我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“台灣味道”

燈籠滷味-香港
香港排名第4,124 (共 13,987 間餐廳)
餐廳詳細資料
2020年7月4日的評論

又是一間曾經排長龍的過江龍食店。好好彩,因為下雨天所以冇咩人排隊,不過都要等5分鐘左右,所以都算快like你得依度梗係食滷味㗎啦,但係都要叫返個小食同嘢飲嘅,因為一場嚟到梗係要試埋。 鹽酥雞。炸雞通常俾人感覺冇咩特別,但依個鹽酥雞真係值得一讚,因為真係好台灣風味,真係好似夜市嘅炸雞咁,然後再加上九層塔,真係有種畫龍點睛嘅感覺like.

台式奶茶。算係不過不失,正常冇咩特別。唔算出色,有應該要有嘅水平

滷味。個人認為佢嘅滷味都比較入味,唔會剩係得個湯底係要味,蘿蔔牛腩豬腸係推介,都好食,都有七成似台灣嘅燈籠滷味。

台灣腸。算係咁啦,因為應該都係現成台灣腸買返嚟煎熟配上蒜頭就上枱,所以依樣野係冇咩期望之餘又冇咩特色,只係當你掛住台灣嘅時候可以食返條香腸,回味一下

總括嚟講價錢係可以接受嘅但係都偏貴,可能始終台灣食覺得平,但變咗嚟到香港就會覺得偏貴,就算去其他粉面店加個小食埋單都要五六十蚊,但係$60喺呢度都可以買到單,所以對比香港其他小店,以過江龍來講又唔算貴。

參觀日期:2020年6月
    • 划算度
    • 服務
    • 食物
感謝 kkyy0401
該評論乃TripAdvisor會員主觀個人意見,不代表TripAdvisor LLC公司。
發表評論評論 (7)
旅客評分
旅客類型
一年中的時間
語言

1 - 5 則評論(共 7 則)

2020年4月5日的評論

最近很想去台灣,很懷念當地食物的味道希望疫情能盡快過去,人人都可以去旅行,散散心今天中午的時候,去了一間新開的台灣過江龍餐廳,以解我思「滷味」之愁
-
這間店是台北師大夜市的滷味專門店,除了售賣各種惹味的熱食滷味,還有很多台灣小食、飲品和甜品,款式多,而且價錢不會太貴
-
1. A·師大超人氣組合配冬粉(粉絲)$59
這個套餐的材料很豐富,有甜不辣、白蘿蔔、豬肉片、杏鮑菇、高麗菜和花枝丸,全部都滷得很入味,而且還有淡淡的藥材味,又香又好食麵底方面,本人選了粉絲,因為是個人喜愛的配搭,吸汁力強,而且店家煮得也不會太腍,很好食
-
2. 黑糖珍珠奶茶(跟餐另加$18)
飲品方面,可以選擇冰或熱、甜度、多少的冰塊及另加珍珠或仙草。這次我選擇了正常的版本,覺得奶味比茶味更濃,而珍珠都幾多粒,而且也彈牙,不錯

參觀日期:2020年2月
    • 划算度
    • 服務
    • 食物
感謝 glassesgor
該評論乃TripAdvisor會員主觀個人意見,不代表TripAdvisor LLC公司。
2020年3月28日的評論

心態決定境界,要扭轉乾坤從來唔係得個講字。
好多人太過執著命數,硬係覺得好醜命生成,
但事實往往都係未試過就縮沙,衰左又賴個天,
咁又公平咩?凡事保持樂觀態度,我相信人善
人欺天不欺既。好似呢間台北過江龍「燈籠滷味」
逆市而行,將師大夜市人氣高企既滷味引入香港,
就算而家疫情飛唔到去台北,係銅鑼灣都食到
最正宗既台灣滷味!
-
自由是個好東西 -
▪ 甜不辣 - $11
▪ 豬肉片 - $11
▪ 花枝丸 - $10
▪ 白蘿蔔 - $9
▪ 王子麵 - $12
▫ 佢地既滷味有成20幾款咁多選擇,我呢D選擇困難症
揀到出年都未必揀到。不過餐廳講得岩,命運始終掌
握係自己手既,都係自己揀返鍾意食既,一次過試哂
餐廳最HIT既配料啦。當中既甜不辣主要味道來自
吸收左滷水湯既濃香,食落同魚糕一樣,煙煙韌韌
有彈性,最岩用黎送麵;而呢個麵底我揀左個王子麵,
質感比粉絲粗身d,但同樣有爽口彈牙既口感,唔錯。
-
綜合滷味拼盤 - $48
▪ 豬腱肉 -
▪ 豬耳朵 -
▪ 雞翅膀 –
▪ 雞脖子 -
▪ 雞腎 -
▫ 話明係滷味專門店,當然整返個滷味拼盤支持下啦。
聽聞餐廳既食材大部份都係來自台灣總店直送,
而當中既滷水湯就係由十幾種藥材熬製而成,
啖啖都係心血結晶黎呀。新鮮滾熱辣既豬腱肉、
豬耳朵好有咬口,吸收哂滷湯精華,夠哂入味。
而雞脖子睇落好得意,好似雞子咁,質感滑溜,幾惹味。
-
甜點 -
▪ 綜合芋圓 - $28(+6)
▫ 佢地既芋圓都係出自手工製,由台灣新鮮直送,
除左最基本既配料,例如係番薯圓、紅豆、珍珠外。
只係需要加$6就有我最愛既仙草凍啦,成碗份量均真,
甜度適中,芋圓唔會過硬,又有芋頭香,
呢個價錢認真唔錯。
-
冷泡茶 -
▪ 冷泡四季春茶 - $18
▪ 冷泡桂花烏龍 - $18
▫ 兩杯係呢個開始潮濕既天氣真係係零舍解渴,
冷泡茶平時出面好少飲到。雖然呢到係預先沖好,
放入樽賣,但茶味依然保持到甘香香醇,
飲落去非常舒服。
-
燈籠滷味
銅鑼灣登龍街39號地下

參觀日期:2020年3月
感謝 lankiman6330
該評論乃TripAdvisor會員主觀個人意見,不代表TripAdvisor LLC公司。
2020年3月19日的評論

唔洗去台灣都可以食到台灣夜市必食嘅滷味啦!
由十二月開始苦等到而家,
來自台灣台北師大夜市「燈籠滷味」終於登陸銅鑼灣啦!

「燈籠滷味」主打台式熱食滷味,
除左有台灣直送嘅滷味之外,
亦都有香港限定配料。

配料非常豐富,有30款之多,
麵底除咗有來自台灣嘅王子麵,
仲有香港限定嘅冬粉(粉絲)、稻庭烏冬等。
肉方面有店招牌豬耳朵和豬腱肉,
其餘仲有雞翅膀、大腸、雞腎等。
蔬菜和火鍋料選擇都好多,
台灣地道小食甜不辣、鴨血、米血糕都有!

挑選晒各款佳麗之後,
店家就會將佢地擺入秘製滷湯熬煮,之後就食得啦!
店家嘅滷湯係由台灣總店直送,保證味道正宗!

小編最鐘意食冬粉(粉絲),
鐘意佢嘅吸湯力,吸盡滷湯嘅精華,正!☺️ 推薦❗️

推薦❗️鴨血好軟嫩,鮮香味美!

雞翅膀滷得入味,不錯吃!

一睇就見到大腸幾肥美~

其餘配料揀左杏鮑菇和芋絲。

小妹就揀左台灣人氣麵食—王子麵,
其實係好似公仔麵咁,不過更幼更爽彈~推薦❗️

推薦❗️台灣地道小食甜不辣
口感就如魚糕,煙煙韌韌。

豬耳朵不愧為店招牌!推薦❗️
豬耳朵嘅外皮軟彈,加上中間嘅軟骨夠脆口,口感好有層次!

豬腱肉滷得好入味,
不過口感就唔係軟嫩個種,唔係小妹杯茶。

好少在香港見到有鵪鶉蛋食,係台灣夜市滷水必選!

台灣將唐生菜稱為大陸妹,食完當去左敞台灣罷啦!

除咗麵食之外,
仲有多款台灣特色小食~
滷肉飯、九份直送手工芋圓、香脆地瓜條等。

推薦❗️香炸花枝丸拼貢丸($28)
即叫即炸,記得襯熱食!☺️
貢丸一咬開就咇晒d肉汁出嚟,好味呀!
不過花枝丸就普通啦,食落有啲粉感。

飲品當然唔少得台式手調飲品,超過10款選擇,有港人最愛的黑糖珍珠。

推薦❗️紅茶豆漿($22)加珍珠(+$4)
冇諗過紅茶同豆漿咁夾,
有齊茶香同豆香,唔會蓋過大家嘅味,
不過珍珠就比較普通。

參觀日期:2020年3月
    • 划算度
    • 服務
    • 食物
感謝 foodie_talk
該評論乃TripAdvisor會員主觀個人意見,不代表TripAdvisor LLC公司。
2020年3月3日的評論 透過行動裝置

行咗成個下晝,#小秘書 肚仔開始有啲餓 本來諗住由 #希慎廣場 搵食,點知都係千篇一律嘅連鎖店,唯有行多幾步,嚟到 #燈籠街。喺街頭望過去無幾遠,見到一條人龍圍住間 #小店... 望落似曾相識,記起原來係 #校長 早排喺 #IG 介紹過嘅一間 #台式小店 燈籠滷味 香港 雖然唔知係乜東東,但係 #小秘書 已經被 #滷水汁嘅香味 同 #人氣 吸引住。

今日天熱好熱,不過 #食物嘅香味 就一直陪伴着我哋 等咗大概十分鐘,終於輪到我哋。簡約嘅裝修、襯托台式嘅掛畫/裝飾,有一種特別嘅味道。餐牌上嘅食物都以 #台式食物 為主,我哋每人叫咗碗麵 再加咗 #花枝丸 拼 #貢丸、#滷味拼盤做 #小食,當然一定要加埋 #黑糖珍珠奶茶 先至夠「台型」啦。今日特別啲,我無要咗 #粉絲 做主食,配以 #鴨血、#白蘿蔔、#豬腱肉 做配料 #師傅 將食物保存傳統台式味道,對於 #小秘書 嚟講,口味似乎係重咗啲,不過入鄉隨俗,整體都OK嘅 #鴨血 口感尤其嫰滑,而 #貢丸 更出乎意料,意想唔到一咬落去肉汁標哂出嚟,好彩冇彈到對面嗰個咋 至於個 #滷水拼盤 就樣樣有啲,整啱我呢啲心多多俾人客喇❤️ 大家有機會都可以去試吓呀

參觀日期:2020年3月
1  感謝 SandwichesClass
該評論乃TripAdvisor會員主觀個人意見,不代表TripAdvisor LLC公司。

去過燈籠滷味-香港嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。