我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“泰好味lunch”

新泰東南亞餐廳
香港排名第4,940 (共 14,074 間餐廳)
周圍地區: 大佛口
餐廳詳細資料
周圍地區: 大佛口
2020年8月2日的評論 透過行動裝置

周日去咗灣仔大王東街嘅新泰食lunch,呢間分店系新開張嘅旗艦店,比其他分店大好多,樓高三層, 十分寬敞,坐得好舒服。

店內佈置充滿泰國風情,有度假feel。點了午市套餐75蚊,泰國街邊豬肉串配糯米飯。跟餐加28蚊有蒜蓉炒貴妃苗,加八蚊有特飲,揀咗龍眼冰。

另外再叫多個燒鮮菠蘿,同泰式生蝦,非常滿足。

豬肉串燒肉質肥肥哋,配特製嘅串燒醬,好惹味。泰式生蝦超新鮮,肉質爽彈。燒菠蘿分量足,燒得香口

見到門口寫外賣自取8折,好抵,下次嚟買外賣先

參觀日期:2020年8月
感謝 foodiejacqueline
該評論乃TripAdvisor會員主觀個人意見,不代表TripAdvisor LLC公司。
發表評論評論 (4)
旅客評分
旅客類型
一年中的時間
語言
2020年7月24日的評論 透過行動裝置

去過佢喺尖沙咀店,覺得好好味,咁今早喺灣仔做嘢,午飯時間就行過嚟呢間新開嘅分店,諗住再食番餐好嘅

叫咗佢嘅$75午餐「泰式海南雞飯」,另加$8要一杯「椰汁冰」;再睇吓佢個餐牌,有好多嘢都好吸引,諗住對自己好啲,就加多個「泰式柚子蝦沙律」

海南雞飯先上,用個bento box裝住,賣相幾靚。食嚿雞先,雞肉幾滑,有雞味,份量仲唔少添;另有薑蓉同辣椒汁可以沾,兩樣都好惹味。嗰碗雞湯就清清地,唔錯;黃油飯就好香亦都有雞味,另外仲有啲蔬菜。

食食吓個柚子沙律就嚟咗,賣相好掂。蝦好新鮮肉質結實;蝦肉同柚子都沾滿帶酸辣同少少甜嘅沙律醬汁,超級開胃,仲好似越食越肚餓,咁再睇吓餐牌,好過分咁叫多個「巴東牛展」,打算嚟過超級大滿足

「巴東牛肉」Rendang係印尼國菜,我好鍾意食,食「巴東牛展」都係第一次,牛展蚊煮得好腍好入味,有大大嚿4、5嚿,全部都沾滿味道錯綜複雜嘅巴東醬汁,讚。餐牌上寫Rendara亦可能同Rendang有啲分別

仲有嗰杯椰汁冰,好香椰子味,少少甜,好啱我飲。

呢餐食得勁飽,超大滿足

參觀日期:2020年7月
感謝 BergmanChan
該評論乃TripAdvisor會員主觀個人意見,不代表TripAdvisor LLC公司。
2020年7月24日的評論 透過行動裝置

餐廳:新泰東南亞餐廳 (灣仔)
地址:灣仔大王東街21-23號興旺閣地下至2樓

岩岩7月,新泰東南亞餐廳係灣仔大王東街,開咗間佔3層嘅分店,係尖沙咀兩間分店試過佢地嘅泰國菜 ,我就一試難忘,決定要試勻佢地大部分嘅推介菜

係灣仔分店食比較唔同嘅就係,呢到有唔少外國客人‍,估唔到佢地都咁識食,搵到呢間新開又出名嘅泰國菜餐廳

青咖喱羊架 $108
青咖喱香而不辣,一份有三件羊架,惹味得黎,淡淡嘅羶味加埋啖啖肉,當你咬落去就會食到熱辣辣嘅嫩肉,加埋青咖喱,真係夠哂出色,不過想試就要早啲叫定,即叫即整都需時15-20分鐘架

印度薄餅 $32
食青咖喱又點少得叫印度薄餅,酥脆薄餅蘸上青咖喱汁,每一啖精華都滲透喺薄餅入面,一咬就聽到「咔咔」聲,好香脆好味呀

肉碎生菜包雞 $72
雞肉碎香辣大份,生菜新鮮爽脆清甜,食哂生菜都仲有肉碎剩,唔洗慳住咁包黎食,係咪見到都好想食呢,對於本身唔食得辣嘅人可以試下叫少啲辣

泰式奶茶 $25
黎到泰國餐廳緊係要叫返杯泰式奶茶啦,泰式奶茶一般比港式奶茶甜,因為加上砂糖、煉奶、鮮奶、煉乳、淡奶等,而茶葉多數都係用紅茶葉,所以顏色會較橙紅,大熱天時飲返杯凍奶茶真係有地道風味之餘又透心涼❄️

依家疫情外賣仲有8折,午市套餐$60左右就有喇

參觀日期:2020年7月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2020年8月6日的評論 透過行動裝置
Google 翻譯

參觀日期:2020年8月
該評論乃TripAdvisor會員主觀個人意見,不代表TripAdvisor LLC公司。

去過新泰東南亞餐廳嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2020 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。