這次去了一家人氣韓國料理吃東西，店鋪環境很美，有很多星星在半空浮著。 另一邊有很多彩色的鎖，變成了幅彩色的牆。 餐牌上有多款食物選擇，還有不少邪惡拉絲芝士的食物。

辣炒豬肉 HKD$268，這個份量十足的鐵板美食，除了豬肉之外，還有泡菜/菠蘿/紫菜飯/拉絲芝士圍著。 這個把豬肉切成薄片，再用辣的調味醬攪拌及拌炒，上菜時已聞到很香的味道。

豬肉很入味肉質腍身，還要是半肥瘦的版本，吃起上來更加惹味。 這個醬味道不算很辣的，另外可把辣炒豬肉放進芝士裡，芝士半溶化的狀態做成拉絲效果，令到口感更豐富煙韌，芝士控表示喜歡❤。

炭豚飯卷 HKD$88，這個飯卷一份有10件，每一件也有滿滿的材料，底下還有醬汁可以拌著來吃。 飯卷味道雖然簡單，但味道不錯的。

另外我們點了Blue Lemon和熱伯爵茶，Blue Lemon賣相特別，用雪碧和檸檬片製作而成，飲品味道不錯的。 食物質素不錯，價錢中等可接受，食物份量挻多及足料的。

來頭不小，作為開飯優秀飯店，每週最高評分第二位，同學大讚，當然要試下係咪名副其實嘅美食天地。

4-5 人份量 OpenRice 有外賣自取8 折
東萊海鮮煎餅 （$118 ->102.4）（8/10）
用料充足，多款海鮮同不同蔬菜如香蔥、青紅椒等等，蝦肉都新鮮，會想再試。雖然我哋為等齊人放耐左，唔會熱辣辣，但係仍感覺到煎餅嘅香口。

炸蝦餅卷（$98->$78.4）（7/10）
炸蝦飯捲份量想像中多，共10件，配料有醃蘿蔔同雜菜，中和油膩感覺，配合沙律醬同多款醬油 加倍滋味！雖然係外賣，但唔會凍冰冰，仲有啲微溫。可惜，炸蝦唔太脆。

原味+香蒜蜜糖炸雞 （$178 ->166.4） （6.5/10）

炸雞厚肉無骨，表層香脆，內裏嫩滑，配上自家製既香蒜蜜糖醬，甜度適中，比原味更勝一籌。可惜較細件，更似普通雞粒。可惜，薯條 薯角 薯餅多過炸雞。 由於我哋要等齊人先食，薯格，薯條，薯塊偏淋左，附送3種唔同既醬汁，加埋醃蘿蔔，但係偏好原汁原味。

豬肉炒粉絲 （$98->$78.4） （6.5/10）
較一般，豬肉份量多，拌紅蘿蔔絲、雜菜絲，最正係醬汁味道適中，唔會太多太鹹。

Outdark

經過見到有間唔錯既韓國餐廳，仲要係韓國廚師主理，所以入去食lunch，入到去先知原來依家疫情嚴關係，先提早12點開門，如果唔係我都無機會食

香蒜蜜糖炸雞 （$178）

炸雞份量多，好大碟，雞肉無骨，而且厚肉，即叫即炸，炸得香脆，肉質嫩滑，加上用自家製既香蒜蜜糖醬舖上面，食落口唔會覺得熱氣，有香甜既味道，口感更加豐富
薯格，薯條，薯塊亦都炸得好香脆，仲有3種唔同既醬汁，加埋醃蘿蔔，做得好出色，必點

東萊海鮮煎餅 （$118）

海鮮煎餅好有響韓國食既風味，用左好多唔同既配料煎，好足料，而且蝦肉新鮮，爽口彈牙，煎餅煎得好香口，仲好大塊

炭豚飯捲 （$88）

飯捲大條，豚肉新鮮，蔬菜新鮮，加埋其他配料一齊包，呢個飯捲真係無得輸

Outdark Rita ($78)

呢杯啤酒好特別，可以自己配搭，我揀左Blue Curacoco(Orange) Flavour 配 Corona，好易入口，小弟覺得咁配搭，男女都岩飲，大家黎到可以試下

Outdark．韓國人情味炸雞

❤
雙11，單身者有咩好做？
當然約朋友去食飯
食咩好？一定係食韓國炸雞
睇韓劇都知，有來自星星的溫柔的OPPA嘛

我們約了在旺角吃Outdark
美麗的星星之夜
見到大班朋友和情侶的飯聚約會
感動我們的更有店員送上的韓國棒棒餅乾

原來韓國人也很重視雙11
要為重視的人，包括親人朋人情人送上這款棒棒餅乾
祝福摰愛
希望大家都棒棒的！
於是我們更加肯定沒有來錯了！

點了一份雙併炸雞
有甜辣及香蒜蜜糖口味
店員先送上醬料及醃蘿蔔
喂呀，點解我D蘿蔔咁好食架！
(知道的便知道是哪套韓劇哪位角色的對白)
3款醬料都極具韓風，有甜有酸有辣，任揀！

雙併炸雞份量巨型
更有炸香包含芝士粉的薯條、薯格、薯件
非常犀利！
炸雞口感多汁，外皮香脆，薄皮厚肉
香蒜蜜糖口味好香甜
甜辣炸雞夠惹味
好好食

炸蝦飯卷
我真係好欣賞韓國麻油
特別係以麻油包住飯卷的香氣
混合了紫菜的吸引力
再加入香脆炸蝦
點會唔好食？
每次食韓國菜
一定會點番個飯卷來吃
此店的炸蝦飯卷
添入生菜、沙律醬、韓國甜醬
好味又夠韓
又列入我的不能不吃名單之中

海鮮煎餅
那是巨型的，對女孩子而言
尤其是極真實的加入了大量蝦、魷魚、香蔥等食材
沒有花巧，但具有香濃引人的滋味
是韓國真才實料的美味
經典，但永遠好吃

最後點杯芒果梳打
陶醉於果香和星空下
感覺好正！

芝士王國~芝士炒雞
超豐富的芝士炒雞，用水牛及車打芝士，前者有拉絲效果；後者咸香滋味。炸雞加甜辣醬炒，好香好惹味。雞肉嫩滑有彈性，醬汁甜甜地微辣，拌芝士食可減辣又好味
.
仲有韓國雞蛋好水嫩，甜菠蘿解膩，泡菜酸酸地好開胃，勁香麻油味的紫菜飯
.
炸蝦飯捲
扎實麻油香的飯捲，有爽彈香脆炸蝦，仲有爽口醃蘿蔔同脆口青瓜，軟綿濕潤雞蛋卷，口感豐富
.
Grapefruit ADE
好清爽好refresh，西柚味突出，但唔會好酸，帶點甜易入口，又可消膩