我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“《點心風雲錄IV》All You Can Eat Dim Sum”
海雲天的評論

海雲天
香港排名第1,982 (共 14,137 間餐廳)
周圍地區: 九龍城區
餐廳詳細資料
周圍地區: 九龍城區
4 週前的評論

早前點心大戰,的確走訪了好多間餐廳,當中都是酒店又或是米芝蓮星級菜館,由$34碟起跳,到$400位都試過,當中都有試過中伏,容後跟大家分享。

由於限聚令下,外賣近日成了主戰場,但點心任食依然有一定吸引力,早幾日就跟朋友造訪了位於紅磡君綽海逸酒店的海雲天。

雖然是平日的一點鐘,但每檯只限坐兩人,所以都全場爆滿,錯有錯著,反而給安排到大廂房,不單止較寧靜,可以同朋友聊天,而且有靠玻璃窗位,可以望到海景,心情都靚D,檯與檯之間寬敞闊落,毫無侷促的感覺。

望望點心紙,大約40幾款,任食點心90分鐘,每位$168,另加茶芥$23,其實連埋加一都係$220左右,畢竟係酒店中菜廳,說起來都相當划算,講真,就算係街坊茶居「一盅兩件」都要幾十蚊落樓。

餐廳有三款點心是限量供應,每位只得一客,原先的蟹蓋之類是通通不見了,大家可要注意。

由落單到上菜不用10分鐘,效率令人滿意,而且無甩漏,值得一讚。

椰皇燕窩燉鮮奶

原個上,熱辣辣好清甜,質地滑溜,正。

蜜汁火方

可能影相太耐,包皮有點乾,但腐皮炸得好脆,而且油溫控制好,所以色澤淡雅,加埋用蜜汁燴過的火腿,口感複雜,層次分明。

富貴鮑魚撻

鮑魚當然細size,撻皮食落仍有酥化感覺,不過不失。

任食點心

蟹籽燒賣

比較實淨,但真材實料,蝦肉爽彈,不錯。

翡翠明蝦餃

蝦餃皮擀得夠水準,皮薄而柔韌,略嫌摺紋未夠多,蝦肉清爽,好味,難怪聽聞有人單點蝦餃,食足幾十隻,真係回本。

黑金流沙包

用竹炭粉搓包皮,鬆軟可口,餡料流心個人覺得可以多少少。

冬陰功豬皮魚蛋

好有趣既組合,但個人始終喜歡咖喱魚蛋。

碧綠鮮蝦腸粉
腸粉皮可以更薄,蝦肉爽彈,合格。
脆皮南瓜餅

賣相幾神似,外層炸至微脆,內裡是熱燙的豆沙蓉,正。

鮮果沙律鮮蝦筒

令自己想起係「東來順」的不快經驗,今次好好多,春卷皮炸得脆卜卜,蝦肉跟沙律好合拍,有時候星級餐廳未必好,平民餐廳都會有驚喜。

擂沙湯圓

一碟4件,口感QQ,可以一試。

皮蛋瘦肉粥

廣東開花米粥底,但幾杰身,好易飽肚,但好彩細細碗。

蒜蓉蝦蒸飯

用小鍋上,蝦蒸得有點乾身,下次可以不理。

魚湯浸菜苗

食得太多重口味,來碟清清地菜蔬,菜苗幾嫩,不錯。

胡椒鹹菜豬肚

豬肚同鹹菜都煮得好稔,幾重胡椒味,啱我。

鮑汁雞腳

好正常,純粹想啜下腳指,過口癮。

日式海苔茄子

茄子切粒後蘸上炸漿,都幾薄身,而且油份算輕盈

椒鹽豆腐粒

其實可以炸得更乾身一點。

黃金涼瓜條

朋友指定要食,薄薄的一層咸蛋黃好香口。

乾扁蓮藕條

雖然服務員好心提過話好咸,但食落又不太覺得,反而好爽脆,幾惹味。

椰汁紅豆糕

至於壓軸食紅豆糕清清味蕾都好吖!

胃納有限,計落其實90分鐘內只係試了17款點心,當然會有滄海遺珠的感覺。

至於其他點心有金鈎潮州粉果、蜜汁叉燒包、馬蹄牛肉腸、珍菌松露上素餃、迷你焗葡撻、香芋鮮排骨、鮮竹牛肉球、金珠鹹水角、白肉鮮竹卷及豉椒醬皇蒸鳳爪,就算只得一兩件,大家未必可以試足咁多款。

甜品類仲有黑糖蜂巢糕、香草綠豆沙及金絲蜜糖脆脆。

加上澱粉質類既XO醬炒腸粉、豉油皇炒麵、鹹魚茸雞粒炒飯及荷香珍珠雞。

前菜及小食仲有白灼菜心、手拍青瓜、川味口水雞、冰鎮豬手、千島醬煙鴨胸、南乳雞中翼、紅腰豆雜果沙律及肉鬆豆腐,我諗一般人都係只可以食到15款左右,若然閣下係大胃王,又喜歡食點心,真係值得去試下。

參觀日期:2020年9月
    • 划算度
    • 服務
    • 食物
感謝 foodiephilip
該評論乃TripAdvisor會員主觀個人意見,不代表TripAdvisor LLC公司。
發表評論評論 (29)
旅客評分
旅客類型
一年中的時間
語言

1 - 5 則評論(共 29 則)

2020年9月9日的評論 透過行動裝置

這個疫情關係,每間餐廳都做優惠吸引客人。來到每枱都是食這個蟹宴,當然都是推介問題。
先說一下頭盤3小件,烤麩味道怪怪的。蟹肉燕窩羹有點鯹。蛋白算是最出色的,很滑。蟹蓋洋蔥太多,蓋過蟹肉的味道。灌湯餃內沒有餡料。最後那個蟹肉伊面,更是沒有味道的。

參觀日期:2020年9月
1  感謝 PPKY2018
該評論乃TripAdvisor會員主觀個人意見,不代表TripAdvisor LLC公司。
2020年8月21日的評論

這是一個酒店裏頭的中菜部酒樓裝修來說,並不算新,如果坐在那邊無敵海景窗口位,算是加分位。至於其他座位就不怎麼樣,但是如果沒訂到窗口位的話,要花相當長時間輪候,因為沒有太多窗口位,食物方面,由於是酒店的關係,外形賣相都算比較講究,餐具餐桌佈置都算比較高級,這方面還算不錯,味道方面,應該算是水準之上,在最近流行的點心放題來說,可以給客人隨意配合點心的件數,例如燒賣可以在點心紙上面寫兩粒或者三粒,都有仔細的劃分,這樣就可以讓客人,在有限的時間,有限的食量之中,點選到最多不同種類的點心,而且在健康之選,素食方面,選擇算是比一般舊式酒樓多很多!焦點提到芝麻醬A菜,這個清新之選,很是亮眼,點心放題,不過不失,尤其是中午較後時段,是較划算的經濟之選!

參觀日期:2020年4月
    • 划算度
    • 服務
    • 食物
2  感謝 Kyckyc100
該評論乃TripAdvisor會員主觀個人意見,不代表TripAdvisor LLC公司。
2020年8月1日的評論

疫情期間怕去街坊酒樓飲茶,始終怕衛生程度不夠高級。倒不如對自己對朋友好D,
今次就去咗位於 海逸君綽酒店的海雲天 飲茶, 酒店門面光鮮不在話下, 餐廳坐得舒服, 食客與食客坐位之間夠寬闊, 最重要係180度環迴大海景, 一路食點心維港嘅景色盡在眼簾,一路食一路嘆, 而且酒店環境乾淨衛生,食都食得安心 。
呢度點心係用qr code落單仲可以免除紙筆同人手。 食物選擇亦都幾豐富,蒸品當然少不了蝦餃燒賣, 另外仲有特色嘅海蝦蒸飯,
蟹籽燒賣皇
燒賣豬肉味濃, 而且蝦肉也大隻, 加添了燒賣的口感,豐滿大粒, 鬆化爽口
原隻鮮蝦餃
蝦餃非常彈牙,入口鮮甜蒸得剛剛好。
富貴鮑魚撻
外層整得非常鬆化, 內除了有一整隻鮑魚外也有鹹香的雞肉粒,一口一個撻滋味勁滿足。
黃金涼瓜
即叫即炸,咸蛋香味四溢, 加埋帶甘的苦瓜,層次豐富, 非常惹味
黑糖蜂巢糕
橫切面整個洞洞分明,面層溼潤, 中間軟而Q帶膠質狀,口感特別
香滑嫩雞粥
雞肉和粥都散發清香, 而且雞肉煮得唔柴, 即使放粥仍然非常嫩滑 。
椒鹽豆腐粒
粒粒炸得金黃, 外脆內嫩, 咸咸地一口一粒超好食。
碧綠鮮蝦腸
鮮蝦彈牙爽口, 腸粉 粉皮不會太削,不錯。
潮州粉果
粉葛蘿蔔肉碎塞得滿滿的, 夠味但係又唔會有味精味,細細口超好食。
沙律鮮蝦筒
沙律鮮蝦筒即叫即炸, 鮮蝦和沙律醬的味道也挺夾的。
魚湯浸菜苗
清嫩暖肚。
乾扁四季豆
四季豆清脆的, 吃起來鹹香下飯,少油爽口
日式炸茄子
一口一粒外脆內嫩,最重要係不會有油膩感,
臨走仲每位逢送 椰皇燕窩燉鮮奶,滋陰潤肺,清熱解毒, 鮮奶燉得嫩滑,刮埋入面的椰肉同吃,清甜中仲有淡淡椰奶香味。

參觀日期:2020年7月
    • 划算度
    • 服務
    • 食物
感謝 phonebus
該評論乃TripAdvisor會員主觀個人意見,不代表TripAdvisor LLC公司。
2020年7月20日的評論

90分鐘任食點心放題,揀咗14:30-16:00時段,當日入座率大約七成滿;任食41款招牌點心,其中每位奉上富貴鮑魚撻丶花膠瑤柱灌湯餃丶芝士焗蟹蓋各一份。

點心放題 $168/位
茶 $23/位
另加一服務費

富貴鮑魚撻
鮑魚仔一隻,酥皮撻內有雞肉粒丶菠蘿粒

花膠瑤柱灌湯餃
好香瑤柱味,一片花膠,灌湯餃入面有蝦粒丶瑤柱丶冬菇丶豬肉碎

芝士焗蟹蓋
輕量芝士脆脆面,入面有蝦粒丶甘荀粒丶西芹粒

試咗12款招牌點心,其中幾款特別推介:

黃金涼瓜條
每條涼瓜都掛滿鹹蛋皇沙,每一啖都有鹹香,涼瓜帶甘甜,必試!

蟹籽燒賣皇
足料燒賣皇,蝦肉新鮮彈牙

黑金流沙包
竹炭黑色外表,仲有金箔做點綴,撕開後流出香滑嘅奶黃餡,色香味俱全

碧綠鮮蝦腸粉
鮮蝦爽口彈牙,雖然腸粉皮唔算好薄,但口感嫩滑,有米香

椰汁紅豆糕
椰汁味濃,大約1/3係紅豆粒,細細件,餐後一點甜

參觀日期:2020年7月
感謝 jy0v0
該評論乃TripAdvisor會員主觀個人意見,不代表TripAdvisor LLC公司。

去過海雲天嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。