我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“樓上飲茶”
盈館的評論

盈館
餐廳訂位
使用外送服務
香港排名第3,951 (共 15,148 間餐廳)
周圍地區: 旺角
餐廳詳細資料
周圍地區: 旺角
3 週前的評論 透過行動裝置

今個週末同媽咪去咗旺角一間商廈飲茶,唔算好多人,可以坐到窗口位,又可以睇電視。當然take點心紙就係交俾我媽咪做啦。佢叫咗個香煎瑤柱蘿蔔糕,蘿蔔糕非常之香,軟硬適中。在嗌咗脆皮鮮蝦餃,同埋黑金流沙包。都幾有水準唔錯。仲有一個脆網金鈎銀羅腸,其實就係蝦腸,但係入邊有一層炸物。主食就有燒腩仔貴花雞瀨粉,我一向都好鍾意瀨粉,唔係度度食得到。最後甜品叫咗個紫米麻沙滋,係日本Cross Over中式甜品。茶錢每人$10 ,點心價錢合理,喺繁忙嘅旺角都唔難搵到位坐得舒舒服服,可能真係要樓上嘅茶樓先做到。

參觀日期:2021年2月
感謝 ClaudiaW0228
該評論乃TripAdvisor會員主觀個人意見,不代表TripAdvisor LLC公司。
發表評論評論 (8)
旅客評分
旅客類型
一年中的時間
語言

2 - 6 則評論(共 8 則)

2021年1月26日的評論 透過行動裝置

今日約咗好耐冇見嘅阿姨去旺角飲茶,上咗去盈館,靜靜地又唔使搵位, 慢慢傾又唔使驚俾人趕走
仲要有下午茶添,實在太抵啦,點心紙都有好多選擇,唔覺唔覺就叫咗好多嘢
叉燒腸,腸粉做得好好,夠滑
鮮蝦菜苗餃,皮薄餡靚最正個水晶皮
豉汁鳳爪,夠晒入味
叉燒包熱辣辣勁多餡
$10.8 有兩隻潮州粉果都唔知去邊度搵
燒鵝瀨粉,唔想食炒粉麵飯咁油膩於是揀咗燒鵝瀨粉
燒賣,大大粒脹卜卜
乾蒸牛肉,兒時最愛,點喼汁!風味一流

參觀日期:2021年1月
感謝 hungrypg
該評論乃TripAdvisor會員主觀個人意見,不代表TripAdvisor LLC公司。
2020年6月19日的評論 透過行動裝置

飲茶一向係我至愛,因可以品嚐不同款式點心又可以放鬆心情與朋友暢談;真是一大樂事。今天約了女友出來聚舊,當然要揾間食物質素有保證的酒樓啦!因女友在新界出來,所以就決定了旺角廖創興廣埸樓上盈館,貪佢交通大家都方便。酒樓裝修普通但座位相隔闊落,坐得舒服。
蘿蔔絲鹹水角
一隻隻蘿蔔仔,買相很 cute。外皮應是加上紅蘿蔔汁做成橙色效果。咬落鬆脆而用料多,有很香冬姑味。
松露菜苗餃
餃皮薄身幾乎內裡食材可看得清楚。鮮蝦彈牙,菜苗嫩身;所以口感唔錯。若然松露可多些令香味提升更佳。
手剁牛肉陳皮腸
腸粉皮薄,牛肉味濃夾有陣陣果皮清香;最重要是食時仍然熱辣辣。
鱆魚肉餅煲仔飯
煲仔飯雖是迷你版但足夠我兩人食。一粒粒的飯煲得乾身,配上惹味鱆魚和肉餅滋味非常和香噴噴。
蛋白杏仁茶
即磨的杏仁茶是絕不欺埸的甜品。碗裏蛋白極多,杏仁味濃耶和香滑。聽部長講原來是卽叫卽磨卽做,唔怪得我們落單後等了一段時間才有得食,但感覺值得。

參觀日期:2020年6月
1  感謝 shirleymonmon
該評論乃TripAdvisor會員主觀個人意見,不代表TripAdvisor LLC公司。
2020年6月12日的評論 透過行動裝置

超值,抵食

明天星期六只有我休息,他們都要上班,想飲茶?其實自己一個都可以,哈哈.........結果今日下午即興走了上去,用午飯時間嘆下午茶。這間創興的盈館,雖然第一次去(因為即興麻,沒想那麼多,見到哪裡可以飲茶,就走進哪裡)。

叫到一枱都是,埋單都只是95元。已包括加一服務費和茶價。相當滿意的價錢,好抵食。

煎薄罉 $16.8
好大個,份量好多 ,微煎,有櫻花蝦和蔥花,邊位煎得比較脆,其餘就有點糯感,微彈微韌。

生煎包$16.8
本來以為有兩個,點知原來有三個。平均五至六元一個,好抵食。底面都煎過,包皮都好鬆軟,裡面夾雜肉和菜,又有黑椒,黑椒味好強烈。食完都飽飽地。

布拉腸$21.8
份量都幾多,如果無數錯,應該有十條,每條都是布拉,好滑身,配上平時會沾的豉油,甜醬,花生醬,味道和口感的確不錯 ,滑,軟,冧。

瑤柱貴妃雞瀨粉$22.8
平時飲茶,雞通常直接放入瀨粉碗入邊,這間原來是分開上的,雞件好嫩,好滑,有雞件,有雞髀,瀨粉軟硬適中,湯略鹹,一碗只是22.8元,覺得超值尼 。

參觀日期:2020年6月
感謝 LingB_b
該評論乃TripAdvisor會員主觀個人意見,不代表TripAdvisor LLC公司。
2020年6月9日的評論 透過行動裝置

停課已到最後尾聲,班細路下星期會開學,所以帶佢哋出去威,首先揀咗旺角飲茶,去咗創興嘅盈館食午餐。
呢度座位闊落,每張枱相隔都幾遠,而且好清靜,冇一般茶樓嘈吵嘅聲音。
食物方面,叫咗一個中午嘅套餐:一款炒粉麵、兩款餐前小吃、四款點心。都只係二百幾蚊超級抵!
潮州撈粗,粗麵爽口彈牙。湯汁用肉絲、蝦、銀芽燴成。正!
包汁鳳爪大大碟,炆得又淋又入味。
海蜇燻蹄,回本之選。
四款點心,梗係叫果d特點同大點啦!黑金流沙包、瑤柱珍珠雞、鮮蝦燒賣王、沙律名蝦角。
跟住再叫多兩個點心,牛肉腸、棉花雞,所有點心質素都相當高。

參觀日期:2020年6月
感謝 Discover809597
該評論乃TripAdvisor會員主觀個人意見,不代表TripAdvisor LLC公司。

去過盈館嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。