以前去開元朗，間中都會去永年食下車仔麵。估唔到係沙田都開左間永年車仔麵，依間仲要係間概念店，充滿著懷舊既「香港特色」。入到去，本身只係想食返個車仔麵，回味一下。點知見到佢有懷舊鐵板餐喎，所以叫埋個鐵板，試一試佢既懷舊鐵板餐。

美國安格斯封門柳 (七成)黑椒汁 $238
鐵板套餐有好多款式，除左鐵板主菜之外，仲會包埋沙律或餐湯同飲品，夠晒份量，一定滿足到食肉獸！
鐵板上到枱熱辣辣，d汁淋上去渣渣聲，聽到都流晒口水了。慢煮烹調既封門柳，切開之後，肉汁依然封係肉入面，牛肉嫩滑粉紅，食落去肉味濃、肉質滑嫩唔老，旁邊仲有好多配菜，食落都唔會覺得好Heavy！

招牌鐵板佛跳牆車仔麵 (全港首創) $208
第一次食車仔麵見到有佛跳牆。個麵出到黎真係o晒咀，入面放左鮑魚、花膠、金蠔、大花菇、蝦乾夠晒真材實料。底下仲有好香脆既麵。鮑魚夠晒彈牙結實，花膠厚實大大件夠入味，金蠔大隻鮮香。估唔到永年可以將車仔麵玩到咁出神入化，真係大開眼界。

牛油果薯仔蝦沙律
沙律味道清新，牛油果好香甜，加埋大蝦同薯仔，配搭簡直是一絕。

周打蜆肉魚湯
湯加15蚊升級左做酥皮湯，酥皮非常香脆，周打蜆肉魚湯味道香甜濃郁好滋味。

懷舊蝦多士
多士炸得夠晒香脆，又唔會好油，好有蝦香味，配埋沙律醬，好正!!!

黑芝麻西多士伴雲呢拿雪糕
黑芝麻醬係多士入面，好香黑芝麻味，配埋雲呢拿雪糕食，味道好夾。

抹茶紅豆冰
加左好多紅豆，紅豆有起沙，唔算太甜同抹茶係絕配。

總結︰餐廳係行懷舊路線，裝修好有心思，門口燈牌係用傳統既燈箱，桌布係用綠色格仔條紋，好有年代感，好似返返去80-90年代咁，好適合黎打卡。食物黎講，雖然佢唔係做港式扒房出黎身，但我覺得佢比得上好多港式扒房既質素，又夠晒大份，價錢合理，鐘意食鐵板既朋友黎到一定唔會失望。

永年由最初的車仔麵，然後有小菜，現在連鐵板餐也有，下班晚餐又多一個選擇。
最簡單選2人套餐，有齊沙律/湯+主菜+小食+飲品。

紅豆奶茶冰 （另加$9升級）
永年推介飲品之一，茶味香濃，不會過甜，紅豆也夠大粒。

餐桌配上格仔檯布，好有懷舊風味。

牛油果薯仔蝦沙律
蝦肉大隻爽口，牛油果夠熟，薯仔夠軟腍，配合沙律醬一起品嚐，美味極了，必食！

招牌港式酥皮牛尾羅宋湯 （另加$18）
蒜蓉包 （另加$18）好鬆脆可口

牛尾羅宋湯，湯微酸夠開胃，有牛肉好足料。

瑞士雞翼，夠入味

懷舊蝦多士，多士幾有咬口，中間有蝦膠有點彈牙。

美國安格斯封門柳
選擇5成熟，易切開，咬開鬆軟之餘帶點嚼勁，滲出陣陣肉香。

西班牙熟成有骨白毛豬
金黃色的賣相幾吸引
也是容易切開，肉質嫩滑，有肉香也多汁，黑椒汁也不錯。

新城市廣場地下一直都係有好多餐廳，今日突然之間好想食扒，就搵到呢間港式扒房！我知道永年嘅車仔麵好出名，但呢一間餐廳以食扒為主題，餐廳裝修有懷舊feel

今晚在沙田新城市廣場買完東西，順道在商場內吃晚飯，發現這家香港永年車仔麵茶冰廳有鐵板餐，就來試試水準。

餐廳裝飾的懷舊香港作為主題，有不少香港的特色設計，位置空間感足夠，更少有地用餐枱布。

晚市有不同鐵板套餐可以選擇，今晚選了一個鐵板2人套餐，前菜、主菜、小食、飯品各兩份。

牛油果薯仔蝦沙律
有三隻巨型的大蝦，大蝦有心機地事先去腸，爽彈鮮味，佐以新鮮沙律菜配上千島沙律醬汁，而牛油果薯仔的配搭新奇有趣，輕怡開胃，每一口都有口味口感的變化。

酥皮周打蜆肉湯 +$15
加了$15點了酥皮湯，外層酥皮焗得鬆脆可口，而周打蜆肉湯更是有驚喜，質地濃稠綿密，入口奶油香氣豐富，加上蜆肉的啖啖鮮香，一流。

美國安格斯封門柳
鐵板主菜第一客點了少見的封門柳，最愛封門柳的肉質如牛柳軟嫩，但同時牛肉味卻濃郁可口，入口肉汁豐腴，記得必需across grain地切方可以品味到軟腍的口感，配以永年招辣椒汁，辣度十足，十分惹味。

挪威三文魚
另一客主菜點了三文魚，足足十安士的三文魚，份量驚人，三文魚外層香脆，而內裡肉質厚實，口感滑膩柔美，火喉拿捏精準，剛好熟透而又不會過硬。

秘製瑞士雞翼
小食點了一客瑞士雞翼，滷煮入味，口味甜而不膩，肉質軟嫩不乾柴，醬香馥郁滲透骨肉，有齒頰留香之妙。

懷舊蝦多士 +20
加$20加點了一客蝦多士，蝦多士共三件，底層多士炸透鬆脆，而蝦膠鮮味，蘸點沙律醬同吃，十分可口。

黑芝麻西多士伴雲呢嗱雪糕
另一小食選了西多士作為甜品，西多士即叫即做，所以絕對新鮮熱辣，外脆內軟，而中間夾住黑芝麻餡，味道突出而不過甜，加上雲呢嗱雪糕香甜可口，有驚喜。

凍奶茶/熱柚子蜜
最後餐茶點了凍奶茶及熱柚子蜜，奶茶真材實料製作，能品嚐到香濃茶香及幼滑奶味，十分不錯，而熱柚子蜜則清甜可喜，味真潤喉。

屋企人懶得煮，放工近近地叫咗我去買外賣食。

見永年出咗扒餐，就決定買返去一齊食。

美國極佳封面柳：牛柳叫咗7成，肉質都唔鞋，一個餐都配什菜，相當健康。前菜要咗牛油果薯仔蝦沙律，沙律菜新鮮同埋汁都好夠，蝦都爽。

黑椒汁唔算太辣，食到黑椒味但唔係好強個種。

雜扒餐：有雞扒、西冷、豬扒，其實份量都幾大，岩食肉獸玩，洋蔥汁幾香，唔會平平無奇，幾有驚喜！

跟餐野飲叫咗熱奶茶，奶茶茶味搭夠同好幼滑！

其實如果可以一個餐送主菜：飯/意粉會更好！