我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“高質港式餐廳🍴”
港原味的評論

港原味
香港排名第3,142 (共 15,259 間餐廳)
周圍地區: 油尖旺區
餐廳詳細資料
周圍地區: 油尖旺區
2020年11月16日的評論 透過行動裝置

位於大角咀呢一間餐廳地點鄰近西鐵奧運站,
大約行4分鐘左右就到啊!

餐廳外表比較地道,而且坐得舒服,環境寧靜,而且牆身可以做打卡點,要來影相一流!

餐牌方面味道款式多元化,比較切合香港地道小炒,而且菜式分類清晰,有肉有菜有海鮮!

今次我哋叫咗係一份二人餐($198),小菜任選兩款,白飯兩款,還有一款甜品!另外單點左一份招牌菜咖喱包配牛肉

首先講吓兩個小菜係椒鹽鮮魷魚同埋西檸雞
肉質爽脆鮮甜,肉質都唔會乾身,唔會太油膩,炸得岩岩好 好香口!

西檸雞呢個小菜對於我來講係出色,首先講吓佢個醬汁酸甜,檸檬味重而且唔會太酸!雞肉既軟厚度適中。口感好有特色,再配合埋個醬汁,真係好好味,呢樣菜式非常值得叫黎食,因為喺屋企未必會花咁多時間整嚟食!

招牌菜咖喱包配牛肉:個包包係非常脆口 再配合咖喱汁其實都冇得輸!咖喱汁本身偏甜,我個人來講覺得OK。

甜品方面係甜心蘋果,蘋果入邊有糯米飯,酸酸甜甜咁好開胃!

以下5分為滿分
環境:
服務:
衛生:
美味:
整體:
推介度:

參觀日期:2020年11月
2  感謝 Kayleychan2
該評論乃TripAdvisor會員主觀個人意見,不代表TripAdvisor LLC公司。
發表評論評論 (12)
旅客評分
旅客類型
一年中的時間
語言

1 - 5 則評論(共 12 則)

2020年11月8日的評論 透過行動裝置

今日同朋友行經奧運站附近,想喺附近食埋飯傾下計,行經過港原味,落地玻璃望入去見到內部設計超吸睛,好有香港特色,展示咗舊式香港嘅風貌,睇得出設計好有心思,而且光線好充足,於是就決定入去試吓

招牌酸菜魚(小)($108)奉送白飯一碗
- 一上枱就香氣撲鼻,對於鍾意食酸食辣嘅人來講望住已經令人流晒口水
- 魚片嘅厚度啱啱好,魚片新鮮甜,美食到舔舔脷
- 辣度適中,香辣得有餘韻,適合香港人口味
- 酸菜魚果然係飯小偷,送飯一流

干炒牛河 ($69)
- 牛肉片好大件,食落啖啖肉,好滿足;牛肉嘅肉質鮮嫩,一啲都唔會老
- 炒河份量十足,好大碟,食到好飽
- 炒河炒得好有鑊氣,食落勁有風味
- 擺盤設計都好靚,有放心思,值得一贊

凍港式奶茶(+$3)
- 食辣嘢飲凍奶茶簡直係絕配
- 茶底好濃郁,口感都幾順滑

意大利芝士蛋糕配一口泡芙($35)
- 意大利芝士蛋糕口感都好綿密,甜得又有少少回甘,作為飯後甜品一流
- 泡芙都好好食,一啖咬落去啲cream爆晒出嚟,好正

今日食得好開心,環境闊落、舒適,食物質素都好唔錯,非常滿意

參觀日期:2020年10月
感謝 bon_bon_foodie_zone
該評論乃TripAdvisor會員主觀個人意見,不代表TripAdvisor LLC公司。
2020年10月29日的評論

收工約左屋企人黎呢到食飯,大角咀其實真係好多餐廳,七點黎到吾算太多人。 睇睇menu見個二人餐都幾抵食,$198包任選小菜兩款(呢個抵讚!好多餐廳都會有限制去選擇菜式),仲包兩個湯同甜品。而且每個小菜都會包個飯,所以最後我地就叫左個二人餐再散叫多個小菜。 散叫左個雜菜煲,清清地入面其實都好多料!有芥蘭,西蘭花,瓜,娃娃菜,芋絲同粉絲等等.

原本仲擔心咕嚕京都骨啲豬肉會好鞋,點知一啲都吾會,仲勁厚肉,酸酸甜甜好開胃,吾好睇佢細細碟咁,其實都有成十舊肉左右,啱哂食肉獸。

重點嘅咖喱農夫包,我地叫左雞肉嘅,都算滑身。咖喱好香好濃,帶少少辣,好惹味,食下食下成個包清哂!

另外雪山紅豆冰好正!紅豆好棉密,mix埋忌廉都吾會太甜,啱啱好!

最後個甜品係洛神花燉蘋果, 入面釀咗黑糯米,口感煙煙韌韌,味道亦都吾會過酸,refresh下作為一個好好嘅收尾。

參觀日期:2020年10月
    • 划算度
    • 服務
    • 食物
1  感謝 SandyYIU
該評論乃TripAdvisor會員主觀個人意見,不代表TripAdvisor LLC公司。
2020年10月13日的評論

餐廳裝修好搶眼, 走香港懷舊風, 用黎打下卡, 影下相都唔錯。

咖喱農夫包 - 豬扒 $99
味道: ⚪️
賣相: ⚪️
用港式咖喱製成既農夫包, 平時食既通常都係泰式, 對我個人而言我係幾鍾意港式咖喱, 不過我覺得可以再辣啲。加左沙律菜伴碟減少飽膩感

京蔥爆安格斯牛肉 $70
味道: ⚪️
賣相: ⚪️⚪️⚪️
其實估唔到佢係用薄切既肥牛, 但味道是不錯, 啲京蔥炒埋落去就好香好惹味, 但係如果佢係用牛柳粒或牛肉片會更好。整體望落去就變左啲蔥既比例多過啲牛肉。

香辣水煮魚 $72
味道: ⚪️⚪️
賣相: ⚪️⚪️
睇落去滿滿既辣油, 但比預期中不辣, 可能我都係比較食得辣, 食到後半才開始覺得麻。魚肉用既係普通魚柳, 如果用新鮮魚片應該會更好食。

整體: ⚪️⚪️

IG@cherifoodlog

參觀日期:2020年10月
    • 划算度
    • 服務
    • 食物
1  感謝 cheritraveller
該評論乃TripAdvisor會員主觀個人意見,不代表TripAdvisor LLC公司。
2020年5月23日的評論

今日行過奧運既街巷住揾下有咩新餐廳,原來附近開左個新樓盤叫利奧坊,樓下仲開左好多全落地玻璃既新餐廳.透過玻璃望入去見到一間港式餐廳裏面既牆充滿住好有香港特色既噴畫,見到咁靚當然要支持返本土餐廳.入到去再問店員,原來噴畫既來頭都唔少架,係由俄羅斯畫家親自畫.

黃金鮮魷,一上枱就聞到好濃既鹹蛋黃味,外皮薄薄一層炸漿輕輕包住爽彈鮮嫩既鮮魷.炸漿掛起沙沙鹹蛋黃醬,入口內帶鹹醬黃粒,味道香而不膩.

醬爆茄子,角切茄子軟綿香滑,加上肉醬爆炒夠晒獲氣.茄子吸晒肉醬既香味好惹味.

是咁的三色蒸蛋同時間食晒3款蒸蛋口味,平時既三色蒸蛋係一碟上但呢到係真正將一碟分成三份.蒸蛋既蛋香味重唔會水汪汪咁,入唔夠滑,加左豆腐蝦仁最滑溜送飯超正.

參觀日期:2020年3月
2  感謝 Cantzipmyjeans
該評論乃TripAdvisor會員主觀個人意見,不代表TripAdvisor LLC公司。

去過港原味嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。