我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“香濃貝汁湯底”
金色不如帰的評論

金色不如帰
香港排名第3,737 (共 15,233 間餐廳)
周圍地區: 中環
餐廳詳細資料
周圍地區: 中環
2020年11月24日的評論

最近見又一城開咗日本過江龍金色不如帰,所以我就即刻去試下啦!咁我大概等咗一個鐘(lunch hour),就有位入座。我同朋友一共三個人就坐卡位 ,入面大概有五組四人卡位,坐得舒服。咁我哋就嗌咗貝汁鹽味拉麵同埋貝汁豉油拉麵,另外再加配咗三隻玉子。

貝汁鹽味拉麵 ($128)
一上枱已經嗅到好香,我跟據店鋪指引,先拎起碗飲啖先,湯底由豚骨、清魚、蜆湯組成,有好濃郁嘅蜆味。之後,我再撈番秘製白松露油、香草、牛肝菌醬一齊飲,成個湯變得濃咗又鹹咗,不過有少少香草可以中和一下味道。拉麵麵質彈牙,係方形拉麵,可以掛到少少湯。拉麵上有三層肉同低溫慢煮豚肉片就一般,冇乜特別。

玉子 ($15)
玉子品質比較參差,有啲失望。三隻玉子嘅流心效果都好唔同,我個隻係過熟。咬落去並冇流心,反而見到部分蛋黃熟咗,明雖見到淺色咗。而且,玉子唔太入味。

整體嚟講,貝汁湯底絕對係賣點,因為出面比較少拉麵店有咁鮮味香濃嘅湯底,我可以飲哂啲湯。不過,拉麵份量一般,男仔可能唔夠飽。價錢上(另要加一)就比平時嘅拉麵鋪略高,可能因為係又一城同IFC開掛~唔知佢啲飯好唔好食,下次可以試吓。

參觀日期:2020年11月
    • 划算度
    • 服務
    • 食物
感謝 jas4food
該評論乃TripAdvisor會員主觀個人意見,不代表TripAdvisor LLC公司。
發表評論評論 (12)
旅客評分
旅客類型
一年中的時間
語言

1 - 5 則評論(共 12 則)

2020年11月2日的評論

日本米芝蓮一星️拉麵店 金色不如帰繼上年喺中環開咗分店後,啱啱又喺又一城開咗分店。以後要食星級拉麵唔使再過海啦。

貝汁鹽味拉麵($128)
Shio Hamaguri Soup Ramen
貝汁醬油拉麵($128)
Shoyu Hamaguri Soup Ramen
佢主打貝汁拉麵,湯底用咗蜆、豬骨同魚去煲成。分為鹽味同醬油味,鹽味落咗白松露油,牛肝菌醬,牛肝菌味食落好香好突出。而醬油味就落咗黑松露醬,牛肝菌粉同牛肝菌油。湯底比鹽味鹹啲。2款湯底都幾清澈,冇一般嘅豚骨湯咁易膩。伴有三層肉同低溫叉燒各一片,相對上前者油花強,食落香口啲,後者較乾棄之可惜,2款肉都好薄,冇乜口感可言。拉麵睇落似蕎麥麵,幼身較腍,同一般食開嘅拉麵好唔同。

整體上味道都唔錯,食落去冇一般拉麵油膩感咁重,不過又未令人覺得有成日想再去嘅衝動。建議要試新野就趁早,因為4-10/11有*買一送一*優惠,平均$60就食到,而家唔食就蝕啦。

唐揚博多華味鳥($88)
Fried Hanamidori Chicken
呢個雞球波波賣相十分趣緻,外面炸得鬆脆,中間雞肉嫰滑,加埋個蜜糖芥茉醬就更加好食。

自家製豚肉煎餃($68)
Homemade Japanese Dumplings
餃子一客5件,皮薄味道正常,冇咩特別。以呢個價錢嚟講幾貴,建議點其他小食。

熱檸檬生薑蜜
Hot Lemon Ginger Honey
薑味幾重,同蜜糖比例啱啱好,唔會過甜飲落好舒服。
.

金色不如帰 (又一城) (九龍塘)
九龍塘達之路80號又一城LG2樓25號舖

參觀日期:2020年11月
    • 划算度
    • 服務
    • 食物
1  感謝 Grassroots-Ruby
該評論乃TripAdvisor會員主觀個人意見,不代表TripAdvisor LLC公司。
2020年9月14日的評論

食左好耐帶有米芝蓮一星光環既拉麵,感覺....聞落好香食落未至於驚艷
·
貝汁醬油拉麵($128)追加溏心蛋(+$15)愛濃味既我點選醬油拉麵,未食先聞到好香松露味!!!先飲用上大量大硯、豚骨、魚介等食材熬製湯頭,香濃不油膩不過建議點鹽味湯底更能突顯貝湯鮮甜度~幼身自家製拉麵吸湯汁但欠缺彈牙口感.叉燒肥瘦適中,口感不錯~
·
貝汁鹽味拉麵($128)朋友點的~佢都追加左溏心蛋(+$15)試完醬油再試鹽味湯底,被醬油濃湯蓋過
·
金色不如帰
中環港景街1號國際金融中心商場3樓3020號鋪

參觀日期:2020年6月
2  感謝 foodienethk
該評論乃TripAdvisor會員主觀個人意見,不代表TripAdvisor LLC公司。
2020年6月28日的評論 透過行動裝置

原本打算去日本食咗先再幫襯香港店。無奈疫情下去唔刊東京,只好改變計劃,先去香港店品嘗。

貝汁鹽味拉麵
湯頭清香嘅貝汁味,將黑松露醬拌勻,味道更上一層樓。

貝汁醬油拉麵
同鹽味一樣,湯頭清香嘅貝汁味,加上醬油嘅湯底,顯出另一風格。雖然味道同年頭東京旅行時買嘅碗面一樣,但當然比碗面更好味啦。

燒豚肉叉燒小碗飯
食拉麵當然係要加埋小碗飯啦,薄薄嘅燒豚肉油香而不膩,小碗底亦有醬汁,確保每粒飯都可以有醬汁拌勻。

吉列芝士豚肉棒
炸得非常之香脆,內裏嘅芝士已經溶化,一口咬開可以拉出芝士絲。而內裏嘅豚肉唔會炸到乾晒,只是略嫌味道較淡。

參觀日期:2020年6月
2  感謝 kenku216
該評論乃TripAdvisor會員主觀個人意見,不代表TripAdvisor LLC公司。
2020年3月26日的評論

今天與許久沒見的朋友相約於 IFC 聚餐,皆因他居住於港島區,我挑選到金色不如歸進食午餐,因早已從朋友口中聽聞他人氣極高,而且是米芝蓮的星級拉麵店,當然要一嘗究竟。

煙熏黑椒豚骨拉麵
湯底加有自家製黑胡椒醬油、煙熏豚肉碎及炸牛篣,令香味更有層次,口感濃厚漿口,陣陣黑椒味徘徊於口腔,味道微辣,濃郁芳香,豚肉碎煙熏味濃郁香口,叉燒是以低溫慢煮而成,肉質鬆軟,嫩滑入味。

自家製黑豚肉煎餃
選用西班牙的杜洛克豚,配以笋絲、菇菌、蔬菜,餃子底部煎至金黃,皮薄饀足,菜肉比例恰好,肉味香濃,肉質鮮嫩多汁。

生啤酒
生啤酒冰涼解渴,色澤金黃亮麗,頂層泡沫濃稠細緻,口感澀味濃郁,新鮮清爽,酒香清醇,口味柔和。

赤武 F 吟釀
色澤清澈透亮,味道清爽,入口先帶新鮮水果的味道,猶如密瓜、白桃等,再有陣陣米香味,結尾則帶辛口。

總結而言,環境簡樸溫馨,乾淨衛生,食材新鮮美味,如果份量可以再作調整,添加一點便更完美,但整體良好,是與朋友吃拉麵店的不錯選擇。

參觀日期:2019年12月
    • 划算度
    • 服務
    • 食物
感謝 PatrickCheung0502
該評論乃TripAdvisor會員主觀個人意見,不代表TripAdvisor LLC公司。

去過金色不如帰嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。