我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“隱世高質西餐廳”
悅滿軒的評論

悅滿軒
香港排名第1,964 (共 15,647 間餐廳)
周圍地區: 深水埗區
餐廳詳細資料
周圍地區: 深水埗區
2021年10月9日的評論

餐廳位於饒宗頣文化館入面,較為清幽遠離煩囂,餐廳播住柔和音樂份外舒適,和朋友慢坐傾下計都幾寫意。

入住後店員先奉上麵包,熱辣辣岩岩焗起,脆卜卜好香蕃茄味。

香煎原條龍脷魚配炒菠菜·檸檬牛油汁 $258
龍脷柳魚原條奉上,肉厚肥美少骨,二人分享好滿足,加上龍脷柳魚下面舖滿厚厚菠菜,吸晒檸檬牛油汁,開胃又美味。

寶雲酥焗西班牙伊比利亞羊扒配自家製羊肉腸·砵酒汁 $298
賣相吸引,羊扒七成熟剛好,羊脂香濃一啲都唔騷,羊肉腸肉質鮮甜多汁,少有食到的口感,配埋砵酒汁非常夾。

阿拉斯加焗雪山 $88
蛋白打造焗雪山,落酒起火打卡一流,蛋白包住朱古力蛋糕及雲尼拿雪糕,冷熱交融完美配搭。

參觀日期:2021年8月
    • 划算度
    • 服務
    • 食物
感謝 hungryb520
該評論乃Tripadvisor會員主觀個人意見,不代表TripAdvisor LLC公司。
發表評論評論 (11)
旅客評分
旅客類型
一年中的時間
語言

1 - 5 則評論(共 15 則)

2021年10月3日的評論 透過行動裝置

今日放假帶媽咪去美孚既饒宗頤文化館到行下影下相真係好有文化氣色
行行下發現有幾間餐廳 比「悅滿軒」吸引左

好彩六點左右就到左 坐多陣就已經越來越多人入嚟食已經覺得一定好食啦
首先簡左個澳洲鮑魚配法式雞清湯
鮑魚十分彈牙同有鮮味 啲湯好似集中晒雞既精華 味道勁濃郁 好好飲

自家製意粉配蟹肉·里考塔芝士·南瓜汁
有三隻蟹鉗已經剝咗一半殼 食得好方便☺️啲意粉加埋芝士 超級creamy 每啖都好邪惡兩個人食都好夠飽

自家製甜薯條甜甜地又脆卜卜

阿拉斯加焗雪山️呢個係我全晚最期待嘅甜品果然冇令我失望 有外形之餘入面都好正 朱古力蛋糕加雪糕 個雪糕好重奶味

參觀日期:2021年9月
感謝 Mikilamht
該評論乃Tripadvisor會員主觀個人意見,不代表TripAdvisor LLC公司。
2021年9月21日的評論 透過行動裝置

嚟到呢間有古式古香嘅饒宗頤文化館入面紅磚牆嘅法國餐廳試吓!

澳洲藍青口配白酒紅花忌廉汁
自家製甜薯條
烤澳洲龍蝦尾配海膽燴意大利飯
蘋果木煙燻西班牙乳豬
阿拉斯加焗雪山

參觀日期:2021年9月
感謝 leannewong
該評論乃Tripadvisor會員主觀個人意見,不代表TripAdvisor LLC公司。
2021年8月20日的評論 透過行動裝置

悅滿軒 (荔枝角)
荔枝角青山道800號饒宗頤文化館H座

朋友介紹食饒宗頣文化館內的法國餐廳「悅滿軒」,泊好車後可以沿佈置浪漫的樓梯上一層或者乘搭昇降機,塔地鐵可在美孚地鐵站A出口步行五分鐘穿過天橋都直達。

磚紅色外牆好吸引打卡一流,餐廳門外仲有一部鋼琴做裝飾,可惜因疫情鎖上了。剛好晚上食飯時間到達,幸好有訂坐,否則坐無虛席,餐廳內播放著柔和音樂,感覺好Chill ✌

入坐後奉上餐包,係意大利蕃茄包配黑水欖牛油包外脆內軟,充滿啖啖蕃茄干粒,咬落軟熟,配埋其香滑牛油,完美。

澳洲鮑魚配法式雞清湯:店員會慢慢張一壼清湯倒入一盤有澳洲鮑魚同法式酒啫喱,儀式感滿滿。因為湯的熱力令啫喱融化,雞湯味道清甜帶雞甘香,充滿咬口鮑魚富有彈性,作為一餐開始好滿足

蟹肉意粉南瓜汁:蟹鉗烤至香噴噴,表面帶點焦香,已經折曬殻方便客人食用,肉質爽彈,鮮味十足。自家製意粉較粗身,伴隨濃稠的南瓜汁幾乎是南瓜蓉,夾雜一堆有咬口嘅南瓜籽,一啖濕潤意粉。南瓜同蟹好夾,好難忘。

自家製甜薯條:熱辣辣炸起,新鮮出爐,幾乎每台都叫呢樣,外脆內軟不止,趁熱食要小心燙口,甜蕃薯的確好甜,蘸上糖粒,份外甜又好味。

阿拉斯加焗雪山️:呢個係必點招牌,蛋白打造雪山造型,落酒精再點火好Igable 暖暖蛋白包住朱古力蛋及雲呢拿雪糕,冰火交融,完美配搭。

總結:
饒宗頤文化館內法國餐廳
不論氣氛環境服務都不俗

#饒宗頤文化館#悅滿軒#法國餐廳#阿拉斯加焗雪山️#自家製甜蕃薯#蟹肉意粉

參觀日期:2021年8月
感謝 SANDRAFUNG
該評論乃Tripadvisor會員主觀個人意見,不代表TripAdvisor LLC公司。
2021年8月7日的評論 透過行動裝置

今日放假同朋友係美孚玩, 晚飯想搵間有情調的嘅餐廳, 上網就搵到呢間悅滿軒, 西餐睇落去都唔錯。餐廳位置於饒宗頤博物館入面,由美孚站行去都係十零分鐘,都算方便 。

餐前麵包係蕃茄麵包, 酸酸甜甜,都為之不錯嘅餐前小食。

1. 自家製意粉配蟹肉•里考塔芝士•南瓜汁
呢個意粉嘅口感煙韌得嚟,又有相當厚度,份量亦都十分足夠, 意粉本身亦都十分之掛汁。另外甜甜又濃稠嘅南瓜汁,配上絲絲嘅蟹肉,再加上表面嘅芝士,帶來多層次嘅味道,濃而不膩, 再加上兩隻剝殼大蟹鉗,令人回味。

2. 烤西班牙八爪魚配辣肉腸番茄汁燴意大利飯
呢碟意大利飯一上菜嘅時候就十分之搶眼,茄紅色嘅意大利飯同埋黑色嘅墨魚汁脆片相影成趣, 再加上成隻手板長嘅八爪魚腳, 構圖十分豐富, 味道方面 ,整體酸中帶甜 ,濃郁嘅蕃茄汁同煙韌嘅白飯完美融為一體, 墨魚汁脆片嘅口感亦為煙韌嘅白飯加上一絲點綴 ,令到成碟菜色嘅平衡非常之好 。

3. 阿拉斯加焗雪山
呢個甜品畀到好大驚喜畀我哋,因為一送到上嚟侍應就會點火,雪山表面嘅棉花糖就會微微燒焦, 觀賞性極高之餘又聞到味微嘅焦糖味。 棉花糖入面有焦糖味嘅海綿蛋糕,而最內層係雲呢拿味雪葩, 冰同熱嘅口感互相交集,令我地留下深刻印象。

參觀日期:2021年8月
感謝 Pioneer68491452704
該評論乃Tripadvisor會員主觀個人意見,不代表TripAdvisor LLC公司。

查看過悅滿軒的旅客也查看過

 
 

去過悅滿軒嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。