我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“香港原味道”
港原味的評論

港原味
香港排名第3,666 (共 13,808 間餐廳)
周圍地區: 油尖旺區
餐廳詳細資料
周圍地區: 油尖旺區
4 週前的評論 透過行動裝置

GOOD
第一個是黑松露焗雞扒長通粉, 食落去松露味好香,份量十足 ,長通粉都不會太過軟淋淋, 芝士味亦都好香。

另外一個是紅燒豆腐,食落去好滑身,質地唔會太硬, 中間亦都有少少肉碎,好香入面仲有啲欖角等配菜,食落去增加好多口感 ,送飯一流。

第三個是叫特色小菜,叫是咁的三色蛋, 餸菜一上嚟,我都比較驚喜,而三色蛋分別有三樣嘢 ,第一是豬肉粉絲蒸蛋,第二是皮蛋蒸蛋,第三是蝦蒸蛋,三種蛋雖然做法都差不多,但食落去每一種都有不同既感覺,豬肉粉絲蒸蛋入面有粉絲, 本身用豬肉放蛋感覺上會比較粗身,但由於放咗粉絲中和返,食落去都感覺幾好,其次是皮蛋蒸蛋 ,本身皮蛋質地係比較硬身,蒸蛋是比較滑, 用皮蛋配落去蒸蛋嘅話感覺比較特別,而兩種味道本應該係比較不同,佢廚師又可以用合埋一齊,而感覺又幾特別, 呢樣值得一讚, 最後是蝦蒸蛋,可以用蝦嘅鮮味運落去蒸蛋度感覺一流,既有海鮮味又有蛋既好滑感覺。

Address:大角咀福澤街18號利奧坊地下G701號舖

參觀日期:2020年5月
感謝 foodiehalohalo
該評論乃TripAdvisor會員主觀個人意見,不代表TripAdvisor LLC公司。
發表評論評論 (7)
旅客評分
旅客類型
一年中的時間
語言

2 - 6 則評論(共 7 則)

2020年4月21日的評論 透過行動裝置

餐廳:港原味 (大角咀)
地址:大角咀福澤街18號利奧坊地下G701號舖

3月17日新開張嘅港式新派菜餐廳港原味座立係大角咀利奧坊地下,為左慶祝新開張由即日到4月19日仲有無條件全單9️⃣折,like餐廳facebook或者IG再打卡仲有8️⃣折優惠,仲無加一收費架

餐廳室內設計左幾幅同香港有關嘅噴畫,好有心機好有特色,一坐低就有小食送上,同普通茶餐廳與別不同。難得黎到緊係要叫返幾碟招牌菜啦

非洲炒飯 $70
估下呢個非洲炒飯係咩黎?睇佢嘅顏色就知點解係叫咩個名,用上菘子、蝦仁、火腿、肉碎再加甜豉油炒香嘅飯,比左個surprise我就係炒飯味道唔濃唔鹹,岩哂唔太鍾意濃味嘅我

蕃茄愛玉子 $88
本身以為係普通蕃茄炒蛋,點知原來真係用玉子黎整呢碟蕃茄愛玉子,先唔好講玉子份量好多,有成接近十舊,而且玉子外皮脆內層軟,比平時食開嘅玉子更有咬口

咖哩雞肉農夫包 $99
大大個香脆嘅農夫包切開,以咖哩雞肉作為餡料,惹味嘅咖哩汁滲透入麵包裡面,加上面頭脆卜卜嘅農夫包,真係好有風味,忍唔坐食完一舊又一舊,黎到一定要試下呢個特色美食

每日經文:我口所出的話也必如此, 決不徒然返回, 卻要成就我所喜悅的, 在我發他去成就 的事上必然亨通。
‭‭——以賽亞書‬ ‭55:11‬

參觀日期:2020年4月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2020年4月10日的評論

係匯豐返工嘅朋友話匯豐中心附近開左間港式新派菜—「港原味」,
係佢地平時嘅飯堂,
因為主張無味精,少鹽少油,健康配搭嘅菜式,所以好受OL歡迎,
所以小編咁啱係附近做完嘢就去試下啦!

餐廳外牆全以落地玻璃打造,
感覺開揚光猛,乾淨企理,一覽無遺~
全店嘅牆壁都畫上充滿香港特色嘅壁畫,
係六七十年代嘅香港街頭舊模樣,
舊式嘅紅巴士、霓虹燈牌和見證住啟德機場嘅九龍城寨,
流露着昔日香港風情~

除左有傳統嘅中式小菜之外,
仲有加入左西式元素嘅芝士黑松露焗飯,
新張嘅關係,
而家全店做緊9折優惠,外賣更可享有8折呢~

新張大酬賓嘅關係,
每人都可以有一份水晶肴肉作前菜小食,不錯吃!

我地最後叫餸食飯,order左三個小菜。
每個菜式都奉送白飯一碗,
加$8仲有老火湯。

是日為南瓜花生雞腳湯
橙黃色嘅南瓜湯,
味道香濃鮮甜,感覺足料又冇味精。

⭐️推薦❗️西檸雞扒($80)
傳統嘅西檸雞係用炸雞扒,
不過「港原味」推行健康主意,
所以採用煎雞扒,少油少鹽,
連西檸汁都原汁原味,冇加好多糖,比坊間食開嘅更酸香。☺️

椒鹽鮮魷($98)
炸皮唔會太厚,炸得夠香脆,
鮮魷都幾新鮮,口感爽彈。

⭐️推薦❗️金銀蛋時菜($65)
上湯有齊皮蛋、咸蛋同蛋花,
芥蘭嘅份量都幾多,又夠鮮嫩爽脆,不錯!

所有餐點都奉送熱飲,凍飲加$3,特飲加$10。
雪山紅豆冰(原價$30)
原來雪山係加鮮忌廉嘅意思~
紅豆軟腍又不失口感,加上鮮忌廉,更香滑。

參觀日期:2020年3月
    • 划算度
    • 服務
    • 食物
感謝 foodie_talk
該評論乃TripAdvisor會員主觀個人意見,不代表TripAdvisor LLC公司。
2020年4月10日的評論 透過行動裝置

今日來到了位於大角咀的港原味,餐廳的裝潢以老香港為主題,別具特色。我們點了芝士黑松露牛肉農夫包、辣子鮮雞和金銀蛋時菜。小菜套餐均有配有白飯和飲品。
先來的是贈送的前菜鎮江肴肉,酸酸甜甜,非常開胃。
農夫包可選咖哩或芝士黑松露,和自選肉類,而且有薯仔、洋蔥青紅椒等配料。包烘得香脆,配搭芝士黑松露醬汁,不錯。
辣子鮮雞又麻又辣,非常惹味,雞亦炸得香口,愛吃辣的朋友可以一試。
金銀蛋時菜店員推介娃娃菜,以金銀蛋高湯浸煮,非常清新。


港原味
大角咀福澤街18號利奧坊地下G701號舖


參觀日期:2020年4月
1  感謝 delish_hk
該評論乃TripAdvisor會員主觀個人意見,不代表TripAdvisor LLC公司。
2020年4月9日的評論

和老公來大角咀取包裹,辦完事後,見時間已不早,決定在附近吃頓晚飯才回家。

記得早幾日有網友介紹「福澤街 利奧坊」一間新開的茶餐廳,據說店舖不但主打港式新派菜,而且還有不少撚手小炒、香口美食、"蒸"選小菜等供應,反正晚飯還沒想到吃甚麼,一於過去碰碰運氣。

餐廳於佈置上明顯花了不少心思,門面用上一排大型的落地玻璃作設計,可以清楚看到內裡環境,感覺開揚。店內裝潢亦別具特色,全餐廳的噴畫都是由俄羅斯藝術家畫出,每幅都有唔同主題,色彩鮮明搶眼,好值得來打卡影相!

我哋揀咗三個菜式,每個小菜都會奉送熱飲及白飯一碗,如果想轉凍飲就要 +$3、特飲 +$10、配足料靚湯就要另 +$8。

是日足料靚湯 (+$8) 為木瓜藜麥羅漢果湯,湯身呈淡啡色,味道相當香濃,內有不少清甜軟身的木瓜,入口順喉滋潤,絕對無落味精,啖啖都有家的感覺。

魚香豆腐 ($78):魚香茄子就食得多,但魚香豆腐反而係第一次試。原來這客魚香豆腐同麻婆豆腐嘅賣相很相似,面頭淋滿醬汁,再灑上青綠的蔥花,上檯時仍熱烘烘,挺吸引。豆腐相當滑溜,食落富豆香。醬料做得很有水準,充滿鹹魚的香氣,加上豬絞肉的口感,完全被豆腐吸收曬,惹味好吃。

糖醋魚塊 ($88):魚塊分量十足,一客大約有八、九件,每件大小相若,上檯時傳出陣陣酸香,讓人食慾大增。咬開一試,外層炸漿薄身,內裡肉質非常嫩滑,入口啖啖肉。醬汁稀稠度剛好,緊緊掛在魚塊上,入口酸甜有致,用來拌飯吃一流。

椒鹽鮮魷 ($98) 水準亦唔錯,夠曬鑊氣,咬落彈性十足,帶脆口,不太腍亦不太韌,而且粉漿極佳,只是薄薄的一層,不會炸得太乾身,入口金黃鬆化又不死實,連喼汁也不用蘸!

飲品點咗凍柚子蜜 (+$3) 同雪山紅豆冰 (+$10),柚子蜜的甜酸度調校得啱啱好,入口冰涼解渴。紅豆冰水準亦不俗,味道唔會過甜,杯內放咗勁多紅豆,兼且煲得夠綿,入口飽滿清甜,令人飲得很暢快!

參觀日期:2020年4月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。

去過港原味嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。
*TripAdvisor LLC 並非預訂代理商,而且不會向本網站使用者收取任何服務費用…
TripAdvisor LLC 對外部網站內容概不負責。 優惠方案價格不含稅金與其他費用。