我們不支援您使用這種瀏覽器, 因此 Tripadvisor 可能無法正確顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“食個好運漢堡包…行個好運”
行運漢堡的評論

行運漢堡
香港排名第60 (共 218 間小吃)
周圍地區: 荃灣
餐廳詳細資料
周圍地區: 荃灣
2 週前的評論 透過行動裝置

其實幾鍾意食burger。知道港島區burger joys係荃灣開左副線Lucky smash…經過當然要去試下…

呢度係做外賣…選擇好簡單…burger或者hot dog。burger就揀有芝士定無…之後就要雙層定單層。open kitchen形式…可以睇到店員好努力咁整包同可以知道衛生情況

我就揀左雙層芝士牛肉漢堡同芝士牛肉漢堡。

等左10分鐘左右就有得食…當然即刻試下炸薯條…熱辣辣…外脆內軟。即刻趕番屋企食包。

打開個包…芝士已經同牛肉漢堡混為一體…即刻咬啖…牛肉漢堡好香牛肉味同非常juicy…好味。

burger joys 出品果然有保證

參觀日期:2021年2月
感謝 fookbakathk
該評論乃TripAdvisor會員主觀個人意見,不代表TripAdvisor LLC公司。
發表評論評論 (22)
旅客評分
旅客類型
一年中的時間
語言

9 - 13 則評論(共 22 則)

2 週前的評論 透過行動裝置

之前網上見到Burger Joys開副線,當然要黎試下。原本諗住2點左右呢個時間過左lunch hour先去會少d人,點知去到條隊都仲係幾長,加上d包全部都即整,所以等既時間會耐少少。

Lucky Smash既選擇無Burger Joys咁多,主要都係牛肉漢堡,今次就試左芝士牛肉漢堡。漢堡扒係用新鮮牛肉所製而成,加上煎既時間控制唔錯,食落好juicy又唔會乾柴。配上酸酸甜甜既醬同芝士,口感一流

套餐仲有跟汽水同薯條~薯條係幼薯,同Burger Joys一樣,即叫即炸,食落非常香脆。加上份量唔少,食完成個餐感覺好滿足!!

叫套餐仲可以用優惠價加熱狗,呢到既熱狗都係即叫即整,用上同burger一樣既自家製醬汁,味道唔錯,值得一試~

參觀日期:2021年2月
感謝 hksharingwithlove
該評論乃TripAdvisor會員主觀個人意見,不代表TripAdvisor LLC公司。
3 週前的評論 透過行動裝置

近排Burger Joys副線係荃灣開左分店,叫Lucky Smash~ 中文名叫行運漢堡。
於是就去咗買兩個包同屋企人share。
雖然新開張,但好多人排隊,
未行到門口已經聞到好香~
,全店只有三款漢堡賣,貴精不貴多,每個漢堡即叫即整,所以非常新鮮又熱辣辣~
-
雙層芝士牛肉漢堡餐($98連薯條+汽水)
採用澳洲安格斯牛肉,
手打牛肉牛味濃郁,煎得鎖汁又juicy,加上份量不少嘅半溶嘅芝士,邪惡得黎又好味!仲有蕃茄、菜、酸瓜作配料,口感豐富。再加雙層牛肉,一啖咬落去真係好滿足!
漢堡包查咗牛油後再微煎,個邊焦香脆口,煎嘅時候仲有加芥末同芝士,好惹味!
-
芝士牛肉漢堡
雖然得單層,但芝士分量都好澎拜,牛肉厚度剛好,配料同雙層漢堡一樣,惹味度不輸雙層芝士牛肉漢堡!
-
鮮炸薯條
幼身薯條,即叫即炸,夠哂新鮮脆口,炸至金黃色,份量夠一個人食,鹽份較平時連鎖快餐店嘅薯條少,所以啱哂我!
-
飲品有多款汽水任揀,最後揀咗罐Coke Zero,幫我減下今餐的邪惡感

參觀日期:2021年2月
感謝 foodiediary852
該評論乃TripAdvisor會員主觀個人意見,不代表TripAdvisor LLC公司。
3 週前的評論 透過行動裝置

近日的午飯時段,不時都見同事拿著一包香噴噴的漢堡,薯條回來公司,一問之下,原來是人氣漢堡店Burger Joys 的老闆來荃灣,開了專門外賣的漢堡新店--- Lucky Smash ~~~

店鋪位於荃灣廣場附近,採用開放式廚房,可以近距離觀察店員製作漢堡,煎牛肉的時候,香氣更是撲鼻而出,令人未食先興奮。

雙層芝士牛肉漢堡
漢堡扒煎得兩面金黃焦香,十分香口,咬下肉汁四溢,食得出是新鮮牛肉,肉味特濃,搭配芝士,番茄,洋蔥 等配料,中和整體油膩感,夾著兩塊牛扒的雙層芝士漢堡,食完讓人非常滿足。

芝士牛肉漢堡
和雙層芝士漢堡的味道基本一樣,漢堡扒煎好會先淋上特製醬汁,再放上芝士, 待芝士稍稍融化,放在經牛油煎香過的麵包上,趁熱食,特別滋味。

行運熱狗(套餐加$10)
必加的行運熱狗比想像中好味, 煎香的麵包皮,加上酸甜適中的特製醬汁,讓人胃口大開,只賣10元,但一樣有洋蔥生菜等配料, 沒有將貨就價,讓我頗為欣賞。

參觀日期:2021年1月
感謝 jessie_xxo
該評論乃TripAdvisor會員主觀個人意見,不代表TripAdvisor LLC公司。
3 週前的評論 透過行動裝置

漢堡控的我來到荃灣這家帶著Burger Joys副線名銜的新店,到店後看到驚人的排隊人龍,人氣旺盛

位置:荃灣廣場對面馬路穿過小巷就可以看到,不算難找
環境:漢堡包店只設外賣,裝修整潔光亮
服務:店員下單忙過不停,但仍然態度友善
食物:可以在櫥窗看到店員即點即做的漢堡、熱狗及薯條☕

雙層芝士牛肉漢堡($78)
漢堡有兩層手打牛肉,而且份量亦很滿足,配合蕃茄、生菜、溶化的芝士以及香濃的燒汁,既多汁亦美味

芝士牛肉漢堡($58)
餐廳選擇只有幾款,顧客不用花多眼亂太太因不想吃太多肉,便選了這款只有單層牛肉,配合相同的配料及芝士的漢堡,當然味道也相同,很適合女士呢

套餐 (+$20)
買任何一款漢堡加港幣20元就可以轉套餐,有鮮炸薯條及罐裝汽水可惜家住的比較遠,薯條帶回家有點軟了,但不失其香氣,如果熱食一定會更美味呢而汽水可選可樂、零系可樂、雪碧、芬達及忌廉,罐裝總比汽水機好呢

行運熱狗(跟漢堡+$10)
如買漢堡可加港幣10元加點熱狗一個填滿了千島海鮮醬,配上腸仔、生菜及洋蔥,比某家連鎖傢俬店的更佳呢

總結這家新開漢堡店頗有特色,如日後多點選擇肯定會更受歡迎呢

參觀日期:2021年2月
感謝 moshui
該評論乃TripAdvisor會員主觀個人意見,不代表TripAdvisor LLC公司。

去過行運漢堡嗎? 請分享您的經驗!

發表評論 上載照片

業者們:有什麼想要和我們分享的嗎?

此物業由您擁有或管理嗎? 免費認領您的企業詳情,即可回應評論、更新檔案和進行更多操作。

認領您的企業詳情
US$USD
香港特別行政區
© 2021 TripAdvisor LLC 保留所有權利。

本網站的此版本是針對香港中文訪客而設。 如果你是另一個國家或地區的居民,請在下拉式選單中選擇你所屬國家或地區的相應 Tripadvisor 網站版本。