我們搜羅全台灣最地道的各款台灣美食,由南到北,都可在牛大人火鍋吃到,台灣在地直送火鍋食材、飲品及調味料讓你吃得更地道,令你仿如置身台灣。
2 週前的評論

最近既人氣火鍋店牛大人係銅鑼灣開左分店
非常受歡迎所以要提早勁多book枱
因為book左8位所以hold 左間房俾我地
地方非常闊落
冷氣亦都勁夠
所以食麻辣煱都唔驚熱

打邊爐一定係瘋狂叫牛肉
佢地既牛肉非常新鮮又高質
食返夠本
仲有麻辣鴨血都好受歡迎
叫左勁多都全部清曬

除此以多
呢度啲丸都高質㗎
推介竹炭海鮮丸同芝心丸

海鮮方面
魚有好多選擇
蝦就唔算大隻不過勝在夠新鮮
蜆有少少沙有待改善
不過除左呢樣名方面都做得好好

值得一提既係
麻辣鍋小辣都幾麻下
如果唔食得麻既
記得唔好叫咁辣呀~

參觀日期:2020年7月
感謝 nkcfung
該評論乃TripAdvisor會員主觀個人意見,不代表TripAdvisor LLC公司。
發表評論評論 (16)
旅客評分
旅客類型
一年中的時間
語言

1 - 5 則評論(共 16 則)

2020年10月1日的評論

最近主打任食台式火鍋的牛大人人氣急升,短短一年內已經開了數間分店,但排隊人數之多依然令人聞之色變,所以特意於下午五時晚市開始營業前到達取籌,但大約四時多已經大排長龍。整體而言食物質素的確非一般任食火鍋所能媲美,款式選擇亦可見心思,個人覺得絕對物超所值,其後已經一而再再而三地多次到訪。

由於等候人數眾多所以正式開始安排客人入座時門口已經水洩不通,狹窄的空間內堆滿等待取籌或等候入座的所有人,店員只能不斷呼籲大家盡量往後站,但空間有限其實大家都幾乎動彈不能,安排稍為混亂。不過,餐廳內的環境卻截然相反,相當寬敞明亮。

除了掃描QR code以手機點餐外,外面亦有自助醬料、配料及飲品。

湯底方面有牛大人紅燒牛骨鍋、帝王食補薑母鴨鍋、眷村白玉酸菜鍋、台中蒜頭雞鍋、阿嫲養生濃湯鍋等九款選擇,而我則另加$50選了牛夫人秘方麻辣及台灣鳳梨雞鴛鴦鍋。前者可以自由選擇辣度,中辣辣勁十足但隨後不斷加湯後自然變得溫和;而後者當中有一隻原隻雞腿,肉質出乎意外地嫩滑,但湯底的雞味徹底欠奉。

澳洲極上和牛套餐每位$298,而因當日為假期所以再要另收$10,

澳洲和牛M5 牛肩卷、上腹牛五花、安格斯牛小排、美國SRF極黑牛肩胛肉眼、安格斯特選牛板腱、手切封門柳、安格斯一口牛肉粒等肉類質素出色,色澤紅潤而且肉味香濃,更沒有出現其他火鍋店不時出現未徹底融雪的問題。

台灣鱸魚片及其他海鮮雖稱不上鮮美但已經綽綽有餘。

贈送的澳洲M5和牛牛丸彈牙多汁而且肉味濃厚,甚有驚喜。

滷肉飯可以在自助區自取,可以毫不吝嗇地任添滷肉汁,而滷肉更少有地以牛肉取代豬肉,濃郁惹味但肉粒比較細碎近似肉醬。

作為招牌配料的私房鴨血口感略帶煙韌,名不虛傳,秘制滷牛筋及滷牛肚都是另一出色之作;另外亦有其他即食台灣小食如士林鹽酥雞、梅甘酥脆薯、魚酥皮蛋豆腐等。

飲品方面最特別是有洛神花茶、菊花普洱、桂花烏龍等數款自家製冷泡茶供應,誠意十足。

參觀日期:2020年9月
    • 划算度
    • 服務
    • 食物
感謝 Voracious1006
該評論乃TripAdvisor會員主觀個人意見,不代表TripAdvisor LLC公司。
2020年9月18日的評論 透過行動裝置

< 牛大人台灣火鍋吃到飽 > 尖沙咀
牛大人越開越多分店 前幾日十一點就去到拎飛 成功食到第一輪而家download Storellet 呢個app做會員仲有九折 又可以儲分

90分鐘午市 極上和牛吃到飽 $198
叫咗最貴嗰set 可以試晒咁多樣野 用手機掃code落單幾方便 店員首先過黎問要咩湯底 我地就揀咗尖沙咀店限定嘅香濃牛乳芝士鍋啲肉同個鍋大約十分鐘就到 好快手另外仲可以出去自己夾其他丸同配料 有我至愛嘅響鈴

肉類:澳洲m5和牛牛肩卷最好味雖然唔係入口即溶 但係好嫩同重牛味 必食!另外牛五花都唔錯 不過偏薄咗少少 另外豬梅肉片都值得一試 完全唔鞋 有驚喜 最後仲食咗醉雞件 可能浸喺個湯太耐冇乜酒味 不過啲肉都好嫩

小食:台式小食有鹽酥雞、甜不辣、台式香腸、滷肉飯、滷牛筋、大腸、牛肚等等 鹽酥雞幾大塊而且幾香脆 台式香腸都正正常常 同出面食嘅差唔多 甜不辣最好食 熱辣辣仲好彈牙 可能我比較鍾意食魚糕嗰類嘅嘢 滷牛筋一黎到有啲凍 我地就擺落去淥 點知又幾淋 好重骨膠原

飲品:試咗最出名嘅四支冷泡茶 分別係桂花烏龍、白桃烏龍、菊花普洱同洛神花茶 個人最鍾意飲白桃烏龍 唔會太甜 但又飲到桃味同烏龍嘅清香 第二鍾意係桂花烏龍都係好香桂花味 另外洛神花茶有啲酸 飲完即刻好解膩

甜品:午市有玄米茶雪糕好食到我食咗兩杯 好重玄米茶味 而且唔太甜 食完好滿足

參觀日期:2020年9月
2  感謝 blissfulfoodiary
該評論乃TripAdvisor會員主觀個人意見,不代表TripAdvisor LLC公司。
2020年7月12日的評論

見放工放得早,於是上去walk in,點知有位,牛大人一直都想食,但上網book位實在太難,起碼要一個月前book位先book到自己想要既時間 今次試左麻辣湯底,同鴨血真係好夾,個湯底叫左小辣,岩哂我唔食得好辣既人 佢用QR code 落單,好方便,野食都上得好快,落完單,大約5分鐘左右就送到,真係好快,野食種類選擇都算多,食材新鮮,極黑牛既牛味重,唔同出面既冰鮮牛肉,鴨血一流,夠厚,跟埋麻辣湯好入味,所以大家黎試可以試下貴少少既美國極黑牛,牛味真係重好多,而價錢唔差太遠,呢個回本能力比較高 食到最後,仲有雪糕送,食埋個雪糕,今餐真係好滿足

參觀日期:2020年7月
    • 划算度
    • 服務
    • 食物
1  感謝 ykjim
該評論乃TripAdvisor會員主觀個人意見,不代表TripAdvisor LLC公司。
2020年7月4日的評論

早前應朋友的邀約,到旺角打邊爐及聚舊到了餐廳,就被眼前的影像嚇呆,因為實在太多人了,而且餐廳外的走廊也濟得水洩不通當時是晚上7點半,但輪候時間要到11點才能入座,幸好朋友早很多很多日之前已book位,才能品嘗如此美味的台灣火鍋
-
這間火鍋放題店位於旺角,很多食物和飲品是從台灣直送,質素有保證餐廳提供3款牛肉的放題,分別是精選嫩牛、美國S R F極黑牛和澳洲極上和牛,想食得豪d當然揀和牛啦湯底有9款,全部都很有特色,例如鳳梨雞鍋是較少在其他店看到的其他火鍋材料、醬料都是用獨立盒存放在自助區,而飲品也存放多個冰櫃內,既方便,又衛生
-
澳洲極上和牛120分鐘套餐 $288 (17:00-21:30入座)
1️⃣牛大人紅燒牛骨鍋湯底
雖然餐廳有很多特色湯底,但是我們比較想嘗試原汁原味的牛骨湯,幸好最後係冇揀錯這個湯用了很多牛骨、牛肉和藥材熬煮,味道甜甜,有很濃郁的牛肉味道在未打邊爐前,我已經飲左幾碗了
-
2️⃣肉類
在這裏點的肉類,全部都很新鮮,而且顏色都很紅,絕對是值回票價我們主要點的是澳洲和牛M5牛肩卷、美國SRF極黑牛肩胛、安格斯牛小排,因為這3種肉的牛味較濃,而且肉和油脂的分布都各不同,各有各滋味
-
3️⃣其他配料和醬料
在自助區有很多款丸類、菜和醬料,大多都是從台灣直送,款式齊全不得不提是套餐內所送的2粒澳洲M9和牛牛丸,雖然樣子和一般牛丸無異,但是內裏的油脂和肉汁像滿瀉一樣在口內爆開,非常滿足
-
4️⃣飲料
在冰櫃的飲料除了汽水和台灣當地生產的罐裝及紙包飲品外,還有店家自家生產的枝裝「桂花烏龍茶」和「菊花普洱茶」。這些茶是單獨一個茶包放入樽內,沒有任何糖分,如果想飲得健康,這些茶是不二之選
-
5️⃣小食
多款台灣地道小食,如鹽酥雞、甜不辣、台灣香腸等等都可以點,食物都幾多元化
-
6️⃣甜品
甜品是每人一盒Movenpick雪糕,作為最後的甜點,都算唔錯啦

參觀日期:2020年6月
    • 划算度
    • 服務
    • 食物
感謝 glassesgor
該評論乃TripAdvisor會員主觀個人意見,不代表TripAdvisor LLC公司。

去過牛大人嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。