我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“西環隱世美味越南菜”
Just Eat的評論

Just Eat
香港排名第4,152 (共 14,074 間餐廳)
周圍地區: 西環
餐廳詳細資料
周圍地區: 西環
2020年8月5日的評論

近日疫情的確令我少咗出去食飯,由本來每個禮拜食三四日,變到依家一個禮拜都冇一日。一直對西營盤的印象,都是很多文青打卡地方,但經朋友介紹下,發現呢間越南餐廳值得同大家分享
——————————
特濃牛湯牛肉牛丸河粉 $62
食越南菜都喜歡食牛肉湯河,所以今次都唔例外☺️一上菜,賣相不算太出眾,而牛肉和河粉的份量有好多飲一啖湯,就覺得冇嚟錯地方,因為這裏的湯底是我喜歡的口味,牛肉味很夠又不至於死鹹,所以食完都唔會有負擔牛肉和牛丸不是平價貨色,肉味香而多汁,還有份量多到唔洗慳住食encore

蕃茄濃湯海鮮檬粉 $64
朋友則喜歡食海鮮,所以叫了這個蕃茄濃湯海鮮檬粉。賣相會較吸引,因為橙紅的湯底未食就知好濃郁裏面有不少魷魚和蝦,真材實料!朋友表示,海鮮整體算新鮮,咬落去有肉質;檬粉也充分吸收湯底的蕃茄鮮味,最後可以當湯飲

香茅雞翼 +$20
另外我叫了香茅雞翼,雞翼很大隻,食起來外皮脆脆,還有點牛油香雞肉超有肉汁,很好食

烤肉串 +$15
起初以為是一嚿嚿肉的串燒,但似乎是店家自已把剁碎豬肉串起,好用心味道果然唔同啲,肉質唔係爛爛,調味剛好,食兩串真的有點唔夠喉

凍咖啡奶 +$15
最後叫多一杯凍咖啡奶,由於唔記得叫少甜,所以個人覺得偏甜,但鍾意飲咖啡和奶味重的朋友,呢杯必叫

菠蘿冰 +$15
這杯一上,我們都「嘩」咗出聲,因為好少地方會有咁真材實料的菠蘿冰,底下有很多切碎的菠蘿,唔似其他地方主要落菠蘿醬,飲到最後可以食到

參觀日期:2020年7月
    • 划算度
    • 服務
    • 食物
感謝 haru d
該評論乃TripAdvisor會員主觀個人意見,不代表TripAdvisor LLC公司。
發表評論評論 (6)
旅客評分
旅客類型
一年中的時間
語言

3 - 6 則評論(共 6 則)

2020年7月13日的評論

今日經過西營盤英華臺,不知道何時開了一間越式餐廳,無聲無色,驚喜萬分。店鋪雖然細小,服務態度好之餘,食物水準也用心。

薄荷青檸梳打
薄荷葉味道好突出,陣陣清香,適合這個夏天季節。青檸酸酸咪咪,開胃醒神,炎炎夏日最佳飲品。

越式香矛豬扒三文治
法飽脆卜卜,好有口感。
豬扒厚薄適中,肉質軟腍,香矛調味適中。
餡料有酸紅,白蘿蔔絲,青瓜,生菜,混入沙律醬,層次感豐富。份量還好大份,一百元不到真係抵食。

參觀日期:2020年7月
    • 划算度
    • 服務
    • 食物
感謝 pcsy
該評論乃TripAdvisor會員主觀個人意見,不代表TripAdvisor LLC公司。
2020年5月31日的評論

和老公來西營盤攞口罩,之後一齊去搵食。本來打算去英華臺食蒸鵝,原來店舖已經結業,同一位置新開咗間越南餐廳,反正未幫襯過,一於試下。

店子中型大小,座位看起來亦算闊落,灰白色牆身再襯以黑色餐桌,風格簡約,完全沒有繁瑣的裝潢,實用之餘,也富設計感。

餐牌分食品和飲品兩份,食品分九大類,有前菜、米紙卷、沙律、越南法包、炒菜、主菜、湯河粉、撈檬和濱海,款式都幾多。點咗豬扒湯河、越式雞、馬拉盞通菜同飲品。

先吃香茅豬扒湯河 ($68),湯底味道唔錯,幾清甜、香而不濁。河粉係比較幼身嗰種,入口非常滑溜,而且分量頗多,足夠兩個人分享。豬扒炸得十分金黃,加上送來時已切成一件件,非常方便食用。一口咬下,肉質很鬆化,有爆汁感覺,而且一點也不油膩,香茅味十足。

越式雞 ($56/例) 有半隻同例牌可供選擇。揀咗例牌,估唔到都幾大碟,分量不少。雞肉很嫩滑,皮唔算肥,入口雞味濃郁,唔使蘸點醬汁吃,已經好夠味。

馬拉盞炒通菜 ($60) 通菜炒得幾有水準,鹹香惹味又帶少少辣,而且入口非常爽脆、完全無渣,咬落索索聲!

最後以飲品作結,老公點咗越南滴漏咖啡 ($38) 而我就揀咗杯青檸梳打 ($24)。滴漏咖啡據說味道不錯,香味濃郁醇厚,略帶苦澀回甘,啱曬身邊的「咖啡控」;而青檸梳打嘅青檸味亦恰到好處,不會太酸,好啱我口味。

參觀日期:2020年5月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2 週前的評論
Google 翻譯

參觀日期:2020年9月
    • 服務
    • 食物
該評論乃TripAdvisor會員主觀個人意見,不代表TripAdvisor LLC公司。

去過Just Eat嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。