我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“台式高質火鍋吃到飽”

牛大人台灣火鍋吃到飽 - 荃灣店
餐廳訂位
使用外送服務
香港排名第64 (共 15,736 間餐廳)
價位: US$21 - US$38
更多餐廳詳細資料
餐廳詳細資料
周圍地區: 荃灣
描述: 牛大人火鍋吃到飽由台灣師傅親自主理,主打台灣地道特色湯底及風味食材,務求顧客吃到飽,也吃得好。 九種鎮店火鍋湯頭集傳統古早秘方,融入現代創新料理熬煮而成,所有特色湯底均以全天然食材製作,讓客人能夠放心「先喝湯,後火鍋」,加上各款台灣直送火鍋食材及飲品,讓你感受最真實的在地台灣味道。 全店使用高質傳統銅鍋,導熱快速,受熱均勻,充分發揮食材的精華。 我們搜羅全台灣最地道的各款台灣美食,由南到北,都可在牛大人火鍋吃到,台灣在地直送火鍋食材、飲品及調味料讓你吃得更地道,令你仿如置身台灣。
2022年6月27日的評論 透過行動裝置

呢間想食好耐終於有時間同老公試下!好多人都讚正點都要試下
.
極上和牛吃到飽 $318/1位
難得來食緊係食豪d和牛任食2小時吃到飽加$50要了鴛鴦鍋,無辦法老公太想食辣牛夫人秘方麻辣鍋點了中辣,我以為會食到最後都係太辣放棄老公就話辣得好爽食得開心jo就點了阿嬤養生濃湯鍋,jo大愛有紅棗、蔥、娃娃菜,濃厚薑口味飲落好養生,鮮甜好飲完全唔想點醬汁破壞送了澳洲和牛牛丸濃厚牛味又多汁可惜要加錢先可以點‍
.
落單用apps,上菜都算快,仲有個自助區,超多野飲、菜、丸同醬汁!jo拎左白桃烏龍味道清新好夾火鍋解膩,丸推介花枝丸勁彈牙入面仲大粒魷魚好好食 滷肉飯又係推介一試台灣的味道
.
必點推介
➡️澳洲和牛m5牛肩卷:牛味濃厚質感淋身打邊爐一流
➡️手切封門柳:一樣牛味濃但呢款會有咬口啲一樣正
➡️蟹籽墨汁漿:墨魚滑好正,有咬口粒粒墨魚和蟹籽,好鮮味味道相當特別大推
.
打完邊爐仲有甜品或movenpick雪糕大滿足
jo對呢間評價都幾高,上菜快又多選擇坐得舒服食物又高質價錢又唔貴,一定再encore!

參觀日期:2022年6月
感謝 joannen994
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
發表評論評論 (88)
旅客評分
旅客類型
一年中的時間
語言

10 - 14 則評論(共 88 則)

2022年6月26日的評論 透過行動裝置

諗起打邊爐 我間唔時都會想嚟返牛大人 因為呢間除咗打邊爐仲可以食啲台灣小食 而且價錢上叫和牛套餐都比起坊間好多火鍋店正 CP值相對高 例牌都係揀咗澳洲極上和牛套餐 而且呢間可以任食兩個鐘時間上幾好 唔洗趕時間既打邊爐先係好邊爐只係平日晚飯時間都相對好full 唔想起門口等車塞得耐 大家記得book位

湯底方面我揀咗台灣鳳梨雞鍋 湯底出面唔多覺有 味道清甜 間唔時抖下唔食麻辣 嚟到叫呢個都係唔錯既選擇嚟澳洲和牛M5牛肩卷一如既往油脂分佈睇落都好平均 食落肉味濃 薄切令食落相對無咁飽膩☺️

美國SRF極黑牛肩胛肉眼 食落脂香無咁多 瘦 肉味再濃郁一啲 增肌減脂既人士選擇呢個部位可以食返兩碟而普通既牛五花肉 相然係價位平點既肉但質地相對彈牙 無騷味亦有脂香得嚟幾軟滑 都幾好食

見到格離有叫海蝦都大隻下 但收工食飯 我就懶得剝蝦殼就無叫今次特別推介下佢既沙白 今次我哋返兜左好多次沙白 嚟到大大粒 真係夠新鮮 嚟咗幾次都係肉彈鮮甜 無沙 我fd就幾鐘意佢個魯肉飯 食落同出邊啲有分別 但幾好食 佢食完仲添多咗一碗仔

而每次嚟我都會叫梅甘酥脆薯同油條 我個人幾鐘意裡面蕃薯香甜軟熟 外皮夠脆口之餘仲有酸梅粉味道酸甜開胃 而油炸鬼就一件4件兩個人share 岩岩好 食落夠脆口

最後甜品 見到有Häagen-Dazs今次新出期間限定既口味 西瓜士多啤梨可以揀 我哋都貪新鮮試咗呢個口味 食落味道都唔算奇奇怪怪 係幾特別 打完邊爐食都幾舒服係滿足既一餐

參觀日期:2022年6月
感謝 pennywspang
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年6月24日的評論 透過行動裝置

戒左牛肉咁耐,終於大解放,梗係要去食返餐牛大人先啦。

呢度乜牛都有,唔同部位有唔同嘅口感同埋味道,揀咗最貴嗰個餐就乜都食得,而且價錢都唔貴。

其中我自己最鍾意食手切封門柳,無論淥幾耐都係咁林,唔怕會老。

湯底揀左個菠蘿雞,除左有半隻雞之外,仲有啲蜆肉,菠蘿肉,白菜同苦瓜,不過喺未淥嘢之前個湯其實就冇乜味。

除咗牛肉出色之外,佢依家仲有個期間限定嘅十勝豚肉,同樣地都幾好食,大大塊啖啖肉,而且豬味都濃。

而佢呢度嘅羊肉都唔錯,聞落去好似好騷咁,但係其實食落又冇乜味,因為我都比較怕騷。

海鮮方面都有啲魚肉同埋蝦,佢啲下都幾大隻,同埋都幾彈牙,唔會有霉咗嘅情況出現,不過唔知係咪說得太耐,好似冇乜蝦應該有嘅鮮甜味。

然後佢另外仲揀咗個墨汁墨魚滑,見佢寫住台灣直送必點,又黑蚊蚊咁幾特別,所以叫咗嚟試吓,佢仲有啲粒粒墨魚肉,口感唔錯,幾彈。

另外仲試咗佢哋嘅牛筋,估唔到佢哋啲牛筋咁林,食完都覺得自己吸收左滿滿嘅骨膠原,幾值得試。

佢呢度有個小食係鴨血,見佢本身應該係麻辣汁,雖然試菜時係熱嘅,不過職員會叫客人淥熟咗先再食,但咁樣淥完其實舊鴨血已經冇晒味,可能要食麻辣湯底嘅人係鴨血先得。

最後甜品佢會有雪糕同埋仙草俾人揀,我哋就揀咗一個雪糕一個仙草,為今晚嘅晚餐畫上句號。

參觀日期:2022年6月
感謝 malkayiu
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年6月24日的評論 透過行動裝置

已經唔係第一次食牛大人,但真係第一次食M5和牛放題呢個set,先知道原來呢個set先至會每人送2粒M9嘅和牛牛丸,真係好好食,重質紥實有咬口,而且肉汁好豐富,牛味濃郁,值得一試!☺️

湯底有8款,我哋揀左養生鍋,味道清淡啲,唔會蓋過和牛嘅味道,鍾意惹味啲嘅人就唔係太啱呢款湯底喇應該而另一重點當然係任食嘅M5和牛牛肩肉,雖然薄,但勝在每塊都夠大塊,幾好食的,美國牛小排都唔會輸蝕,比起牛肩明顯油花分布較好

仲有幾款專係台灣直送嘅食材,鴨血當然唔少得,仲有丸類,手打滑及蛋餃,都係出面放題冇嘅配料,好感動
自助配料同自家製嘅冷泡茶款式幾多,而且仲可以喺app度叫冬瓜茶,平時一杯閑閑地一杯手搖冬瓜茶都要$30啦,黎到牛大人一定要叫☺️

參觀日期:2022年6月
感謝 eat97nei
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年6月17日的評論 透過行動裝置

朋友話好耐冇去食火鍋食到飽即刻相約佢一齊食牛大人有唔同湯底同套餐可以揀建議大家先訂位因為都好full嫁

我地揀左阿嬤養生濃湯鍋,入面有唔少藥材湯料,都幾養生☺️套餐方面,我地選左澳洲極上和牛用QR code就可以下單基本上餐牌嘅野食全部都可以點

澳洲和牛M5牛肩卷
M5和牛油花滿滿用熱湯淖一淖就可以食入口鮮嫩

北海道十勝豚
E個係期間限定嘅餐點,十勝豚比一般豚肉嫩,唔會油膩

手切封門柳
封門柳入口軟腍,牛味濃陏,又有口感

鮮甜海蝦
蝦超大隻,食落好鮮甜

脆肉鯇魚腩
魚腩唔會太多骨,口感好爽彈

新鮮沙白
沙白粒粒都好大隻脹卜卜咁

私房鴨血(辣)
鴨血味道辣辣地,好野味

花蓮扁食
扁食其實就係手工小雲吞,食落有少少魚肉質感。

瓜仔雞水餃
口感肉嫩瓜脆。

台式蛋餃
蛋皮包嘅餃子出乎意料,口感又唔錯。

章魚珍珠漿
珍珠其實係粒粒嘅章魚口感好QQ

除左以上餐廳都仲有唔少熟食可以選擇仲有自助區可以攞蔬菜同飲品最後仲有雪糕食

參觀日期:2022年6月
感謝 kaling1119
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。

查看過牛大人台灣火鍋吃到飽 - 荃灣店的旅客也查看過

 

去過牛大人台灣火鍋吃到飽 - 荃灣店嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情