我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“性價比高西餐廳”

The Point Kitchen
香港排名第954 (共 15,259 間餐廳)
周圍地區: 西貢
餐廳詳細資料
周圍地區: 西貢
2020年11月20日的評論

2020年11月1日 星期日
今日嚟到日出康城,因為知道呢度嘅廣場第二期啱啱新開張,於是專登同老婆一齊嚟呢度行街,貪新鮮睇吓有咩舖頭,果然位置寬躺之餘,仲有特別嘅嘢賣,有類似sell文青嘅攤檔添

至於餐廳,都有好多間陸續開幕,而我哋就睇中左呢一間餐廳,因為之前都試過其他分店,不過似乎呢一間有少少唔同

因為見到餐牌多咗好多新菜式,有啲仲要係fusion菜,就咁睇個名都覺得好特別,感覺食物種類好豐富

點完餐之後首先有嘅係飲品,我要左杯Cocktail,主要以橙汁為主,飲落去酒味唔重,同時間唔會太甜,橙味幾濃

之後有和牛粒煮貝殼粉,貝殼粉可以掛汁,所以咬落去食到和牛味之餘,醬汁都好香濃。至於和牛唔會太過靭,而且有咬口

呢個係炸海鮮拼盤,有幾款唔同嘅炸海鮮,包括炸魷魚圈、炸軟殼蟹、炸蝦仁等等,我覺得最特別嘅係有炸白飯魚,好少餐廳會有呢個組合,而且真係炸得幾香脆,唔會太過油膩,點埋沙律醬味道會更加豐富

然後有蟹肉墨汁意大利飯,蟹肉帶出嚟嘅鹹香同墨汁意大利飯好配合,而且飯煮得啱啱好,唔會太過乾身或者太腍,份量都足夠兩個人食

呢個係香炸單骨雞鎚,估唔到份量都唔少,目測都有六七隻,每一隻都炸得好香,咬落去雞肉係嫩滑又充滿水份,醬汁更加有畫龍點睛嘅效果,酸酸地可以解除雞鎚嘅油膩

最後有甜品雪糕香蕉燒棉花糖pizza,估唔到薄餅都可以成為甜品,香蕉同棉花糖焗完之後有少少焦嘅效果,令到棉花糖好似可以拉絲咁,而且上面仲有一舊雪糕,一冷一熱感覺唔錯

整體來講我覺得呢一間the point比起其他分店更加有特色,而且菜式更加豐富,下次有機會黎一定會再嘗試其他唔同嘅菜式

參觀日期:2020年11月
感謝 Edmondchanwc
該評論乃TripAdvisor會員主觀個人意見,不代表TripAdvisor LLC公司。
發表評論評論 (19)
旅客評分
旅客類型
一年中的時間
語言

8 - 12 則評論(共 19 則)

2020年11月20日的評論

今日去了朋友位於的新居,康城真的是一個開發中的地方,幸好遇著商場開左部分,入面餐廳不多,我們選了穩陣的The Pount西餐~

仔細看才知道這間是The point kitchen,跟平時出面的有分別的,菜式比較特別,選擇好像較多,有些是分子菜式~ 感覺幾新奇

飲品我點了雜菓賓治
顔色非常豐富!真係色彩繽紛而且生果都好多~士多啤梨、藍莓、奇異果、芒果都有,而且果汁味好濃沃飲得出有橙汁芒果汁喺入面~杯底有少少士多啤梨糖漿,如果怕酸的朋友可以用士多啤梨味中和返,感覺幾貼心~

紅酒燴和牛肋肉配蜆殼粉
慢煮和牛肋肉,煮得好好,有牛的濃郁味道!又不會太熟或太靭~ 汁料是用長時間煎煮牛西冷加上紅葡萄酒汁煮成的,所以牛味得濃很香!因此這個送配搭蜆殼粉~蜆殼粉盛載住紅酒汁一點也不會浪費,而且味道超好,讓客人可以品嚐到廚師的精心安排~

炸海鮮拼盤
炸海鮮拼盤賣相非常靚,就好似一個海底的寶藏打翻了一樣!除了原隻隻炸軟殼蟹仲有炸白飯魚大蝦仔炸魷魚圈和炸蓮藕等等…配秘調的醬汁,非常惹味~海鮮都炸得很酥很脆,而且炸粉非常薄,炸魷魚圈吃得出魷魚的鮮味~炸白飯魚在西餐也是第一次吃到

鮮蟹肉墨魚汁意大利飯
意大利飯煮得非常可口入味,而且軟硬適中是意大利飯的口感~蟹肉都很多,但略嫌有點被墨魚汁掩蓋了蟹的味道

炸雞槌配秘製蜜糖bbq醬
炸雞槌熱辣辣,而且肉很離骨,帶少少鹹脆的味道~值得一讚的是蜜糖bbq,醬甜甜酸酸的非常開胃醒神~令人想一口接一口的吃下去

甜品我們點了香蕉天堂披薩
這個pizza上面有烤香蕉和棉花糖,加上一些杏仁片和朱古力醬,最後上面有一球雲呢拿味的雪糕~ 香蕉和朱古力的味道真是perfect match~這個pizza是熱食的,上雪糕就有一冷一熱的口感,而且考到的香蕉和綿花糖甜味十足,配搭雲呢拿雪糕和pizza中和一點,味道剛好,pizza皮雖然看起上很厚,但吃起上來一點一點也不會太粉或太實,是鬆軟的比薩~

西餐來說味道是不錯的,比較適合一大班朋友share來吃,可以試多點不同的味道~

參觀日期:2020年11月
    • 划算度
    • 服務
    • 食物
2  感謝 cherryfung001
該評論乃TripAdvisor會員主觀個人意見,不代表TripAdvisor LLC公司。
2020年11月15日的評論 透過行動裝置

去咗將軍澳康城探朋友,本來約咗一齊食飯,點知朋友唔舒服要去睇醫生,今晚要自己一個食飯,行下行下就去咗商場,都有唔少食店開咗,有間餐廳剛剛開業,細看之下,原來是The Point Kitchen ,之前去尖沙咀The Point 食過都唔錯,今晚就讓我試吓這間吧!香炸海鮮拼盤:即叫即做,有炸魷魚、蝦、白飯魚、軟殼蟹,原隻軟殼蟹都好大隻,鮮嫩嘅蟹肉配上炸到金黃色可以食埋嘅軟外殻,香口無比 。炸魷魚圈和炸白飯魚香脆可口,炸蝦仁比較細少,但都爽口。點沙律醬更好味!煙三文魚刁草忌廉汁天使麵,煙三文魚有滑順絲柔的油花口感,帶著點煙燻的風味與鹹味,刁草忌廉汁又香又滑,配合彈牙的天使麵,令人食不停口!Mocha,此款Mocha,香甜的濃縮咖啡,質感如鮮忌廉般幼滑,帶您進入咖啡享受新境界!

參觀日期:2020年11月
感謝 LUIHANG210
該評論乃TripAdvisor會員主觀個人意見,不代表TripAdvisor LLC公司。
2020年11月15日的評論 透過行動裝置

今日去咗將軍澳探小姪仔,弟婦說康城站的商場好大,不如過去行下,地鐵沿線都好方便,康城商場好大,開咗不少店舖,但還是有一些正在裝修中,行咗半天,係時候食晚飯,小姪仔也叫肚餓了,剛好在我們面前就有一間新店開張,原來是我們之前食過嘅The Point在這裡開分店,一向喜歡The Point 的食物,當然立即入座捧下場!原隻香草烤春雞配紅洋蔥茄子火箭菜沙律:春雞特點是骨骼較細肉質鮮嫩,先以新鮮香草及秘製醃料醃雞,之後以低溫烤焗,期間同時迫出油份,春雞烤得很香,外皮很脆,雞肉鮮嫩Juicy不膩。雞肚內還藏有一個薯仔,薯仔吸晒雞的精華,口感夠粉又有雞的鮮味!食肉同時食返啲沙律菜,可以均衡一下飲食!煙三文魚刁草忌廉汁天使麵:煙三文魚好新鮮份量又多,刁草香氣具有温和的辛香味,幼身的天使麵掛上濃郁的忌廉汁,口感creamy 好好味!

參觀日期:2020年11月
感謝 waikuen16
該評論乃TripAdvisor會員主觀個人意見,不代表TripAdvisor LLC公司。
2020年11月10日的評論 透過行動裝置


日出康城商場第一期首先落成, 找到[The Point Kitchen]主打fusion 意菜。
店舖空間唔算大,不過裝修幾舒服。

明太子軟殼蟹pizza$148
九吋嘅pizza 材料非常豐富, 有原隻軟殼蟹,蝦仁,櫻花蝦也鋪滿明太子醬, 充滿海鮮風味! 軟殼蟹也算大隻, 炸得香脆蟹肉夠鮮味!
整體感覺個pizza冇咗芝士同肉腸之類冇咁滯, 而且手工製餅底夠脆個心又唔會乾爭爭, 厚薄適中!

芒果汁不過不失, 有芒果香唔會太假。

番茄醬燴鳥賊墨魚汁意大利蛋麵$138
重點係手工製墨魚汁意大利蛋麵, 果然麵條質感帶點煙韌好有彈性, 記得要趁熱食, 因為加入墨魚汁凍會腥而且麵條會黏著一團, 加入番茄醬味道更富層次

白酒煮大蜆
大蜆果然超大隻,煮得啱啱好,肉質鮮嫩超甜 醬汁充滿大蜆嘅精華和白酒嘅香氣, 配了四塊薄餅~ 用嚟蘸湯汁吃

Brownie in the pan
甜品也是精緻美味 。放在鐵鑊上的 Brownie, 能把溫度保持著
雲呢拿雪糕球味道清新唔會好甜好假, 圍伴着烤熱嘅香蕉和帶点楓糖香味嘅烤合桃, 口感豐富:雪糕,水果, 果仁和蛋糕非常夾Brownie 外皮烤得脆口,咬落嘅係濃郁滿瀉的朱古力

參觀日期:2020年11月
1  感謝 Man_Iron5216
該評論乃TripAdvisor會員主觀個人意見,不代表TripAdvisor LLC公司。

去過The Point Kitchen嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。