Banchan&cook主打韓國同西餐fusion 菜終於係太古開咗分店啦一於嚟潮聖下

招牌菜當然係瀑布蛋包飯，同一般的雞蛋包炒飯唔同，雞蛋係放炒飯上，而且蛋包飯款式幾多，總有一款岩你口味！

烤牛肉蛋包飯
韓牛經醃製後再烤熟，好嫩滑入味
一切開雞蛋，滑溜嘅雞蛋就流曬出嚟，瀑布蛋包飯果然冇改錯名~淨係個樣已經好吸引雞蛋底係韓式炒飯，令成個蛋包飯味道更豐富！

泡菜燉五花肉蛋包飯
聽落成個菜就好韓~材料絕不馬虎，以韓國泡菜包住烤過嘅五花肉，好似食緊韓燒！同樣配滑溜半熟蛋及泡菜炒飯~一個人食真係好大份！

青口海鮮年糕
平時食年糕多數配泡菜、豬肉，但今次配青口、帶子、大蝦等就真係第一次，餐廳採同圓形細細令粒年糕取代傳統長形年糕，增加貴氣度！另外，圓形年糕完美地吸收咗海鮮嘅鮮味~結合西餐同韓國菜~呢款fusion菜好成功！

蜜糖無骨炸雞
懶人必點，無骨炸雞食得好痛快~蜜糖輕輕淋喺炸雞上面，炸雞外脆，肉質鮮嫩而不油膩，食落帶有小小蜜糖甜，愈食愈惹味！

無花果班戟
無花果柔軟且甜，班戟外表微脆、中間軟熟，蛋漿調配得宜，蛋味濃郁~整體好清新適合怕甜嘅朋友

無花果梳打
無花果本身味道甘甜、清爽，而梳打清新口感、細膩嘅氣泡，令成杯飲品更清爽透涼適合夏天飲！

伯爵茶鮮奶咖啡
第一啖入口散發著淡淡優雅嘅伯爵香氣，質感軟滑厚實，而鮮奶咖啡味道甘香醇厚~非常芳香獨特！令人好chill~推薦 ❗