我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“超多選擇韓燒自助餐🤩”

校長燒肉日韓料理
香港排名第2,013 (共 16,145 間餐廳)
周圍地區: 荃灣
餐廳詳細資料
周圍地區: 荃灣
2020年6月21日的評論 透過行動裝置

今日喺荃灣行咗成日街,晚餐都決定喺荃灣食~
想食韓燒,就去咗呢間校長燒肉~之前喺元朗已經食過,好抵食🙌🏻 都幫襯過幾次啦

價錢好似同元朗店一樣,我地平日食$198加一

野食選擇比元朗店少啲,但質量好啲🙈

呢到有我最愛嘅西瓜沙冰🥰 好飲

刺身任攞!但每次只可以攞三款,每款兩件,要出多幾次黎🤣 刺身好新鮮,攞咗好多轉甜蝦、帶子,都好鮮甜,正👍🏻

呢到嘅雪條好多種類!仲要係出面賣都要$10零蚊嘅~

同元朗店一樣,都係自己任攞野去燒,或者打邊爐,真係好多野揀,好滿足🥰 多款醃好嘅肉類、丸類、蔬菜類

疫情期間都規定咗出去攞野食一定要帶口罩,好安心👍🏻

參觀日期:2020年6月
感謝 siufatjai
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
評論 (19)
旅客評分
旅客類型
一年中的時間
語言

9 - 13 則評論(共 19 則)

2020年6月21日的評論 透過行動裝置

6月18 日 一家三口+婆婆試吓荃灣區校長燒內,餐廳內環境闊大,乾淨! 食物分類清晰意見。我哋揀了晚飯時段7:15~9:15pm $198+1 服務費,有燒肉放題同時火煱2小時。約9個區域,刺身(魚生壽司)、熟食(熱葷)、烤肉、火煱、沙律、甜品、飲品(有7個飲品櫃)、花茶(20多種)、酒類(啤酒,梅酒,清酒)、湯類(人蔘雞湯,抗疫湯水涼茶)。抗疫期間亦必須戴口罩出去拿食物;有蓋蓋住食物很衛生,食客可放心食用。食物種類包羅萬有,有海量式烤肉預先醃製好,肉類新鮮,可隨意加點醬汁食用。

烤肉配料=>有五花腩,雞扒,牛扒,一口牛,肥牛,豬,午餐肉,魷魚,腎,菇,芝士腸,餃子,雞翼三種口味,雞軟骨,三文魚骨,秋刀魚,鯖魚,多春魚,牛油粟米,牛油雜菌(可揀牛油或蒜香味),番薯,多達50款燒肉。調味料有蜜糖,抽子蜜,芝麻醬,燒肉汁,韓式辣醬。

火鍋料有=>娃娃菜,支竹,菇類,多種丸類,韓式拉麵。打邊爐可自選湯底,日式豬骨湯,韓風辣湯,壽喜燒湯三款;有火鍋用醬油,炸蒜,韓式辣醬。

熟食有=>小籠包,蒸魚,雞,麥樂雞,洋蔥圈,青口,意粉,扒飯類,一盅兩件蒸點心,口水雞,蒸魚塊,葡撻,碗仔翅,溫泉蛋。

甜品有=> 蛋糕,慕絲,雪糕,泡芙,奶凍,啫喱,意大利芝士蛋糕,菠蘿冰,水蜜桃冰,西瓜冰。

個人推薦五花腩,烤到脆香不油膩,可葉包住食可減低肥膩感。肉類大都很新鮮,燒出來也煙韌有口感。揀了日式豬骨湯配冬菇,娃娃菜.. 清甜舒心。肉吃多了,泡杯花茶清熱消滯, 潤喉滋養。我揀了玫瑰,菊花靈神美顔。

由於種類種類繁多,單選擇食物和吃也花了不少時間, 2小時也很足夠。價格相宜吃到不同口味, 燒烤火煱放題的不二之選。

參觀日期:2020年6月
2  感謝 Passport12345678
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2020年5月28日的評論 透過行動裝置

約朋友食飯,大家喜歡不同菜式,一個喜歡韓燒,另一個喜歡火鍋,這間放題餐廳一個價錢$198可以享用火鍋+韓燒放題,可以滿足大家不同喜好

裝修夠闊落,好多卡位望街景,坐得舒服,視野夠廣闊

最喜愛每枱都放滿不同調味料,滿足不同口味既人,啱洒我喜歡濃味既我,好細心

放題擺放了很多熱盤,冷盤,各款燒肉,丸類,海鮮,火鍋配料,飲品,甜品,雪糕等等,甚至乎日式刺身都有得食,食物種類多到數不盡

連支裝啤酒都可以放題任飲,太正
當然有我最喜愛桃味啤酒,不太甜,又啱我酒鬼,超好飲

燒肉多款選擇,最愛燒漢堡扒,豬腩肉,夠香口

火鍋我喜歡煮菜類,啱喜歡食菜又愛燒肉既我

最後當然甜品雪糕做總結

軟雪糕都有兩款味道選擇

好多放題餐廳多數只得一款種類選擇,但這間可以火鍋+韓燒兩種,只需一個價錢,滿足兩種食法,可以去邊度搵?!

參觀日期:2020年5月
感謝 wanwan113
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2020年4月29日的評論 透過行動裝置

在烽煙四起,病毒瀰漫的一個黃昏,我和朋友走進荃灣的校長燒肉。然而個多月已沒有外出用膳的我,來到門口,口水已經急不及待失控地外流。坐下來,發現地方相當寬敞,再加上人流不多,在鬧市中實在難得。剛坐下,我便有一股衝動想立即走出去拿食物,但朋友說:「不急,有兩小時呀!」
有甚麼可食呢?豬,牛,雞,魚,肉 丸等一應俱全,真令我食慾大振。於是各樣取了一些,回到位子上,原來爐已開了,上面還放了油紙,不怕黐底呀!一面煎,一面聊,一面吃,時間真如箭般飛逝,加上酒水任飲,已經飲飽食醉了!但是,還有.......當然是最後的----雪糕,一大球的加上脆皮,在已經沒有空位的肚子還真能夠擠出一點空間來。多暢快的晚上,多久沒有的飽足,真是樂以忘憂呢!

參觀日期:2020年4月
感謝 GrandTour45452426149
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2020年3月28日的評論 透過行動裝置



由於今日太夜收工,趕唔切返屋企煮飯食,於是就出街食,見呢間好似唔錯,又咩都有得食,就揀左呢間食喇~~

我地黎既時候係7:15-9:15pm時段,每人$198再加一,見個價錢算平,就去食喇。

呢間係可以同時燒烤同打邊爐的~~而且係任食😍😍唔需要額外加錢!!燒肉既類別都有好多,有一款叫做印度風味既雞翼,未見過,食落去又幾好食🤟🏾🤟🏾🤟🏾除左雞肉同豬肉之外,仲有和牛,燒完一啲都唔韌,唔會燒到塊肉好老😋😋除此之外,仲有三文魚腩骨同魷魚,燒起上黎都好好味😃😃👍🏾

打邊爐方面,有唔同既湯底可以選擇,都係自助形式,我地揀左日式豬骨湯,打邊爐既材料都有好多,除左腸仔同埋金菇牛肉卷呢啲肉類之外,蔬菜類都有好多,有粟米同菜之外,菇類既款式都有幾款,唔鍾意食肉既朋友都有野岩食☺️☺️☺️

除左燒烤同打邊爐,都有好多熟食可以揀,有中式既點心,又有西式既甜品,而日 式既壽司同魚生就更加唔少得啦🤣🤣
魚生類都好新鮮😋😋

而放題既最點,就緊係雪糕啦😂😂🤣雖然呢度既雪糕唔係大牌子,不過都一樣咁好食🤪🤪仲有,最令我驚喜既,係呢度竟然有冰菠蘿同冰西瓜呢啲童年美食🥰真係好懷念啊!❤️忍唔住要食多幾舊😂😂😂

校長燒肉日韓料理 (元朗)
元朗西裕街達輝徑1號足彬大廈1樓3B號舖

參觀日期:2020年3月
1  感謝 small_baba
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。

查看過校長燒肉日韓料理的旅客也查看過

 

去過校長燒肉日韓料理嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情